السلام عليكم :
ساءني هذا الحديث عن الجامعه ولكم حاولت مرارا تغيير هذة الفكرة الخاطئه..فلي ثلاث اخوات تخرجن من جامعه الملك سعود وعندما تزوجت رفض زوجي الدخول للجامعه بحجة انه سمع شريطا لشيخ ما يحذر منها

وفي المقابل دخلت كلية الخدمة الاجتماعية .. ويا لهول مارأيت !!!! ولم اسمع

وبعد التخرج اردت اكمال دراستي العليا ولم اجد افضل من جامعه الملك سعود وهنا طلبت من زوجي التريث والتفكير واتا حة الفرصة لي عن كثب ..وافق زوجي على مضض وكان هو الذي يوصلني للجامعه ولم نر ايييييييييييي شئ يوحي بالانحلال فيها
بالعكس اننا نعاااااااااااني من الصرامة والتشدد

وفي الختام

كل مكان في العالم يوجد به الصالح والطالح والطيور على اشكالها تقع وفي سن الجامعه كل فتاة تعرف كيف تختار طريقها وطريقتها ولن نحد من سلوكها اذا تغير المكان فهي ستسلك نفس السلوك في اي مكان اخر

ملاحظة :: جامعه الامام اسمع عنها بلاوي !!! لية مااحد حكى عنها

لايطلب مني احد ذكر ما سمعت لاني سمعت ولم ارى

السلام عليكم ،،،،،،،،،،،،،،،،،،،،،،،،،،،،،،،،،،،،،،،،،،
المفروض ان كل واحد يطرح رأيه من غير التجريح في اراء الاخرين لا ننا كلنا عارفين ان اختلاف الراي لا يفسد للود قضية ..ولا هو المطلوب من الناس الاخرين ان رايهم يكون مطابق لرايك الشخصي..
بالنسبة لي انا واخواتي كان المجال مفتوح امامنا في دخول أي كلية او جامعه لان اهلي معطينا الحرية في ذلك ماداموا عارفين على ايش ربونا وماداموا واثقين فينا ...
فاخترت كلية الرئاسة بناء على رغبتي انا مع العلم ان قسمي اللي دخلته متوفر بالجامعه وكان يقبل نسب اقل من النسب المشروطه بالكلية لكن انا فضلت الكلية لاني سمعت ان المستوى التدريسي احسن لهذا القسم ... والحمد لله تخرجت منها من غير ما اشوف فيها أي شيء شين .. طبعا كنا نسمع وقتها عن قصص بنات كانوا في الكلية معنا وكانت سمعتهم شينه __ وهم ندرة صراحة __ لكن ماكنا نهتم انا وصاحباتي لان الحمد لله مالنا دخل فيهم ولا نخالطهم ابدا ... والكل لاهي بدراسته لان الصراحة صعوبة قسمي ما تخلي للواحد وقت انه يرفع راسه عن كتابه .. لكن عموما والحق يقال ان المستوى الاخلاقي لبنات الكلية كان مرتفع والاغلبية بنات عوايل معروفه .. وانا كنت مرتاحه مرررة لقراري ... هذا من جهة ،،،،
من الجهة الاخرى بعض اخواتي دخلوا جامعة سعود_ سواء الادبية او العلمية _ لانهم كانوا راغبين بالدراسه فيها والحدلله مشوا في دراستهم وصادقوا بنات طيبين جدا واخلاقهم عالية وتخرجوا منها وهم ما احد اثر عليهم بشىء مو كويس الحمد لله ..
مجتمع الجامعة كبير جدا مايقارن بمجتمع الكلية يعني عدد البنات في الجامعه حوالي 15 الف تتوقعون انهم كلهم طيبات وبنات حلال ومافيهم شي ..لا طبعا كل مكان فيه الصالح والطالح ومثل انه فيه بنات خلوقات بيكون فيه بنات فاسدات .. لكن للاسف غالبا الشر يعم والخير يخص .. والفكرة الاهم ان الانسان يمشي مع مين ويصادق مين لان المثل يقول (( من بارى المصلي صلى ومن بارى المغني غنى )) فالبنت بحرصها على نفسها وصحبتها لبنات طيبات تقدر تحافظ على نفسها باى مكان .. والانسان لازم يدعي دايما ويقول ..
<<<<< اللهم يامقلب القلوب ثبت قلبي على دينك >>>>>
اللهم احفظ شباب وبنات المسلمين من كل سوء واحرس عليهم .. اللهم احفظهم بعينك التي لا تنام وبعزك الذي لا يرام .. اللهم امين اللهم امين ..

