اهلي

السلام عليكم ورحمة الله وبركاته
اخباركم بنات بدخل بالموضوع على طول
من فتره كتبت عشان اهلي وأنهم متضايقين منا وكذا المهم تكلمت مع زوجي ورفض جلوسي بالبيت قلي هذولا اهلك لازم تجلسين عندهم المهم ماتحملت وقلتله السبب قام يقول كيف اهل يتضايقون من بنتهم وعيالها ومن هالكلام ولمن رحنا زرنا اهلي وامي سلمت على عيالي وقالت وحشونا وربي وابوي قام يلعبهم وربي كأنكم صفقتوني وين اللي كأنو متضايقين منهم قام زوجي ضحك قدام اهلي وقلي كيف تقولين اهلك متضايقين منهم والله يابنات ندمت اني تكلمت
المهم اليوم حصل موقف مره غابني أبوي كان نايم واحنا نحسبه بالمجلس حقه انا دخلت الحمام تكرمون الا واسمع ولدي يصرخ وفاتح فمه ويبكي اقلب فيه احاول اسكته ماصدقت وهو سكت طلع طاح وسنه انكسر وأختي الصغيره واقفه جنبه تصارخ بصوتها كله وتبكي وترمي نفسها فالارض ليش اختي ماتعطيها حقها الحيوان تكرمون دخلنا الغرفه انا وولدي وكنت اجهز ملابسه عشان بيروح بيت عمه شوي الا ابوي فتح الباب طلع على صوت اختي وناداهم قلت لولدي روح عند جدك دخلهم عنده الغرفه كأنو يبكون اي ولد يروح عن امه يبكي هالشي معروف قام ابوي شال الجزمه حقته تكرمون وضرب ولدي فيها على خده وانا ادق الباب ابي اخذً ولدي ولا فتحلي الباب ولارد علي واسمع ولدي يبكي والله من بكاه خنقتني العبره حسّيت نفسي راميه نفسي عليهم وزوجي موهامه قامت اختي قالت لا تدقين وتاخذين ولدك الا اذا بتمسكيه قلتلها انا ماسكته وولدي مابكي وصرخ الا لمن طاح على سنه وربي يشهد انو اختي من يوم ماوصلت عندهم وهي كل يوم تصارخ عشان الجوال قبل لاتنام ولا يسويلها شي ليش ولدي يعني لو انه ضربه على أيده او خاصمه بقول عادي بس موب على وجهه وبالجزمهً تكرمون جاء عم ولدي وأخذه اليوم قلت لزوجته خليه عندكم اسبوع اسفه يابنات أزعجتكم بس مالي غير الله وانتم مره مغبونه زوجي مقدر احكيله لاانه مابيصدق وبنفس الوقت مأمنه فايده اني اقوله