اهلي دمروني :(

السلام عليكم ورحمة الله وبركاته
اسعد الله ايامكم حبيباتي ..
ماعرف كيف ابدا الموضوع اصعب شي على الانسان واكبر مشكلة وعقبة ممكن يواجهها لمن تكون مشكلته اهله وعقبته هي اهله الي من الطبيعي يكونوا سند ..
ببدا معاكم سالفتي باختصار واتمنى ردود الحكيمات منكم ..
انا ام منفصلة وعندي بنت .. بعمر ال ٦ سنوات
ليا تقريبا في بيت اهلي ٥ سنوات شفت فيها انواع الذل والتهميش والاهانة من امي وابوي .. صبرت وتحملت وكنت اسلي نفسي اني اطلع اشتغل واقدر اصرف عبى نفسي وبنتي ..
طبعا ابوي من قبل اتزوج ماقصد صرف علي واخر عهدي بصرفه علي لمن كتت بالمرحلة الثانوية ..
بعد انفصالي صارت معاملت امي وابوي لي جدا سيئة اهانات نفسية كل يوم ... امي صارت تقول لي لا تستخدمي فرن البيت .. لا تغسلي ملابسك وملابس بنتك في غسالة البيت لا تستخدمي مواعين المطبح اشتري لك مواعين .. انتو متخيلين :((((
صارت حتى لمن تسوي الاكل تشيله لاخواني وانا وبنتي ماتحسب لنا :( ..
واحيان تحرض اخواني علي مثل لا تجيبون لها شي او اذا في شي فالبيت خربان تقول انه مني وانا يشهد ربي ما يكون لي دخل فيه :(
واذا بنتي طاح منها عصير بالغلط وانكب تجلس تصارخ عليها ولاعاد تعطونها شي وتجلس بنتي تبكي
قسم بالله اكتب وانا بقهر مايعلم فيه الا ربي ..
احيان تقول الفاظ جارحة مثل فاشلة وبايرة واللي مثلك مفروض في بيت زوجها و و و :(
صرت اتقوقع على نفسي ومت غرفتي للحمام ومن الحمام للغرفة
وانا غرفتي صغيرة فالبيت يادوب تشيلني انا وبنتي واغراضها رحت شريت لي قدر ودافور وكم صحن وثلاجة صغيرة وحطيتها فغرفتي عشان اتجنب المشاكل من امي ..
بس بنتي خايفة على بنتي ونفسيتها وربي ماقدر اربيها في هذا الجو .. صرت احاول اطلعها حديقة او سوق تغير جو
واروح مع اوبر وانا اشيل عربيتها واغراضها اخواني محد حولي ..
وهنا يبدا ابوي انواع الاهانات وليش تطلعين من البيت ولا عاد تطلعين اجلسي فالغرفة ومن هذا الكلام :(
ياجماعة انا احس اني بموت انا ماهمني نفسي همني بنتي مابيها تعيش بهذا الجو المشحون ..
انا كتبت لكم كل شي باختصار والا المواقف كثيييييير ررة
واحيان بنتي تجلس تبكي يوم تسمع ابوي والا امي يصارخون علي
والحين انا افكر اطلع من بيت اهلي واستقل بشقة ايجار .. واشتغل واصرف على نفسي مثل ماصرفت علي نفسي ١٠ سنوات وانا فبيت اهلي وشلت نفسي بنفسي ولازلت شايلة نفسي وبنتي ..

يس متخوفة من هذه الخطوة .. اخاف ابوي يقدم بلاغ عند الشرطة ؟ او يكون ممنوع فالدولة ؟
اتمنى الي تعرف من تجربتها توصف لي ..
وهل استقلال الوحدة عادي والا ممنوع عندنا ؟
الله يجزاكم خير وربي ماكتبت الا بعد ماطفح الكيل وماعندي بعد الله غيركم .. ابي نصيحتكم