السلام عليكم ورحمة الله وبركاته
......
اسعد الله ايامكم ولياليكم
وكل عام وانتم بخير بمناسبة او من غير مناسبة هع
هالمزايين بسم الله عليهم لقطتهم من الكوافير يتزهبون للعيد
سموا عليهم بس لاتجيهم عين قويه تحطهم ببطني خخخ
كنت انكت آسفه ...
هييع
سبحان الله لو نستذكر رحمة الله عزوجل بنا لما فدى اسماعيل عليه السلام بذبح عظيم
لو كان قد ذُبح اسماعيل لكانت سنة باقية وربما كانت واجبة ان يضحي الشخص بأحب ابنائه اليه ويذبحه في مثل يوم الاضحى ..
لكن الله عزوجل كافئ نبيه ابراهيم عليه السلام حنما استسلم لله في هذا الامر الشديد وحين سلم اسماعيل عليه السلام نفسه لأمر الله عزوجل ، بهذا الذبح العظيم الذي قدمه احد ابناء آدم عليه السلام قربانا لله عزوجل فتقبله منه ربه سبحانه ..
......
عندما يأتي اول ايام عيد الاضحى المبارك <<< ولا وشرايكم اتكلم عربي حقنا ؟:09: عامي يعني !
كنت اقول لمن يجي يوم عيد الاضحي يصير المزايين اعلاه في حالة هبوط في الضغط وينظرون نظرات وداع حقيقيه وانواع الاضراب عن الطعام << يحسبونا جايبنهم لأجل نحلبهم يوم انا قاطعنا المراعي
مادروا اننا بطلنا مقاطعه
والله اشوف الناس يشترون برطمانات المراعي الكبيرة ماشاء الله واحاول امر من جنبهم واستغفر عشان يتذكرون المقاطعه بس ماش اشوفهم يشيلون زياده بعد << تراني مطنقرة من المراعي الا اذا عطوني رضاوة ابسوي لهم دعايا حلوة ..
عموما مو هذا موضوعنا ،، خلينا نوصل للزبده
ماشاء الله الاولين كانوا يستفيدون من كل شئ في الغنمه
من اول شحمها الين لحمها
حتى العظم مدري وش كانوا يسوون به بس اهم شئ كانوا يستفيدون اكيد خخ
وانا صغيره كانت ايام الطفوله مرة لزيزة ليتها تعود بس مافي امل لازم ارضى بالواقع
كنت اشوف الخروف وهو ينذبح واقول ليش وش سوى عشان يذبحونه << احسبه كان يرقم غنمه هع
واشوف الخروف الثاني موقف بالزاويه مسكين وسوا شئ مو زين على روحه هع واشوفه يرررجف
من عقبها وانا اذا شفت الذبيحة قدامي اعافها ..
عشان كذا ياريت كل وحده تعطيني من ذبيحتها اللي ماشفتها << اسلوب جديد للشحاذه هع
ماكملت السالفة يوم اقول الاولين واكيد في بعضهم الحين ماشيين على نفس الخطه
كانوا اذا اذبحوا الخروف ياخذون وبره ويحطونه دعاسات للسيارة
واللحم اكيد ياكلونه ويصنعون منه لحم مفروم عشان الكباب والحركات الثانيه معكروونه باشاميل وغيره وغيره
والسر اللي جدتي كانت تسويه من شحمه << بس لاتعلمون احد تراه سر،،،، كانت تصنع منه زبده مدري سمن يضاهي سمن ملعقه وشوكه او لايضاهيه مدري وش الجمله الاصح ..
وحوافره كانوا يقصقصون اظافيره ويعطونها مدير الدرسة لأجل يمسك بها الاوراق لاتطير ..
اما الكبده مااحلاها يسوون بها فطور الصبح
بس افكر دايم ماكان عندهم بيبسي يبلعون فيه السندوتش! شلون عايشين من غيره سبحان الله ؟!! انا مقدر اتغدى الا وهو مشرف احسه يكنس الحلق كنس ويبلع الخبزه مزبووط .
حتى لو عندهم بيبسي مافيه ثلاجات يبردونه اجل شلون يشربونه حار لاااامستحيل !!!!
وش بعد والقرون حقت الخروف اتوقع والله اعلم يحطونها ارجل للمكتب عشان يرتفع عن الارض ..
ياحبي لهم بس والله ايامهم تهبل ليتها تعودّ << اعترفي كم عمرك هع
هواا خرووف العيد حبيبنا وكل له مشتاااء
اللي بيعمل كدا كدا ويئول ماء ماء ماااااااء << اتوقع حيل عطشان عنده جفاف طول الليل يصبصب عرق فديت لحمته هع
اهلن بيك ياخرووف ياجمييل
بحلم فيك انا طول الليل << والله لو انه حليب موز ماتغزلت فيه هالشكل خخخ
اتمنى لكم عيدا سعيدا
ولحما طريا
:26:
ملحووظه
ترى الاستخدامات اللي فوق الخاصة بأيام اول مو حقيقيه ولاني اتطنز
بس كنا نتفلسف مع وحده كبيرة الله يرحمها ونعلق على كلامها وهي تحكي لنا استخدامات الغنمه هع
ختاما
اذكركم ان ايام التشريق ايام اكل وشرب وذكــــــــر لله عزوجل
فلاتنسوني من كتف الخرووف هيييع
الله اكبر الله اكبر لا اله الا الله
الله اكبر الله اكبر ولله الحمد
الله اكبر كبيرا
والحمد لله كثيرا
وسبحان الله بكرة واصيلا
وصل اللهم على نبينا محمد وعلى اله وصحبه وسلم تسليما كثير
(كبروا الله عزوجل فهو يستحق سبحانه )
سبحانك اللهم وبحمدك
اشهد ان لا اله الا انت
استغفرك واتوب اليك
لا اله الا الله ..
ياويل قلبي انا معي فوبيـــا من اللون الاحمر والدم
اتخيل لو اشوف هالمذبحــــه افطس قبل الخروف خخخخ
بعدين تعالي هنا يابكــــاشه ..اجل الاولين يعرفون مكرونه بالباشاميل كككك
لبى قليبك يالغاليه كل عام وانتي بخيـــــــــــــــــر