والله استغرب من اللي يوجهون التهم بناء على كلا م..
ماراح اتكلم عالجامعه واللي فيها ..لاني مو خريجة جامعه لكن ابتكلم عن كلية التربيه وعن المصايب والبلاوي اللي كنت اشوفها
قلة الادب والصياعه موجوده في اي مجتمع للبنات
ومو بس الكليات ..الكل عارف معهد الاداره والمصايب اللي تصير فيه
ليش تحددون فقط جامعة الملك سعود
واللي تقول جامعة الامام ملتزمات

اقسم بالله اني اعرف كثييييييييييييير من خريجات جامعة الامام وانهم يسمعون اغاني ويسون كل شي ..

اشكر الجميع على المشاركه واثراء الموضوع
اخواتي العزيزات فعلا كلامكم صحيح وكل مجتمع فيه الصالح والطالح
وبالنسبه للاخت اللي قالت اقفلوا الموضوع والله ياختي احنا ودنا نتناقش ونتبادل الاراء

وبالنسبه للدراسه بالجامعه فهي تعتمد على البحوث ماهو مثل كليات الرئاسه تعتمد على الحفظ والتسميع وهذا ما هو كلامي كلام الكل والجامعه باسسها معتمده على النظام الامريكي اللي هو يعتمد على البحث عن المعلومات ماهو شحن وتفريغ
انا من ناحيتي اراى انه الدراسه الجامعيه يا بالجامعه يابلاش البيت احسن بكثير
ودائما البنات خريجات الجامعه لغتهم الانجليزيه افضل واقوى لان الجامعه تركزعلى الانجليزي كثير
الجامعه تعتمد على اسلوب النقاش وتبادل وجهات النظر بين الطالب والدكتور
الجامعه مقبوله عالميا بينما كليات الرئاسه لا والف لا
على فكرة ياجماعه ترا انا خريجه الجامعه جامعه الملك سعود وبكل فخر والحمد لله اني كنت من طالباتها ولا شفت فيها الا كل خير ناس طيبين واخلاقهم عاليه جدا سواء من المدرسات او الطالبات وبناء على دراستي بالجامعه استطعت اني اكمل دراسه الماجستير بكندا ولما قدمت اوراقي على طول تم قبولي مجرد معادله بسيطه لشهادتي ووافقوا بينما جاراتي هنا ما استطاعت وحده منهم لانها خريجه كليه الرئاسه ولا حتى سمحوا لها با معادله شهادتها لانها غير معترف بها اساسا
انا لما فتحت ها الموضوع كان بناء مشكله الاخت واموجوده على الرابط في مقدمه الموضوع
انا وكل خواتي ولله الحمد خريجات الجامعه والحمد لله سمعتنا طيبه وتزوجنا وعلى فكرة انا زوجي كان من ضمن شروطه لما كان يدور على زوجه انها تكون خريجه جامعه الملك سعود والطيور على اشباهها تقع الطيبه راح تتعرف على طيبه والسيئه راح تتعرف على سيئه

وانا فخورة جدا جدا واتمنى اذا رجعت للسعوديه على خير اني اكون استاذه بالجامعه يكفيني فخر انها جامعه تحترم الطالب وتسمع لشكواة وتعاملنا على اساس اننا بنات محترمات يحترمون عقولنا وافكارنا ويشجعونا على البحث العلمي وهذا شي مهم جدا بالنسبه لي

الحمد لله ان الموضوع لم ( يقفل ) واسف جدا للتأخر في الردود والمشاركة في الموضوع رغم معرفتي الكامله ان ( الجميع ) سيكون ضدي لكن ما يهم ! ! ! !

لي عوده ان شاء الله غدا الثلاثاء للرد على كلام الاخوات حول ( الفساد ) في جامعه الملك سعود للبنات ..