اهلي تعبوني/ الموضوع سبق وتم طرحه

السلام عليكم ..
مابي اطول عليكم اولاً انا بنت عمري 20 سنه امي وابوي مطلقين وعايشين عند خالاتي انا وخواتي عددنا 3 وعندي اخو واحد المهم ان وحده من خواتي تنام مع خالتي والثانيه مع امي وانا مع اخوي :( هنا المشكله ان الغرفه الي انام فيها مع اخوي صغيررررررره مرررررره وبزياده سريري جنب سريره بالحيل حتى مافي فاصل كومدينه وهو بالمتوسط كبير وجثل وشنبه خط انا كبرت وصرت استححي انام معه بالغرفه وماني مرتاحه ابدد اكش منه المهم عكس خواتي الي مرتاحييين بغرفهم ولا احد يزعجهم ومساحتها كبيرره وعندنا غرفه فيها ولدين واحد بالجبيل وواحد بالمتوسط اقولهم انقلو اخوي بسرير الي بالجبيل مو راضيين رافضين مره وانا صرت انزل انام بالمجالس واقط نفسي بكل مكان ويهاوشوني :( شرحت لهم وضعي ولا همهم ابد والله اكتب لكم وانا ابكي من القهر ان محد حاس فيني من امس وهم هواش فيني عشاني انام بالمجلس ومو بكيفي جد ماني قادره انام بهذيك الغرفه عشاني اكش من اخوي وازعاجه بعد ومارتااح فيها ابدد نفسيتي تعبت مره انتو تشوفون ان معي حق ولا لا ! تعبت من هالسالفه والله لان اكثر من مليون مره فتحتها ويسكتوني