اهلها يمنعونها عن الحلال ساعدوها..

بسم الله الرحمن الرحيم


اعذروني استخدمت اية قووية في العنوان..بس لاني مقهووورة عالبنت صحيح الموضوع ماله علاقة بالصلاة
بس يصب في نفس النهر..لان اهلها يمنعونها عن شي حلال..
الموضوع باختصار لبنت عم صاحبتي..هي من اعيااان الحضر ومن عائلة مشهووورة جدا..ولكن للاسف ابوها اضاع ثروته وورثه بطيشه ونزواته فاصبحو افقر فرع في هذه العيلة..وابوها رجل عجووز ومريض ومرضه يصرف وامها من عائلة معروفة ايضا ومتعلمة لكن اضطرت انها تشتغل فراشة في مدرسة!!
وكان عندهم اخ وحييد على 6 بنات..ولكن الله يرحمه ويسامحه اتقص في قضية اخلاقية مشهورة..
طبعا تكاتلت هذه الظروف عليها..وماصار احد من جماعتهم يتقدملهم لانه يطلون لهم باحتقار واذا وحدة منهم حضرت اي مناسبة لهم تسمع الناس يتهامسون(هذه فلان اخت فلان اللوطي اللي اتقص)!!
المهم هالبنت تعتبر احسن وحدة في عيلتها..يعني تصلي وعابدة ماشاء الله..واهلها الدين من صوب وهم من صوب هي الصلاة ويادوب يقومون بها..ويتريقون عليها اذا شوفها تعبد الله..
المشكلة هي..
في واحد قريبهم من بعيييييييد جدا يحبها منذ الطفوولة..وله 10 سنين يتقدم لها رسمي..واهلها يرفضو لاسباب غريبة اولها:
ان هذا الشاب بدوي(مع احترامي للبدو هذه وجهة نظر اهلها)رافضينه لهذا السبب يشفون ان البدوي اقل منهم وان اهله جايين من الديرة وعماته وخالاته عايشين في خيااام..وينظرون لاهله باستعلاء ماتدرون على ايه وهم فيهم عيووب الكون
ثاني سبب:
صح اهلها فقرا بس ايام العز ابوهم حرص يعلمهم تعليم عاااالي..يعني اتنين من خواتها دكاترة..واخوها اللي يرحمه كان مهندس بترول..و3 مدرسات..وهي معها ماجستير..وامها جامعية وابوها كان مدرس رياضيات..لكن اهل العريس اميين لا يقرو ولا يكتبو والعريس معاه ثانوي بس..واخواته واخوانه زيه...فاهلها يقولون مو من مستوانا!!
تالت سبب:
انه عريسها خلال ال10 سنين هذه كل مايخطبها ويرفضون كان تجيه حالات اكتئاب ويترك عمله ويجلس بالبيت وينحرف مع الشباب لدرجة انو كان عليه حكم قضائي لكن الحمدلله ربي حلها من عنده
رابع سبب:
ان البنت ماشاء الله عليها مميزة جميلة جمااااال فتاك..وخلوقة وحافظة الكثير من القران..ومتعلمة..واهلها يبون لها واحد غني يصرف عليهم كلهم!! مع ان عريسها ذا ماديته طيبة بس عارفين انه ماهو دلخ وماراح يعرفون يضحكون عليه..
هذه هي الاسباب تقريبا..
هذا الشاب حاول يوصلها بس هي كانت قوية وثابتة على موقفها..كلمته مرة اتفاهمت معاه عالخطوبة ومن بعدها خلااص..
والحين العريس هذا اهله بعد ماكانو يموتون عالبنت لولدهم صار يقولون له هذه ماتصلح لك ولمتى بتم شذي تنتظرها..واهله معهم حق الولد موقف حياته عليها..لدرجة انهم جوه بالطيب وقالو له ياوليدي نبي نفرح فيك تعال نخطب لك..صار يفشلهم يوم الشوفة من يوم ماتدخل عليه العروسة يبكي ويقولها والله حبيبتي ماتسواكي!! يابنت هاني جايك بجسمي لجل ارضي والديني بس انا ابي فلانة..اذا تبين جسمي خذيه بس قليبي معه..ومرة وحدة من البنات بكت معه قالتله انا اتمناك لي من زمااان بس مادام سعادتك معها الله يجمعك فيها..روح ياابن الناس

المهم العريس صبره مل..خلى خالته اللي تصير متزوجة ولد عم هالبنت وقال لها افتحي مكبر الصوت ابيها تسمعني واسمعها لانها عاهدت الله مانتكلم في الحرام ابدا..قال لها:
يابنت الناس انا شاريك وابيك بس سوي شي عشاني..كلمي هلك اقنعيهم..انا مليت وحياتي بتضيع وقعد يبكي..وهي بكت معه وماشاء الله عليه عندها ايمان قالتله:
احنا نبي حلال..لو مو حرام والله كان تميت احبك عمري كله ورحت وجيت معك وكلمتك جواال بالعكس كدة اريحلي واسهلي بس ان ابي الحلاااااااااال ابي الكون كله يشهد اني مرتك وحلالك ابي لاشفتك اناظرك بقواية عين واملي عيني منك مو انحاش ورا الستارة واشوفك..اصبر ربي راح ينصرنا..وقالت كلام كثييييييير عن حسن الظن بالله والتوكل عيله وبكينا كلنا معاها..
وهو قالها قدامك شهر تقنعين هلك وبعدها ماراح تسمعين عني خبر راح اترك الشرق الاوسط كله واهاجر..

والحين هي محتارة باقيلها اسبوعين من الشهر..ولا سوت شي!!
خواتها الله يهديهم حررررريم كبار متزوجين..ماهمهم غير المظاهر والبرستيج يقولون لها هذا مايصلح لك مو من ثوبنا تبين تفضحينا ويقولون اختك ماخذة البدوي!!تبين عيالك يطلعون بدو ويعيشون بالديررة!!
ون هالكلام..
يابنااات اللي تعرف دعاء او طريقة لاقناع الاب والام تقولنا هي ماهمها خواته تبي رضى الله ثم الوالدين والله ماعندها حل تدعي ربي يعفها ويغنيها عن الحرام.. نسيت اقولكم البنت والعريس عمرهم 24سنة