اهلي كسروا مجاديفي

هذا موضوعي
https://www.hawaaworld.com/كيف...


ياعالم ياهوووووه وش اسوي بعمري اشق هدومي ولا وش اسوي

خبرت ابوي بكل عيوبه وسكت ماعصب ولاتنرفز ولاشيء توقعت
مع انه راعي دين والتزام مفروض يزعل اننا مغشوشين بعيوب تمس الدين

خبرت اخواني واحد لسا يدرس جامعة قالي احسن قرار قررتيه فحياتك ومايستاهلك

والثاني اصغر مني بسنتين قالي اهم شيء تفكرين في بعدين وش بيصير وضعك وعيالك ولايبي يسمع عيوبه انت كيف بتوافقني وتوقف معي وانت ماتدري وش مشاكله وقالي بينا قعده وهالقعده ماجت لها اسبوعين

اخوان مو فاضين لاهين بدوامات استلامات اختبارات ماكان عندهم اخت طالعه انهانت ولعن ابوها وسبه غير بلاويه الثانية
عيالي حاليا تطعيم مواعيد لي ولهم محد لمهم

وزووجي كل يوم يدقدق ماعطيته وجه نهائي وقفلت جوالي ماله وجه يقابل الرجال مع ان للاسف ابوي دايم يعامله بلطف وسماحه وبرود
ماقد ابوي دق عليه وهزاه قال انت ماقد شفت ابوي ولاسلمت عليه تعال جب امرتك وسلم عليه
ماقد شرشحه وبرد كبدي فيه ساحب على عزايمنا وكل مناسبتنا افراح واتراح حتى سماوة ولده ماقبل حتى
قوامة حقت النفاس مافكر لا الا لعب علي وخذ الرفايع كلها طنا منغشه فيه لكن الولادة الثانية مالهف ولاريال وهذي كلها اصول وتوجيب عندنا
وهم على رجال خواتهم وحريم عيالهم اوف اوف ممشينا سيدا ولايردهم الا السنتهم لو كنتي عندهم او سماعة التلفون لوك بعيده
هاليومين جالسه اتفكر اشوف بنات اقسم بالله مايطبخون طبخي ولا يناظرون رجالهم وعيالهم مثلي عيالهم ذابينهم بحضانة وعند شغالات وبيوتهم كلها اتوماتيك مواعين لملابس لكوي وطبخ يوم ايه وخمسه لا ورجالهم انواع التوجيب وطلاعه وقوامه وهدايا واخرها وحدخ بيهديها سيارة لكن الله حسيبه اللي ماقدرني الله ياخذ بحقي منه
اليوم جا يشوف عياله ولاحتى فكر يقول وش محتاجين من حفايظ وحليب واغراض عاجبه الوضع قاعده ادفع من عندي قلت لابوي عطه جواله مابيه ومفروض ماتقعد معه وهو لاعنك وقايل عنك كلب وحطوله الشاهي وولعوله اللمبات الصفر والحمر وقعد معه وهو مايستاااااااااااهل الا تفله بوجهه دايم يقول تخسون وتعقبون انتي واهلك ولانه فعلا ماشاف احد محمر له العين ولااحد سنعه ودقه بالحكي

قالي انتي وديه له هذا رجلس روحي اقعدي معه ههههه هذا وهو ماطلب يشوفني جاي لعياله وبس
يبه صحصح معي قايلتلك بلاوي سودا عنه

وامي ااااااااه اقسم بالله هي سبب اني متحمله هالظالم 5سنين مع عيالي
تعاملها للاسف مو قادرة اتحمل
اسكت اسكت ولكن احترق من جوا انكمد وانهدم معنوياتي ثقتي ابتسامتي مزحي الحين كل كلمة والثانية وحنا ساكتين اقسم بالله ساكتين فقط نسمع تتهزيئها وتصرفاتنا عاديه اللي مو عاجبه يطلع الشارع مطبخي وانا حرة انامايقنعني الا البنت اللي تقلب البيت فوق تحت ..مو متحمله عيالي ولاطايقه دخلتي عليها حتى وانا اشتغل واغسل مواعين تجي وتقول هذا ماغسلتيه زين ليه ماتسوين نفس طريقي ماعجبك و لالاتغسلين قرقعتي شوي شوي عالمواعين انتي الفطور ماتطبخينه لخوانك عشان عيالك اذا غسلنا حناتقول حبتين ماسويتوا شي واذا هي اقسم بالله حتى لو نفس الكمية تعصب وتصارخ و.تتنرفز
اذا اختي مسكينه طبخت مكرونة بشاميل صينية مصقع كشري يعني ماقصرت توها اصغر مني تدخل وهي منهده بعد مادخلت الصينية الفرن بدال ماتقولها امي تعالي ريحي الله يعافيك تتريق بنفس تنهد اختي وتقول وش مسويه والله لوك طابخه مفطح وهي اقسم بالله اللي يشهد علي لو تسوي نفس الطبق تجي مهدوده وتعبانه وكانها فعلا مسويه مفطح ادري هي اكبر مننا بالسن وبتتعب لكن ليه تحطم اختي كذا احيانا
واختي تسولف تتهزا بكلامها لو نامت بالصاله تجي وتقومها بقساوة وتهزاها يالنوامة يالغابه ياسراوة بطبطي ولو اختي الصغيرة نفس الموقف والله تقومها بحنان وروحي فوق بتتعبين هنا ولحد عندك مافيها شيء زود عن اختي الوسطيه لامجهود ولاتعامل الا انهااجمل ويجونها خطاب ت
حطينا كرتون البيتزاء و بروح تو دورة المياه كرمتو منحشره وهي موجودة مع عيالي عند الكرتون قالت يوم جا الاكل ولعوزة عيالك رحتي الحمام تتريق على حركاتي بطلع تو احط حوض لموية المطر تقول الحمدلله والشكر

