بالنسبى للنظافة لغرف النوم خليها قبل النوم وشغليهم كلهم الاولاد
للطبخ سوي شي مايكلف مو عجن ولف وقلي
مثلا شوربة معكرونه تورتيلا جاهزة بس لفيها
غسيل المطبخ شغلي اختك معك
تمر الأيام وتمضي ويبقى الأجر
ترى كلنا نتعب مع الضيوف بس الواحد يحاااول يضبط الأمور ويتجمل
والله يعينك

والله ما ألومك بس احتسبي الاجر وانا اختك
جربت لي شهرين الان اقسم بالله من ضيف الى ضيوف الى اهلي الى اهل زوجي الى اخواني الى ام زوجي
كل شوي احد يدخل علي اقسم بالله تعببببب فضيع وظهري يوجعني وتوني كملت اربع شهور من ولدت قيصري
كرررررف وتعب بس احتسب الاجر حتى زوجي تصدقي مايمديني اكلمه او اسولف معه من الضيوف
مايمدي يخلص اسبوع الاوجانا الضيف اللي بعده
هلكت فعلاً والان اخواني عندي الله ييسر الامور ويرزقنا الصبر وانا اختك
احتسبي كل عمل خير ربي يكتب لك اجره
والله اتمنى اسمع هدووووء بالبيت ارتاح شوي ابغى حتى مصحفي امسكه ما افضى الا وانا هلاص داااايخه من التعب والنوم وهلكانه من اطفالي
لكن امر الله وقضاءه اصبري
الحمدلله على كل حال

قفلي ابواب الغرف كلها

انا مو متضايقة من جلستهم بس تعب تعب اسوي سفرتين كل يوم وما يحبون اكل المطاعم لازم كل شى من البيت

مم ردود الاخوات ومن مواضيع سابقه صار عندي سوال يفرض نفسه
ليش اللي تتحمل ضيوفها وتصبر وتحتسب الاجر وتجامل وما تعبر عن ضيقها الناس ما تحس فيها ويكرفوها وبيتها على طول ما يفضى من الضيوف ؟؟؟!!!!!
حتى اهلها واهل زوجها يشوفوها كذا يعتقدوا انها فرحااااانه فيهم وانهم ما ضايقوها ولا ضيقوا عليها .. ما يحسوا لوحدهم باللي قدامهم .. شي غريب !!!!
لما مسكينه خلااااااااااص تنهلك وتطلع منها كلمه من غير قصد او تحت ضغط التعب وقلة النوم يبان عليها ووقتها يزعلوا منها وينسوا كل شي .. ليش ما نحس بالاشخاص ونحط انفسنا مكانهم واللي ما نتحمله مانحمله غيرنا
مجرد ملاحظه وغير كذا كنت بمر بنفس الموقف بسبب اني كنت اجامل وارحب فكان بيتطور الموضوع فتداركت نفسي