اهلي بيقتلوني...الله يوفق الي تساعدني>>]

بدخل بالموضوع على طول وتراني متاابعه هالمنتدى من 3 سنوات واكثر وكنت خايفه اطرح مشكلتي حتى اني دخلت من يوزر قريبتي مش يوزري

اولا كل عام وانتم بخير

ياجماعة الخير انا دااخله على الله ثم عليكم عندي مشكله كبيرة كبيرة انا من يوم الله خلقني وانا على مذهب اهل السنه والجماعه سبحان الله بالفطرة وبعدها المدرسه وعمري مااقتنعت بالمذاهب الثانيه ابد واهلي على مذهب الشيعه الله يهديهم طبعا عندي اختي المتزوجه مثلي ويوم تزوجت اعلنت للكل انها سنيه هي وزوجها ومااهم احد وصاروا من جماعةالمهتدين الحلو باااهلي انهم ماااعندهم تخاااريف زي غيرهم وياما تناااقشت مع امي تقول مااانغير كذا اهلنا وحنا كذا ...... استغفر الله انا تعبت انها تتغير احيان امي عادي معي واحيان تهاوشني وتقول انا بقول لابوك انك سنيه انا تعبت نفسيا وفوق كل هذا صاابرة لاني ماااابي احد يطلق علي شيعيه لانه اهلي كذا دايم اقول ليه انا مكنت من عايله سنيه مع انه اهلي عيله كبيرة ومعروفه بس مو راضين يكونون من اهل السنه

لاتقولين حاااولي تنصحينهم لاني تعبت من المحاولات الفاااشله والله برمضان الي فات كانوا يحطون العريفي بالتلفزيونالساعه 5 المغرب (طبعا انا هالشيخ احبه بالله وماافوت محاضراته وبرامجه ابد واتمنى بزوج مثله) وكنت احطه لاني مع امي بالمطبخ ابي امي تسمع تقتنع تشوف الصح اقسم بالله اذا ابوي دخل ولقااه يقلب القناة على محطة شيعيه انا ضغطي يرتفع وشوي ببكي حتى امي قالت له خل العريفي خل نكمل الي يقوله مارضى انا طبعا زعلت ودخلت غرفتي ابكي وادعي ربي وياكثر المواقف الي مرينا فيها

لكن المشكله الاكبر اني الان بعمر ال 24 وصرت بسن زواج وانا متوسطة الجمال لوني حنطي فاتح شكليا انا عاديه من بين خواتي بس انا ماشاء الله احلاهم جسم ((( يعني فرصة الزواج عندي مو زي خواتي البيض هم ينخطبون اكثر من المجتمع ))

انخطبت مرة من وحده من الجنوب اصلها من ابها تعرفني بايام الجامعه والبنت طااايرة فيني وانا عاجبتها وعاجبه امها بالحيل بس ام الولد اتصلت على امي امي ردتها قالت احنا شيعه وماانزوجها الا شيعي وصديقتي وامها عارفين اني سنيه قالوا لها طيب احنا نبيها حتى لو شيعيه احنا شارينكم امي رفضت وانتهى الموضوع انخطبت مرة من شيعي وانا رفضته كل شيء ولاديني مااابي اطفالي يشوفون الي انا شفته ابد

توني قبل شهر سجلت بموقع العفاف للزواج وهم في شخص من ابها يشتغل عسكري عجبته وارسل لي يبي امه تجيني بدوامي تتعرف علي لاني بلغته انه اهلي ممكن يرفضون وقال خلي امي تجي تجلس معك لو 5 دقايق طبعا الموقع مااافيه لا تلفونات ولا ايميلات ولاشيء وكل التواصل يتم بين شيوخ ثقه صاحب الموقع الشيخ الهويمل وانا متررددة او خااايفه من التجربه ومن اهلي انهم يردونه تعبت عمتي عندها بنت زوجتها سني بس ابوي مورااااضي يقتنع يقولون وش بيقولون الناس علينا لو تعنسين مااافي سني

بنات طلبتكم ساااعدوني انا حالي حال اي وحده ابي استقرار وابي اعيش بسلام واسلم على ديني والله قلبي يتقطع برمضان ابي اروح المسجد اصلي التراويح وبالعشر اللاواخر القيام بس مااايرضون لي الله يعافيكم انصحوني عطوني حل انصحوني اعتبروني اختكم او ارفعوا موضوعي بدعوه الله يجزاكم خير اوقفوا معي وش السواة وش الحل

طبعا انا من السعوديه واهلي اصلهم من الاحساء عشان محد يسالني