اهديتها وزعلت مني..معقوله في ناس كذا

السلام عليكم
بنات مرره مصدومه من جارتي
انا وجارتي مع بعض اكثر من١٠ سنوات علاقتي فيها زي الاخوات واكثر ماخذين ع بعض لدرجة دق الباب عليا وتدخل مافي اتصال بيناتنا وانا نفس الشي
اسرارها كلها عندي وانا بعض اسراري عندها،٨ سنوات مرة في حياتي من أحلى الذكريات معاها في السنه التاسعه قالت ايش رايك نسوي حفلة لعيد الاضحى بناتك وبناتي ينبسطو مع بعض فقلت لها اوكيه معاك واتفقنا ع كل شي،وسويناها في بيتها واحنا نجهز للحفله قلت ابغ اسوي مسابقات قالت طيب وقبلها بيوم رحت اشتريت هدايا للفائزات .وحسبت للكل،ابغ الكل يفوز..
وسوينا الحفله ومره انبسطنا رقصنا وهيصنا ، وبدات فقرة المسابقات وبدات اسؤي الفقرات الا فجأه وجها مرره اتغير وبان عليها انها اتضايقت وخرجت من الغرفه وشويه رجعت وقالت خلاص انتهت الحفله وتكلم بناتها بسرعه رتبو ابوكم حيجي ذحين(للمعلوميه ياما زوجها كان موجود في البيت وانا وبناتي عندها ونفس الشي هيا،يعني مو شي غريب جيت زوجها ع البيت)ولسا ماكملنا المسابقه جمعت الهدايا ورمتها عند باب الشقه وتقول وهيا متنرفزه خذوها معاكم فقلت لها انا جايبه للكل حتى لك ولبناتك طنشت كلامي وتقول لبنتي ي الله رتبي واخرجي بسرعه،فخرجت انا وبناتي وانا مستغربه من تصرفها وجلست تقريبا شهرين مابينا لا اتصال ولا زياره ولا حتى واتس وع شهر صفر رسلت لها رسالها عاديه صباحيه قريتها وماردت عليا،طنشت وبعدها بكم اسبوع بناتي قالو بيزوروهم(بناتي وبناتها علاقتهم زي ماهيا بس مافي زيارات كثييير)فقلت ي الله اروح معاكم ،فلما دخلنا قالت جيتي بقرف واشميزاز قولت لها اذا ماتبغيني اخرج،قالت لا عادي قيدك دخلتي وجلسنا وي الله تتكلم فماطولت خرجت .وبعدها ماكلمتها لحدت رمضان اللي فات رسلت لها اكل (وهذي عاده بيناتنا نتراسل بالاكل هيا مرره مارسلت خلص الشهر ومارسلت انا رسلت مرتين وبعدها مارسلت) واستمرينا بالقطيعه مااعرف ايش السبب،فمره قلت لبنتي لما تكلمي بنتها اساليها بطريقه غير مباشره ليه زعلو مننا ..فلما بنتي كلمتها قالت لها حفلة عيد الاضحى في بيتنا نبغ نسويها البنت قالت لا خلاص امك حرمتنا من الجمعات فبنتي قالت لها ليه قالت ليه تجيب هدايا للفائزين احنا محنا فقاره
فردت عليها قالت لها بالعكس ماما جابت للكل والهدايا حلوه..قالت لها اساس امك احتقرتنا لما جابت هديه محد يقدم هدايا الا للناس الهمج واحنا منا همج،،
فعرفت السبب ليه قاطعتني لما جلست احلل مشاكلها مع اهل زوجها كلها عشان موضوع الهدايا..
مرة حكتني ع مشكله مع مرة عم زوجها تقولي قليله الاصل البايره جابت هديا ليا لما ولدت(انا سمعتها ماجابت هديه ،فردتيت عليها مشي حالك لا تدققي تقولي شايفتني بزر عندها تجيب،وكلام كثييير اغلب مشاكلها مع اهل زوجها عشان كدا).
قبل يومين قلت اخزي ابليسك ي بنت راح نكمل سنتين واحنا متقاطعين اتصلي عليها وكلميها..اتصلت وكلمتها كلامها معايا عادي مكانها زعلانه مني فقلت لها ايشبك قاطعتينا هذي الفتره كلها،،الا بسم الله قامت تتكلم ومن ضمن خصامها اني ماني شايفتها شي وهيا اتكلفت بالحفله وانا جزيتها بالهدايا فقلت لها هدي لمعزتك وانا سويت مسابقه واللي يفوز اديلها هديه قالت حبيبتي لما اكون امص صباعي جيبي ليا هديه وقامت تسبني انا قليلة اصل ياما فتحت بيتها ليا وانا كافاتها بهديه،،،صراحه مستغربه من الموقف..
واللي خلاني اكتب الموضوع اليوم بنتي اهدت معلمه عندها واخذت المعلمه رقمي واتصلت تخاصم انت وبنتك شايفيني بزره تجيبي هديا ليا فقلت بنتي اللي اصرت من محبتها لك قالت شايفتني ايه عشان تجبلي هديه المشكله في وقاحتك مو في بنتك كان نصحتي بنتك وقلت لها ابلتك كبيره مو نونو تجيبي لها هديه(الهديه عباره عن علبة شوكولاته من شوكولاين ورده))
انا اكتب لكم وانا مستغربه انتو زي كدا ماتحبو الهدايا او صادفتو ناس متحب الهدايا..
سامحوني طولت في الموضوع