اهلي يتشمتون فيني ان زوجي مايحبني..

انا قبل فترة قدر الله علي مرض طارئ وبشكل مفاجئ وكان لازم يحتاج عملية عاجلة خلال يومين بالكثييييير

المهم وقتها اخواني اتصلو علي زوجي لازم تاخذها للرياض بسرعة لان المستشفي الخاص الوحيد عندنا اللي دكتور يعمل هالعمليات فيه مسافر
والحكومي تعرفون ياليل مااطولك مطولين بالهم علي وانا حالتي لو ماعملت العملية خلال ايام يتلف الكبد نهائي عندي

وقتها زوجي قالهم انا والله مامعاي فلوس ماعندي غير فلوس الايجار وهي نص قيمة العملية مااقدر خلال يوم ادبر الباقي واسفرها واورط فيها هناك

اخوي الكبير ماقصر دبر باقي المبلغ واعطاني اياه لكن وقتها زوجي قدر يدبر واسطة يدخلني المستشفي الحكومي وعاملوني زي الملكة وعملت فيه العملية




الحين اهلي يعايروني بزوجي ويقولون مايحبك لو يحبك كان يدبر المبلغ لو يسرق:44:


انا صراحة من وقتها احس اني تغيرت من ناحية زوجي .. صح هو طيب جدا وكلامي اوامر عنده وحتي وقت ماتعبت من مستشفي لمستشفي ياخذني وهو منهار وخايف علي ومن واحد لواحد يترجاهم ويحاول يدبر واسطة يدخلي حكومي
لكن كلام اهلي اثر فيني اقول صح لو يحبني اقلها يروح ياخذ سيارة تقسيط لو مالقي احد يسلفه
حتي صرت اقوله الحمد لله اخواني سند لي وماقصرو معاي وهو صار ياخذ بخاطره مني
وحتي ماصار يعطيني راتبه زي اول يقول لازم يكون عندي شئ للضروف

انا تغيرت وهو تغير للاسف