السلام عليكن يا اخواتي ...
تابعتكن منذ فتره حتى قررت ان اسجل هنا ... واهدي لكن طبق معروف في الامارات اسمها الرنجينه ... سهل ولذيذ ...
المقادير
رطب كميه لا باس بها ..
طحين 2 كوب رقم 2
زيت (اي نوع ماعدا زيت الزيتون )
مكسرات
جوز ولوز ..
الطريقه
ترصين الرطب بطريقه منظمه تضعينها في صحن دائري .. ترصينها حبه حبه بالطول يعني واقفه مو نايمه ... الى ان تنتهين من الصحن بالكامل ... وترشينها بالمكسرات وياريت تكون مفرومه فرما خشنا .. مو ناعم .. يعني تقطعينها بالسكين احسن ..
في قدر على النار تسخنين الزيت
تصبين الطحين فوق الزيت وتحركين وتحركين وتحركين ... اذا حصلتي ان هناك طحين لم يتشرب الزيت ضعي المزيد من الزيت .. وحركي الخليط ودققي في الخليط حاولي ان تكون العجينه لينه جدا .. تقريبا قريبه من العجينه السائله ...
وحركي كثيرا .. لا تتوقفي ابدا الى ان تسمر الخليط ...
وتصبح لون الطحين اسمر اللون .. بني غامق ...
وتصبين الخليط فوق الرطب ... وتضعينها جانبا . وان احببت بامكانك ان ترشي على الخليط بالسكر الناعم ولو اني ما احب هالطريقه لان سكر زياده مو حلو .. كفايه سكر الرطب ..
او ترشي بالباقي من المكسرات على الخليط ...
والى ان تبرد .... وبعدين بالهنا والشفا ..
من اختكم كربوجه احلى تحيه .:02:

كربوجه @krbogh_1
عضوة
يلزم عليك تسجيل الدخول أولًا لكتابة تعليق.




تسلم ايدك ياعســــــ :27: ــــــــل على الحلا الحلو زيــــــــ :23: :23: ـــــــــــــــك :26: :26:
الصفحة الأخيرة
مشكوره يا عسل:26: