بلغط ياام الحلوين كنت ابي انزله تعليق لوحد

صااادقه اشتكي عليه
سكوتكم مو حل للمشكله

شوفي هذا مو مشكلة توها هذي مشكله يبي لها حل جذري
لو أمك تقعد عندك هالمرة وتنحل المشكله بنقول عادي
هل تتوقعين اخوك بيتغير هالمرة ?
اذا لا وهذا المتوقع يعني جيت أمك وأختك عندك ماراح تحل المشكله
والي يقول قولي لامك او تعذري منها
شنو تبيها تقول لامها وامها بوقت محتاجة بنتها راح تكسر فيها
هذي أمها والله لو شنو طلبت منها ماتلحق جزاها
وأكيد أمها لو ماهي مظطرة ماطلبت من بنتها
انها تجي تسكن عندها ولا في وحدة تترك بيتها
وتسكن عند نسيبها الا هي مطره للشي هذا
أكيد شي غصب عنها هذا ولدها وهي توقع انها بالطريقه هذي
ممكن تصلحة او تعبت نفسيتها الله يكون بعونها ويهدي لها ولدها
انتي لازم تعرفين حل المشكله
نهائي
شوفي المشكلة كلها بخوك وخوفك من زوجك شي طبيعي تخافين
تردين عند بيت اهلك وتعيشين نفس اول من حركات اخوك الي تطفر
اتذكر بنت جيرانا اخوها كان نفس اخوك والله تقولي اختها الكبيرة
كان يجيب مكينه الحلاقة ويحلق شعرها
ويسجنها بغرفه
كان مججن فيهم وتقول كان مايخلها تحط حمرة روج بالبيت حتي داخ البيت
البنت تزوجة وفتكت وبقاء يجنن خواتها الصغار شغال عليهم حتي أمه تدعي عليه
بالموت وكنا نقول لها لا حرام لاتدعين عليه ادعي له بالهدايه
واتوقع كان يأكل حبوب الله اعلم
المهم مهبل فيهم شوفيه الحين ماشاء الله من زوجوة عقل وتكن
تقول أمة من ألَّبيت للدوام ويدق على خواته يعزمهم وإذا ماعندهم احد يروح
هو بنفسه يجيبهم
ادعي لخواك بالهدايه تراه مبلي وحاولو تزوجوة ماراح يطخخة الا المره بس ها
لازم تقولون للمره عن وضعه عشان مايكون غش وهم عاد كيفهم يوافق او يرفضووووو
ياكثر رجال هالشكل ولما تزوجووو صار حمل وديع وترك صحبه السووووء
بس عليكم بتزويجه وأمك لاتقولي لها لأتجي راح تجرحيها بحزة هي متضايقه
بتزيدي ضيقتها وترا كل الحريم الكبار بالسن كذا
يهلوووون الأولي والتالي مو بس أمك ماتقول هذا بينقد ولا شي عادي عندهم
خلي احد من خواتك ولا اخوانك ولا عمامك خوالك اي احد
اخوك يسمع له ويحبه يدخل موضوع الزواج بمخة وزوجة اذا وافق قبل
لايغير رأيه
وأمك استقبليهم يبون يغير جو اخوك الي كرهم بالبيت الله يعينهم
ويهدي اخوك وكل شباب المسلمين

للاسف امك جدا ضعيفه وضعفها راح يخرب عليك بيتك
زوجك مهما بلغت طيبته يضل رجل غريب
خلي امك ترتاح عندك كم يوم لانها مريضه
لكن اقنعيها ضروري تبلغ الشرطه عنه بتهمة العقوق قسم يمرمطوه ويفكوكم منه
الي مارباه اهله يربوه الحكومه
وانتي يااختي شكلك وارثه الضعف من امك
ليه تستقبلي اخوك اصلا في بيتك!! اطرديه بصوت عالي ولاتخجلي او تخافي منه
او لاتفتحي بابك له
اتحركي يااختي ضعفك وبرودك ماراح ينفعوك وراح تخسري بيتك واستقرارك

الجيء لله هو ارحم لك من عباده
ادعي ليل ونهار الله يفرج همك
ويسخر لك زوجك
مافيه مثل الدعاء
قال الرسول صلى الله عليه وسلم (لايرد القضاء الا الدعاء