اهـــــــــــــــداء الى اغلى صديقه

إهداء معطر بأصدق المشاعر ......محمل بأسمى معاني الحب والوفاء ..مــنـــــــي إلى الغاليه مع باقة ورود حمراء معطره بندى الأشواق


أنا وعدتها إذا ربي أحياني
راح تشوف غلاتها عند الولهانه
ومهما خطيت وكتب بناني
ما أوصل شوقي لأعز إنسانه
بفراقها طول الوقت منه أعاني
ذقت مر الزمان وشفت ألوانه
ما كنت أتحمل بعدها لو ثواني
وأنا الحين لشوفتها والله ضميانه
لما أسمع صوتها ينقلب كياني
من اللهفه.. حتى الكلام أنسى أوزانه
خبرت بغلاها أهلي وحتى جيراني
ولما يسألوني وش أخبار فلانه
أقول غيروا السالفة تكفون عشاني
أخاف يطيح الدمع من مكانه
وإذا جاء طاريها أحس شي جاني
أحس القلب محترق بنيرانه
أذكر في أخر يوم بالامتحاني
القلب ما تحمل وتعب من شريانه
وسألني الدكتور من إيش تعاني؟؟
ضحك...وقال:البنت ما هي خليانه
أنا الوحيدة اللي أعرف وش جاني
لان الحطب ما يشعله إلا عيدانه
وأدري أن هذا حكم القدر...والكل فاني
كان ما أحد ابتعد عن أهله و خلانه
وترائها الحين هي تقراني
والولهان ما عمره احساسه خانه
وتعرفون وش مريحني ..أن( أماني)
تدري وش هي بالنسبه للولهانه
وختاماً:ربي يحقق لنا كل الأماني
وصدرونا بالحب والمشاعر مليانه

ما شاء الله...الى الامام عزيزتي

عجبتني كثير .. وحاولي تكتبين أكثر وتنمين هاذي الموهبة .. بالتوفيق وخلينا نطلع على جديدج..

الله يوفقك اعجبتني كثيرا

اخواتي الغاليات


لك يا راقية الحس والإحساس ،، باقة من كل أنواع زهور وورود الدنيا

أحمد الله تعالى أن وهبني أناسا مثلكم ،،، أحسهم كبلسم على جراحي

ما ذكرته الى جزء من ملايين الاجزاء ما بداخلي


لكم من كل الشكر