اهديتي صديقتك يوم زواجها هدية ( الله يسعدها الي ترد علي)

بنات تكفون ساعدوني
ابغى شي حلو ومميز تفرح فيه
لا تقصرون علي اسالوا صاحباتكم وقرايبكم

حلو لوانك تشترين الهديه الي تبينها وتغلفينها وتوصين احد من اهلك يسوي بوكيه ورد كبييير وفخم ويوديهها للفندق الي بتسكن فيه اول ليله..من تدخل غرفتها تلاقي هديتك والبوكيه...وحده من البنات اذكر قالت لي انه صديقتها بتتزوج زهي ماحضرت ووصت خالتها على هالشي وسوتها وصديقتها مرة فرحت بهالمفاجئه....
انا مرة صديقتي المقربه كانت بتسوي عمليه بموعد معين وانا عارفه بهالموعد مابكون موجوده..ولما كنت بالرياض شريت الهديه وغلفتها وخليتها بغرفتي ببيت اهلي..ولما سوت العمليه قلت لأهلي يشترون بوكيه ورد ويرسلونه مع الهديه الي سويتها...مرة فرحت صديقتي لما درت ان الهديه الي جتها مني وانا بغربتي....طبعا كتبت الكرت وخليته جوا الهديه عشان الكرت يكون بخطي مو احد من اهلي يكتبه بأسمي....الله لايحرمكم من بعض

القلب النابض الله يجزاك خير ويفرج همك
وسيعدك مشكوره على دعوتك
بس ممكن تقولين لي عن محل هدايا حلو واذا ممكن يوصلون لاني ما اقدر اوصي احد عليها تعرفين كل واحد بهمه واغلب الاهل بيسافرون والله يوفقك
وشكلك ما شاء الله عليك صاحبة واجب وتحبين تهدين وهذا عرفته من ردودك للبنات ساعديني بهدية للعروس حلوة وسعرها معقول
وذا ممكن عبارة حلوة او شعر يكون معناه اني حزنانه اني ما حضرة زواجها
سامحيني بس ما صدقت احد رد علي بسرعة الله يسعدك

محل هدايا ويوصل...بصراحه مافي
محلات الورود ممكن توصلك الي تبين بس ماتضمنين ان هديتك بتوصل مع الورد اذا بتحطينها عند محل الورد...محلات الورود الحلوة عندك زهرة الربيع يجنن بس مدري اذا يوصل والا لا..
عندك محل ازهار الي بجنب الملتقى بالملز هذا كمان حلو واعرف انه يوصل..
ازهار هذا انا دايم اتعامل معاه..عندهم بوكيهات ورد مجفف يجننننننن..احبه واحب اهدي الي يعز علي من هالبوكيه لأنه مايموت ويظل ذكرى يبيلك تروحين تشوفينه وتاخذينه..
بالنسبه للهديه انا شريت لصاحبتي لما سوت العمليه تعليقه مرة حلوة..لفيت صحارى محلات المجوهرات واخذت لها تعليقه رزيكون خطييره تقريبا سعرها حدود 500 ريال..
لو تحبين تاخذين لها الماس يكون احلى واكشخ...بس لازم احد يوصل هالأغراض لها..
شوفي احد تمونين عليه..عمانك خوالك او اخوان زوجك..اي احد تثقين فيه ويروح للفندق الي بتسكن فيه ويطلب الغرفه الي بأسم العريس ويقول لهم يحطون هالأغراض فيها...
بالنسبه للكرت صراحه حاليه ماعندي فره..هذي يبيلها قعده
بصراحه انا كروتي اكتبها من قلبي..يعني الي بخاطري حاليا اكتبه مو مهم عندي ادور كلام حلو ومنمق
حتى لو كنت اصيح وقت مااكتب الكرت..اكتب تحت تراي الحين اصيح..عشان احساسك يوصلها وتحسه بنفس اللحظه............

الله يوفق صديقتك

لرفع