اهلي يفرقون بيني وبين اختي بانها الاحسن

اهلييييين
بصراحة ماعرف شو الطريقة المناسبة اللي ابدأ فيها ويمكن من وجه نظر البعض بانها تافهة بس بالنسبة لي كل حياتي
مشكلتي مع اهلي وعيت على حياتي وهم يفرقون بيني وبين اختي بانها الاحسن وصدقوني ماهي غيرة ولا حقد بس كنت اتمنى لو يمدحونها بدون مايذموني وبالعكس انا اتمنى لها كل خير لانها باختصار اختي ومستحيل يهون على قلبي اكرهها او شئ وفي موقف صار وانا صغيرة شوي خلاني افقد ثقتي بنفسي وبكلام الناس ويمكن اذا قلته لكم بشيل هم من على قلبي وبرتاح لدرجة اني وصلت لدرجة ماريد اشوف اهلي او اكلمهم لانه في يوم كنت نايمة وهم بغرفتي سمعت اختي الكبيرة تكلم اختي اللي اكبر منها بان خطيبها يضحك علي ويتمصخر بان جسمي نحيفة ومو مثل اختي حلوة وجلسو يتمصخرون هي واختي ويضحكون وماتتصورون قلبي كان يرجف وتميت ابكي لكن كان بكا غريب بدون دموع وحسيت ان الدنيا صكرت بوجهي وها الموضوع مرت عليه اربع سنين وحاولت انساه بس ماقدر واي احد يمدحني صرت ما اصدقه وحسيت بان كل الناس كذابين والين الحين حتى امي اذا زارونا ناس او بغت تروح اي مكان تاخذ اختي على اساس انها تفهم في الذوق وفي كل شئ احسن عني انا مااغار منها والله بس تمنيت ان نظرتهم لها تكون نفس نظرتهم لي وحتى علاقتي مع اي شاب ماقدر استمر فيها لاني اتعبه واحس اني اظلمه معاي ولمجرد اني افكر في طريقة تعاملهم ماقدر ادرس ولا اسوي شئ والمشكلة الاكبر اني ماكلم امي حاليا بسبب نزاع بيني وبينها لاني انا واختي مسافرين للدراسة بره ويوم جيت اشتكي لها من تعامل اختي معاي بانها ماتساعدني وكانت تخليني بالجامعة وماحصل احد يرجعني البيت كات تقولي لا اختج ماتسوي ها الاشياء وكل يوم تكلمها بالساعات وانا يوم تتصل فيني تقولي ليش تليفون اختج مغلق ولا مشغول فاعرف انها ماتصلت عشاني ..........اعذروني على الاطالة بس ياريت الاقي رد ولو بكلمة لاني تعبت ومليت ..........