اهلي مايزوروني

السلام عليكم
كيفكم بنات
اليوم يوم الفضفضة بالنسبة توني كاتبه موضوع عن مشكله مع زوجي والحين كتبت الموضوع هذا ..
السالفه ومافيها انه اهلي مايزرورني الا نادراً جداً ممكن في السنه مرتين او ثلاثة بالكثير مع اني ساكنه انا واهلي واهل زوجي كلهم بنفس المدينه وبيت اهلي يبعد عن بيتي نص ساعه بس ماادري اش فيهم علماً اني ساكنه في نفس عمارة اهل زوجي بس لي شقتي لوحدي .. حتى اهل زوجي مستغربين ويقولون لي ليه اهلك مايزورونك ؟؟؟ مع اني اتصل عليهم احيان واطلبهم يجوني بس يعتذرون ويقولون تعالي انتي !! فحبيت اسأل يابنااات انتم كلكم اهاليكم كذا ولا انا وضعي غريب؟؟
اممم وأبأحكيكم عن موقف حصل مره امي واخواتي زاروني وطلبت مني امي انادي ام زوجي تتقهوى معانا قلت لها لا مافي داعي نبي ناخذ راحتنا بالسوالف والجلسه انا وخواتي المهم امي اصرت وانا رفضت وزعلت امي وجلست تقول عيب اجي الين بيت الحرمه ومااسلم عليها قولتلها هذا بيتي مهو بيتها اذا بغيتيها روحي زوريها ببيتها قالت لا هذا بيت ولدها يعني بيتها قمت انا زعلت وقلت لها كل مازرتوني قولتي لي ناديها واسمع كلامك وحتى خواتي متضايقين منها لانها بس تراقبهم وش يقولون ووش يسوون ووش لابسات وتروح تحكي ابو زوجي وبناتها واذا قدمت ضيافتي جلست تقول كثرتي الاكل ولعبتي فيه واسراف مع انه لاكثير ولا شيئ بس هم ماهي متعوده على الضيافة السنعه المهم قلت لها هالمره نبي نجلس براحتنا وماراح اناديها وجلست امي طول الجلسه طبعاً ماده البوز ولاتسولف ومشت بدري ومن بعدها خفت زيارات اهلي ... ابغى اعرف اش رايكم بنات في اللي حصل ...