اهلي يكرهون بنتي ويكرهوني

سلام عليكم صبايا حواء لكم وحشة مرررا
المهم يابنات زي ما كاتبة بالموضوع أنا مطلقة من ستة شهور وأهلي كمان ماشاء الله مو مقصرين عليا بشي حتى اخواني وامي الله يجزاهم الخير هما اللي يصرفو على بنتي (عمرها حاليا سنتين و١١ شهر) المهم اختي الكبيرة بالذات بدت تكره بنتي ماتحبها تلعب اوتتكلم معاها حتى وقت النوم نحنا ننام بغرفة وحدة تقولي لا ترقديها جنبي رقديها ورا الباب وحتى ماتبغاها مجرد تلمس أغراضها تعصب عليها وتصرخ فيها
حتى أفتكر جاتها حرارة من الحفاظة والمسكينة تحك المنطقة من الحرارة تقول بنتك وبنتك وقالت كلام مااقدر أقوله حتى استحي اكتبه احس تفكيرها وسخ وقالت ببنتي كلام يسم البدن مااقدر أقوله لعدوي
وكمان اختي عندها ولد بنفس عمر بنتي تحبه وتموت فيه وقالت هذا بفمها انها تحبه وتموت فيه وتهتم فيه
من يصحى من النوم تقوله حبيبي روح الحمام وتأكله وتشويه وتهتم فيه أزود من أمه وتحب اختي اكثر احسها ماتحبني
بنتي اول ماجينا كانت هاااادية وماتتحرك من مكانها وعشان صارت تلعب مع عيال اختي صارت دفشة زي الأولاد وإذا هيا وولد اختي سوو شي تقول كله من بنتك أنا اعرفها كدا وتقوم تفرشها
وكمان بنتي ناقصها حنان ابوها لأنو مسافر
كلما العبها وادلعها أو ابغا اخذلها شي تقولي بنتك بكرا بنتك بتربيكي بكرا وانا والله مو مدلعتها بس احاول اعوضها حنان الام
اللي ابغاه منكم كيف اخلي بنتي ماتحتك مع اهلي كثير خصوصا اختي اللي تكرهنا وكيف اشغل أوقات فراغها بحيث إنّو حتى عيال اختي ماابيها تلعب معاهم عشان تفرق بينهم ولما يصير شي تحط كل شي على بنتي
أنا والله مااظلم اهلي كلهم يحبون بنتي ويموتو عليها ويفتقدوها مرررا لما تزور جدتها أم ابوها
بس ابغا أفكار او أشياء تلهيها اكتر عن اهلي
حتى ألعاب مااقدر اشتريلها لأنو عيال اختي مايخلولها شي يكسرو العابها وأخسر فلوس عالفاضي
قولولي وش أسوي مع بنتي وأختي اللي بدين اكرههااا