اختي نصيحه اذا نقلتي ركبي كاميرات عند باب الشقه واختاري دور مرتفع و توكلي الله وحافظي على اذكارك ..الله يسترك فوق الارض وتحت الارض ويوم العرض ويسعدك ويرضى عليكدنيا واخره الله يخليلك بنتك ويفرحك فيها ..

شوفي بصراحة اذا طلاقك من زوجك رجعي..وكان انسان كويس وسالم من البلاوي والمخدرات..خلي احد يكلمه وارجعو لبعض وافتحو صفحة جديدة...لكن اذا بائن بينونة كبرى..بصراحة تزوجي انسان فيه خير واشرطي عليه بنتك معك..ولو عندك وظيفة حكومية استقلي لوحدك..ولو ماعندك احسها صعبة لان اهلك اكيد يهتمون بكلام الناس وش يقولون .؟!! بنتهم تطلقت وطلعت لوحدها تستاجر هذا غير النظرة المنحطة الله لايوفقهم من مجتمع..

اختي الغاليه الله يأجرك في مصيبتك و يخلفك خيرا منها
نصيحتي لك الدعاء و الصدقات و التقرب من الله
الاهل مهما كانوا اكيد يظل فيهم حب لعيالهم مهما قسوا و مهما تكلموا ..
طبعا انتي اعلم مننا برده فعل اهلك من خروجك من بيتهم ،، مهما كان و اللي صار اكيد انتي تبين تطلعين منها باقلل الاضرار
اقل ما فيها ما تبين تقعطين وصلهم او تكونين بمعاداه معاهم
ادعي الله ان الله يحنن قلبهم عليك و على بنتك
و ادعي ( رب ردنا اليك ردنا جميلا و ردنا لاهلي ردا جميلا )
و اعملي ب ( تهادوا تحابوا ) الهديه و الكلمه الطيبه سبحان الله تحنن القلب
و بنتك خلك قريبه منها و علميها تكون اقوى من هالظروف ممكن حتى لو تفهمينها و انصحك انك تاخذين استشاره عند دكاتره مختصين في المجال الاسري عن نفسي احب طرح و حلول الدكتور جاسم المطوع تلقينه في انستقرام حلوله جدا جدا منطقيه و قابله للتطبيق تقدرين تسالينه عن الوضع مع اهلك و الوضع مع بنتك و تقويتها بحيث ما تتاثر
و قولي قدامها لي صار موقف ( الله يصلحهم الله يهديهم ) يحبونا حتى ما تكبر و هي تكرهم او لا سمح الله لا سمح الله تتوقع ان هذا هو اسلوب الحياه و تتخذهم قدوه انتي عوضيها عن كل لحظه يبعد قلبي الاطفال في هالظروف يحتاجون فعلا لاحد يطبطب ما في داخلهم من صراعات و بسرعه سبحان الله ينسون و راح تلقين نفسك انك تستمدين قوتك منها
اذا مفكره بالاجار ممكن تاخذين احد من اخوانك بعد او تسكنين عند احد من اهلك اذا كان عندهم مكان للاجار
و اتمنى من كل قلبي الله يرزقك بالزوج الصالح اللي فيه الخير لك و لبنتك و يعوضك رب العالمين بالعوض الجميل
الله يهدي اهلك و يجعلهم سندا و ذخر يا رب
الدعاء الدعاء الدعاء بكل موقف قولي ربي وكلتك امري و امر بنتي
اسال الله باسمه الجبار ان يجبر كسر قلبك انتي و بنتك و ياجرك في مصيبتك و يخلفك خيرا منها
رب يجعل هالمواقف تمر و لا تضر

الله يكون بعونك
استغرب من تصرفات بعض الاباء والامهات من تعاملهم مع ابنتهم بعد الطلاق بقسوة
كانه البنت عملت او اتصرفت غلط وبيصيروا يقسو عليها .
وهو بيكون غصبا عنها بنتهم صار معها الطلاق .

في وحده فالسناب مستاجره لحالها وعايشه مامعها ولامخلوق الا الشغالات انا اقول دوري فنفس حي اهلك