اهلي معارضين

السلام عليكم ورحمه الله
خواتي بنات عالم حواء ابستشيركم بشي مصيري لي ولعيالي وياليت القى احد يفهمني ويمسكني من يدي لطريق الصواب
ادري ان فيه بيكون معارضات وانه يمكن بيكون شي يعارض عليه الكثير خصوصاً المتزوجات بس اتمنى انكم تفهموني ولا تحكمون قبل لا تفكرون باللي اقوله
انا ارمله وتقدم لخطبتي رجل ان شاء الله انه انسان صالح وفيه الخير بالبدايه كنت متردده ومتخوفه ولا ادري وش اسوي اولاً انا معاي اطفال وصغيره بالعمر وعايشه بعيد عن اهلي ماحد عندي اهلي معارضين اتوظف ومعارضين اطلع بطاقه احوال ومعارضين اني اجيب لي سائق او حتى اروح مع كريم او اوبر او لمزين اقعد بالاسابيع بالبيت انا وعيالي ولا نستنى احد من اهل عيالي يتكرم علينا ويحن ويطلعنا ولا اجلس اشحذ الناس ان بغيت مستشفى موعد الضمان موعد اين كان اجلس ادق على اختي واطلبها كم مره عشان زوجها يوافق ويخلي ولدها يوديني
لاحد يقول ليه ماتعيشين عند اهلك وش حادك امور كثيره مخليتني اكون بعيده واسباب احتفظ فيها بس في سبب ابقوله انوا اهلي رفضوا يتحملون مسؤليه عيالي
المهم انا انسانه عندي مشاهر واحس واتالم تعبت من الوحده اهلي رغم انهم مادروا عني وفوق ذا كله كل شي ممنوع بعذر منتي محتاجه
اهلي رافضين زواجي بحجه اهل عياليممكن انهم ياخذونهم مني وانوا ممكن المتقدم يرفضهم انا اشترطت وجودعيالي وهو راضي وموافق
الزواج بالنسبه لي ستر وعفاف وغنى انا ما ابي اروح لطريق الحرام ما ابي بيوم اني افكر بشي ممكن انه يدمرنيويدمر سمعتي وسمعه اهلي الحرام بذي الايام صاير سهل وطرقه كثيره بس انا اخاف الله.
اهلي قالوا لي ان تزوجتي ماعاد لناعلاقه فيك لوصارلك مشاكلوتطلقتي لا تجين ولا تفكرين انوا ممكن نساعدك اونوقف معاك
اهل زوجي جاني منهم كلام في سمعتي لدرجه ان في منهم من تسولت نفسه وتحرش فيني ويوم وقفت بوجهه قام يتحجج انه يختبرني وانه سمع كلام عني
اناموانا خايفه اتفزز من نومي اروح لباب الشقه اتاكد تعبت نفسياً تعبت والله العظيم ماحد راضي يحس فيني ماحد راضي يفهمني
خلاص عندك فلوس عندك عيال وش تبين بالزواج
اختصار لذا كله اهلي ان تزوجت او لا ما سالوا عني من البدايه شايلين يدهم وانا محتاجه رجل بحياتي لامور كثيره
استخرت ربي كثير انا مرتاحه بس ضغط خواتي واهلي علي مصعب علي ارجع افكر ميه مره واستخير تكفون كل وحده تقول رايها بدون تجريح لان والله ماعاد اتحمل