شــــــــــــــــكرًا اختي على المعلومات
شكلك اختي تعرفين بالسوق
ما شاء الله عليك الله يحرسك

ممكن اعرف اي منطقة تستاهل الواحد ياخذ فيها و سعرها معقول
و متى ينزل سعر العقار في دبي

و بالنسبة للنخيل كم اسعار الشاليهات اللي فيها اصاله و بكم و دينيرو؟!:) لقافه هنا فقط لا اكثر و لا اقل

العفووو اختي..

ماطلبتي شي.. وتره هذي المعلومااات كلها جبتها من الاهل لانه اكثرهم ماخذين فلل في دبي والشارجة ..

حبيبتي في دبي.. المنطقة الي فيها مرسى دبي..تعتبر منطقة راقية جدا في دبي.. خاصة انه بعد تقريبا سنتين بجنب هذي المنطقة في مشروع بيسوونه في دبي اسمها "منطقة برج دبي" .. بيكون فيها برج دبي.. اطول برج في العالم.. وبتكون هذي المنطقة ارقى كيلوميتر في العالم.. هذا الي يتوقعونه مهندسيين المشرووع..

وحبيبتي اسعار العقار في دبي ماتنقص ابدا.. كل شهر زيادة في زيادة.. يعني مافيه وقت محدد تكون فيه الاسعار شوي نازلة..

واذا ماحبيتي في دبي.. مثل ماقلتلج مشرووع الاميرة في الشارجة رووعه.. خاصة انه الشارجة قريبة واايد من دبي..

.. واذا قصدج تبين تعرفين اسعار الفلل والشاليهات الي في جزيرة النخلة.. فالاسعار تبدأ من 1،7000،000 للفيلا.. بس طبعا الجزيرة هذي بيكون فيها العجائب..
وحوالي 75% من مشاريعها انبباعت من الحين.. واغلب الي اشتروها العرب والخليجين والفنانيين.. مثل اصاله.. راشد الماجد.. محمد عبده.. نوال الزغبي.. نانسي عجرم وغيرهم..

:)

مافي جديد

أختي برج دبي بينه وبين المرسى تقريبا فوق ال20 كيلو متر يعني مش نفس المنطقة !!!


منطقة دبي مارينا ( المرسى ) حلوة كتير لكن بدها شي 5 سنين لحتى تجهز بالكامل وبصراحة كنت بستأجر فيها لكن المكان كله عمال وتحويلات ومطول ليخلص المشروع بالكامل لكن للمستقبل رهيبة المنطقة وحلوة جدا جدا .


اما منطقة برج دبي بعدها باولها لني حاليا ساكنة قريب منها وليل نهار الكشافات وافضاءت مضوية في المشروع وبطلنا نعرف لا ليل ولا نهار لنو طول الليل مضاءة المنطقة واتوقع منطقة برج دبي الستوديو عالقل بمليون ونص.والبرج مباع بالكامل والمحلات بمول دبي تاجرت من اكثر من سنة لكن في أبراج حواليها ( اللي هي راح تكون أرقى كيلو متر مربع على هذا الكوكب ) اتصور هذا مكتوب على موقع المشروع.


والسعر اللي قلتي عليه يعني ربع مليون بمنطقة المارينا حلو بس تأكدي من نقطة لني كنت بشتري بحدود السعر اللي كاتبتيه وخبروني انني لازم ادفع كل سنة 30 الف صيانة فقلت المشروع خسران بالنسبة لي انا .

يبارك فيك رب العالمين و لا يحرمنا منك اختي مهى :)