قلت لاختي بطلع عيالي لك برا : تتريقت خير خير الحرمة بتطلع عيالها في الغبرة انا كنت قصدي في المطبخ وهي تحسب بطلعهم الحوش
دايما شايفتني غبية وماافهم وميته وغابه وتصححلي كلام وتغلطني وتسكتني عند الناس وكنت فعلا خلاص متبرمجه اني زي ماتقول تزوجت تغيرت نفسيتي زادت ثقتي بنفسي يوم عن يوم فتحت بيت واستقبلت حمولة كبيرة كم مرة وانا اطبخلهم من الى وامي مازالت تحطم تحطم
عيالي الحين عندهم فرط حركه كلن يقولي حلاو ملون لا كاكاو لا اذا قلت بس حبه مابيه يكثر واوزيها وكذا تزعل وتقول لاعاد تجيب لهم ياابوهاا مايستاهلون
لو بمزح مع اخواني وهم ينبسطون عادي تقول ياملقوفه قولي لااله الا الله لاتنادين ولدي بغير اسمه يعني تعاملني بجديه وقت المزح ويخرب الجو واتنكد
ماقد ذبيت عيالي عند اهلي زي باقي الخلق اللي حولي ورحت اداوم مواعيدي ماجيبهم عندهم طلعات مناسبات ماعاد اروح يعني بس ابي السلامة
دايماوجهة نظرها ان مهما عاملتنا سيء وهزات وشرشحت واستنقصت عادي هي ام و حنا سمعا وطاعة دايمااذا قلت ليه تقولين هالكلام ميته غابة غبية مالك شخصية ترا ياثر فينا تقول هذي فلانه وعلانه يهزؤنهم امهاتهم وهم طولهم ماضرهم ولازعلوا وش معنى انتي تزعلين وهي ماتناظر الي يعاملون بناتهم زين دايما


تهزا ابوي وتسكته قدامنا وقدام زوجة اخوي لو مثلا قالنا تعالوا كلوا تعالي يافلانه فلان يافلان وينك السفرة وهذي خصله حميده فيه ينب علينا عشان نجي ناكل تجي تهزاه وش دخلك حارق رزك اللي يبي ياكل بيجي واللي مايبي لايجي

اكلي ماتاكله ولاتقربه وهي نفسها شينة ماتجامل مو اي احد تاكل من طبخه مو مفروض تشجعني وتجاملني

اخوي يوم كنا صغار بالابتدائي ومتوسط كانوا يضربون بالعرق ويحوس اغراضي كلللللللها وهي تناظر ومبسوطة وانشفى صدرها
يوم كنت حامل واتوحم تعبانه ومنسدحه راحت سوت مراصيع كم حبه وجت تهزا انتوا بس تاكلون وت....

وترا يافلان (اخوي المتزوج) ماطبخت العشا الا عشانك جاي والا هالجحلط مايستاهلون ومن ضمننا ابوي يشمله الكلام وكان ساكت وموجودة زوجة اخوي تسمع
مع اننا كناقايمين وقطعنا السلطة والفاكهه وماقصرنا والكل يفضل اكيد طبخ الام هو الاساس في كل بيت والا لو علينا مانقصر بس ليه تذلنا وتهينا عقبها ماعاد صرت اكل لاني ادري هالشيء بيريح اعصابها

طبعا ابوي ماتبيه يحط واتس ولايطلع تجمع زملاء ابوي جداطيب ومراعيها ويعطيها مصروف شهري وفعلا يوم تزووجت وشفت تعامل زوجي عرفت ان ابوي مافي منه صبور ومدلع امي ماندري هو يطنش ولا يتاثر ويجمع ويكبت لكنه مبتسم يسكت وجهه كله شيب ويقطع شعر لحيته ومريض ضغط

ولكن دايم يوقف مع امي ويقول عقوق ويقول هذي امك لو تذبحك لو هي كافرة اسكتي ولا تقولين حرف قولي حاضر ان شاء الله
سبق ورحت مستشفى نفسيه بسببب تعاملها معي ومع اختي وابوي وقسوتها جاني اكتئاب حاااااد ويوم تزوجت الكل لاحظ التغيير يحسبوني كنت متشفقه عالعرس والسبب غير غير