اهلي ما يحبوني من غير سبب !!

السلام عليكم ورحمة الله وبركاته

انا فتاة عمري 19 سنة حاسة بالضيقة اهلي ما يوافقون اني اكمل دراستي في الجامعه او الكليه يقولون كفايه انك درستي الثنوي بس انا احب الدراسة وابغي اكمل رحت لأبوي وقلت له اني ابغي اكمل الدراسة وافق وقال شوفي اخوانك بيراضون اخواني في البداية وافقوا بس اختي خلتهم ما يوافقون وللاسف سمعوا كلام اختي وما وافقوا على ان اكمل دراستي
قلت لهم ان مليت بالبيت ابي اروح اي مكان ابي اروح نادي البنات للاسف في بداية امي وابوي وافقوا لكن مرة ثانية رجعوا من كلامهم وما وافقوا

مادري ليش يكرهونني ؟!! او تكرهني اختي
اختي كانت قدوتي في الحياة يوم تزوجت غيرت اسلوبها معاي 180 درجة مو اختي عدوي استغفرلله

هي واهلي كانوا يحبوني ويدلعوني وااايد وااايد بس للاسف مادري شو نزل علينا واختي بالمرة تغييرت عليه
قبل كنت اسكت وما اكلم اختي بس خلاص مااقدر اصبر واسكت مع اني ما سويت فيها شي


وحدة من صديقاتي قالت ان سووا فيك سحر (( اعوذ بالله من الشيطان الرجيم ))

والله مااعرف متحيرة شو اسوي


ـــــــــــــــــــــــــــــــــــــــ

طبعا انا دمعه فرح في اعضاء يعرفوني بالمنتدى الكلام اللي قلتها مو مني من صديقتي وابيكم اذا عندكم حل اتسعدونها

ربي يوفقكم