اهلي معارضين

اول شي بخصوص ثنائي القطب عزيزتي التشخيص مو بهذي السهوله تفتحين الانترنت وتقرأين كم عرض وتقولين معي هذا المرض لان معي اثنين او ثلاثه اعراض والمشكله ان هذي الاغراض موجوده عند كل البشر لانهم بشر طبيعين يوم يتضايقون يوم يفرحون يوم مالهم مزاج لشي مو معقوله كل البشريه معهم ثنائي القطب .
ثاني شي بخصوص الطلاق يعني من كل عقلك بنشجعك على الطلاق ؟
اذا اهلك وهم اهلك اللي تقولين ماذكرتي لهم كل الاسباب رافضين الطلاق وهم اقرب الناس لك ويعرفون على الاقل اشياء مانعرفها تبين احنا الغرباء اللي مانعرف ولا شي عن حياتك نشجعك على الطلاق ؟
وحطي في بالك اذا تبحثين عن صفات الملائكيه في شريك حياتك ماراح تلاقينها لانه مجرد مخلوق بشري
واذا تظنين الحياه الزوجيه عباره عن فلم او مسلسل رومانسي تركي مكسيكي من مليون حلقه ما يخلص مليان غزل واحضان وتبويس بتكونين غلطانه ومتوهمه
الزواج الحقيقي مثل حياة امك وابوك وباقي اهلك اعمامك خوالك حياه عاديه كلن له مسؤلياته واهتماماته
والملفت انك حتى في رغبتك بالطلاق كاتبه ان اخوانك بيخدمونك يعني وكأنك حتى بعد طلاقك تبين البشريه كلها تخدمك وتسوي اللي على مزاجك مافكرتي ولو للحظه ان حتى اخوانك راح يجيهم يوم يلتهون بحياتهم ومشاغلهم مافي شي يدوم
وكذلك زوجك اللي حسب ماذكرتي تبين منه مدارة واهتمام ورعايه والله وحده يعلم ايش هو نوع المدارة اللي تطلبينها منه ربما تكونين انسانه متطلبه غير متزنه تبالغين ببعض الامور او تدققين كثير والحياه مايبي لها كل هذا التعقيد تجتاج مرونه وتفويت وتسليك
الموضوع يطول الكلام عنه لاننا مانعرف ولا شي عن حياتك ولا نعرف اسبابك الحقيقيه فصعب نمسك جزئيه ونبني عليها رأي او مشوره
الله يهديك ويرشدك للصواب