اهلي ما يبوني وزوجي ما يبين ووووين اروح ساعدوني

وشلونكم يا خواتي
بنات والله ضايق صدري ومقهوره من تصرفات اهلي انا الحين اكتب لكم ودموعي نازله وما اشوف . خواتي مشكلتي مع اهلي وخصوصا امي انا :09: ما تهتم فيني ولا تدري عن مشاعري اي شي حياتها مكرستها لاخواني الرجال وابوي وانا وخواتي والله لو تشوفنا ميتين ما تحرك ساكن تقولون تبالغين بقولكم الدليل مره انا محتاجه لعمليه ازالة ورم بالرحم وزوجي على قد حاله واهلي الحمدلله مغنيهم الله بس بخلاااااااا بشكل غريب ترجيتها تحاول مع ابوي او هي تدبرلي ثمن العمليه لان الله مغنيها تدرون وش ردت قالت ما عندي خلي زوجك يدبرلك تخيلو يا بنات
ما قلت لكم عن وضعي انا متزوجه بس طالعه من بيت زوجي لأن بنته الكبيره سببت لي المشاكل وزوجي احتار بينا ففضلت اطلع عشان ما انهان وزوجي يتفرج مع انه يحبني بس بنته ألزم عليه مني مع اني اعاملها وبشاهدت اخوانها وزوجها وعامله كويسه بس تدرون الغيره لعبت براسها ,
المهم خروجي من بيت زوجي مو مشكله مصيرها تنحل وارجع له علاقتي معه الحمدلله متواصله ويحاول قد ما يقدر يعوضني حتى وانا في بيت اهلي ,المهم اهلي اللي ما جابو خبري مرميه عندهم ويصرفون علي بالقطاره بعد الحاح وترجي واللي مصبرني والا كان سويت بنفسي شي ان لي ولد من زواج سابق وعايش عندهم لان ابوه ما يبيه :icon28: ش رايكم بالمصايب اللي ورا بعض
المهم الان اهلي بيسافرون برا زي كل سنه وانا السنه اللي فاتت سافرت معهم بالغصب لان ما فيه احد بالبيت وتوني طالعه من بيت زوجي رضو اروح لهم بالبلد اللي هم فيها لاعتقادهم ان طلوعي من عند زوجي كم شهر وارد له ما توقع اني بقعد على قلوبهم سنه كامله خلالها ذقت الضيم والقهر هذا وانا ايام الدراسه كافيه نفسي وولدي بالمصروف بس لمن تقفل المداري ما عندي دخل واترجاهم يساعدوني بالصيفيه موراضين تصقون يا خواتي انهم قالوها بالفم المليان لأ ما راح تروحين
وتصدقون انهم بياخذون الشغاله وبنتهم لأ تخيلووووو الظلم يا بنات والله لو ما خوفي من الله كان تلاسنت معاهم وقلت لهم الكلام اللي محد قاله لهم بس اخاف من العقوبه وضعي الان مخيييف ما املك الا مبلغ بسيط اعيش منه وكل اخواني وخواتي يالله نفسي يخافون من زعل اهلي وكذا مره اطلب من خواتي يكلمون الوالده انها تمشي لي مصروف اعيش منه انا وولدي بس تهربو لانهم عارفين الرد طبعا خواتي كلهم مغنيهم الله ومومحتاجين لأهلي ومشكلتي وش اسوي الحين انا وولدي بنجلس بالبيت من غير مصروف واهلي مستوعبين هالشي بس مطنشين والله ما ادري وش بسوي يا شينها لو قالي ولدي يمه عطيني عشره او عشرين ترا صرت استحي من ربعي دايم يصرفون علي .
ساعدوني يا خواتي الله يخليكم وربي مالي احد بعد الله الا انتو حطو نفسكم مكاني مع العلم ان وحده من خواتي حنون علي وتعطيني كل ما طلبتها بس انا استحي لانها مو مسؤله عني ولها ولد وبنت تصرف عليهم
تكفوووووووون ردو علي والله بموت من القهر