اهلي ..

ماادري من فين ابدا ولا ادري وش اقول بس محتاجه احد حكيم وعاقل يساعدني لاني في هم كبير
مشكلتي ماتخص اطفالي ولا زوجي مشكلتي تخص اهلي
انا اعيش في منطقة بعيدة جدا عن اهلي اروح كل 4 او 6 شهور طيران
اكلمهم دائما يوم ويوم ولا عمري حسيت ان فيهم شي
ولما رحت لهم مر اول اسبوع طبيعي وعااادي مالاحظت شي
ويوم من الايام اختي اللي عمرها 16 جتني وانا لحالي قالت انا بقولك شي كنت اتمنى اقوله من الاجازه الصيفيه اللي راحت بس مااقدرت ومالقيت وقت انا انصدمت قلت وشو قولي
قالت انا شفت ابوي مع الشغاله ,,,, انا انصدمت تمنيت الارض تنشق وتبلعني قبل ماتقول اي شي اختي الطفله الصغيره تقولي كذا.. قلت شلون يعني وحكتلي مواقف كثيره شافتها هي واختي الاصغر منها عمرها 14
ابوي كان انسان ملتزم لابعد الحدود رباني انا واخواني الكبار على حفظ القرآن حتى تلفزيون ماكان عندنا ربانا احسن تربية حتى حجابي انا وامي ولبسنا كان دائما ينصحنا ولا يخلينا نتهاون بهالشي ابدا وتزوجت وهو على هالحال ومرت السنوات وبدا ابوي يتغير ويتهااون باشياء كثيره ودخلت القنوات الفضائيه البيت وصار كل وقته عالتلفزيون وتغير حتى كلامه وكل شي فيه
اخواني صاروا يتفشلون من تصرفات ابوي للاسف
اخواتي بعد اللي شافوه صاروا يكرهونه ولا يحترمونه وانا انصدمممممت من طريقة كلامهم معه وربي لو سواق عندهم مالكلموه كذا انا ماتحملت طريقتهم انفجرت عليهم قلت مهما صار حتى لو كفر مو من حقكم تعاملونه كذا
انا منهاره مو مصدقه ان ابوي كذا احاول اكذبهم ومااصدق بس كل شي واضح انا شفت بعيني بيني وبينكم كرهته وماعاد في قلبي اي شي اتجاه ابوي صرت احسه غرييييييب مو هذا ابوي اللي رباني مو هذا اللي كنت اتمنى اصير مثله مو هذا اللي كان يحميني من كل شي صرت احس بخوووف افكر لو صار شي منو بيكون ظهر وسند لي ...كرهته بسبب اللي سواه لامي كيف هانت عليه امي صارت مهمومه وحزينه واللي زاد حزنها ان بناتها يعرفون كل شي
انا خااايفه على اخواتي لسى صغار مراهقات شافوا ابوهم يخون امهم كيف راح تكون حياتهم
انا الكبيره عمري 24 مو عارفه شسوي عشان اساعدهم وكيف نحل هالمشكله كيف اداوي جروح امي وانسيها همومها
الشغاله مو لنا لجدي وجودها ضروري جدي مريض وماراح يسمح لاحد يسفرها