اهلي وراتبي

بنات انا موظفه
واهلي تعبت منهم عيونهم على هالراتب
اقسم بالله اني تمنيت مو موظفه
قبل كنت اسمع بعض الموظفات اللي يقولو
والله حنا نصرف على عيالنا ازواجنا شايلين يدينهم
ولا اللي اهلها ياخذون قروض عليها
وكنت استغرب
كيف فيه ناس كذا وكيف عي توافق
قبل سنتين توظفت
وقبل لاقولكم عشان ماتقولو امك
امي اعطيها شهريا ١٠٠٠
غيراللي اشتري لها على حسابي
لكن تخيلو اهلي شايفيني صرافه
او بنك الراجحي وتجبرني امي اشتري لخواتي
اللي بالكليه واعطيهم مصروف
وكذا يخططون بنسافر وامي تحط الفلوس اللي معها
واخوي موظف يحط ويجون لي يالله قطي معنا
١٥او اكثر وفري بنسافر بعد كم شهر
وذا رفضت يقومون علي خواتي وامي
خير معك راتب ساعدي ماراح يضرك ترا
اجل بتسافرين كذا وانتي مادفعتي شي
اقولهم طيب مو لازم تسافرون دام مامعكم
يقولون خلاص بنروح ولاتروحي معنا
دامك ماسكه فلوسك كذا وهالكلام من اختي وامي
اقولهم هذا خواتي مو موظفات ويسافرون
ليش ماقلتي لهم ادفعو تجلس تدافع عنهم
من وين لهم مو موظفات مره عصبت على اختي
تبي كل شي وهي متخرجه وعاطله
وكانت تبي سفره تحاول بامي ويخططون من وراي
ويقسمون القطه على حسابي وحساب اخوي الموظف
وامي تقولها اختي ادخلي جمعيه
جيت قلت ماعندي استعداد ادفع ريالين لسفره
انا فلست ولا سويت ولا شي راتبي كله ٤ الاف
تجي اختي تنافخ خير انتي
معك راتب معي راتب بس اكرف واتعب وينهد حيلي
وهي بس نايمه وتبي احطه لها بسفره
عصبت وقلت ماباقي الا اكرف واحطه لكم بسفره
وكالعاده قالت خلاص لاتروحي معنا تخففين
قلت وانتي من بيدفع لك قالت امي !!
قلت خلاص انا بعد امي تدفع لي
زي زيك طبعا امي واقفه معها
وتنافخ علي وهذا اللي قواهم
ان امي بصفهم وتشوف ان راتبي من حقهم
وكل كلمه والثانيه عندك راتب
عصبت قلت خلاص اشتغلي وادفعي وادفع
اما انا ادفع وانتي تروحي كذا معصي
قالت من وين لي وظيفه!!
وهي حاطه هذي الحجه
قلت روحي قدمي بمول طالبين موظفات
وتجلس تناظرني باستحقار
وتقول هذا اللي ناقص اكرف بسوق
اعرف اختي كسوله بس نايمه ولا تحب تسوي شي
وتبي الشي يجيها على حسابنا
وارجع واقول اللي مقوي موقفهم امي واقفه بصفها
والله مو بس على سفرات على اشياء ثانيه
لو ابي تبن قالو عندك راتب
لو ابي اي شي انتم متخيلين اختي
كل شي يوفرونه لها جوالات اخر انواع
لبس ادوات كل شي اجهزه كل شب تبيه
يجيها لانها بس ماعندها راتب
وانا كذا متقعدين لي بشكل وعيونهم على هالقرشين
انا جالسه افكر لو بكرا بعد تزوجت؟
بيستمرون كذا معي
وممكن الرجال يطلع نفس نظام اهلي
كل ماقلت شي قالي عندك راتب
وخايفه ان ماكان كذا بينقد على اهلي
لان اهلي
عارفه قسم شافو معي فلوس مايتركوني بالذات
امي انا لو تبيها لها بقول فداها
بس الي يقهرني تاخذ مني ىتعطيها خواتي!!
او تاخد مني وتسفر خواتي وخواني على حسابي
وحسابها وحساب اخوي !!
هم اخذوها عاده وكاني مسوله عنهم
وش الحل!!