يابنات مشكووورين كثير على تفاعلكم وودي ارد عليكم وحده وحده لكن مو راضي مدري ليش انا اتصفح من الجوال يمكن عشان كذا مو ضابط..
المهم يابنات اللي تقول كيف يقرا هو اساسا كان يدرس بس قطع الدراسه بعد ماجته هالحاله يعني جته حالة الانعزال ومن بعدها توالت الاشياء الثانيه .. وبالنسبه للي تقول ودوه دكتور والله يااختي وديناه عند المديفر بالحرس ووديناه عند عبدالله السبيعي ووديناه عند الحبيب وكثييير دكاتره بعضهم يقولون فصام وبعضهم يقولون وسواس قهري وبعضهم يقولون مس وبعضهم حسد والادويه زادته وتعالج بالعسل والحجامه والزمزم وكل شيء يصرفونه المشايخ بس خلاص مع مرور السنوات ماعاد يتقبل شيء واذا جا شيخ يقرا يسكر ع نفسه الغرفه ومايطلع يقابله.. اه بسوش اقول وش اخلي .. حتى مراكز بالسعوديه مافي ولافي دكاتره صاحيين بس يسمعون الحاله وع طول يصرفون الحبوب بدون جلسات ولاشيء .. انا باخذ الرقم يا اختي وحيده في بيتنا وبنتواصل معه وباذن الله نحصل نتيجه.. انا يابنات صدقوني ماكتبت هالموضوع الا ابي الدعوات لان الدعوات الكثيره باذن الله تفرج الهم والبقره امي تقراها بس مهما كان احس الفرج للحين ماحان وقته.. اهم شيء كل ماتذكرتوا موضوعي ادعوله .. وتذكرت اختي اللي تقول لاتسايرونه صح صادقه المفروض مانعطيه على هواه لكن غصبا عني امي تقول اجلسي معه وسايريه ونفذي طلباته كنه طفل واضطر عشان لاتزعل علي وربي.. يارب افرجها من عندك ياكريم .. المهم اني بعمل بنصايحكم باذن الله والله يعين
نثرالورد
•
اسال الله العظيم رب العرش العظيم ان يشفيه شفاء لايغادر سقم عاجلا غير آجل وان يقر اعينكم بشفائه
الصفحة الأخيرة
اهلك من سكان الرياض