؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعطيك العافية

أشكرك على النقل الرائع ياأشواق الجنوب ، وخليني أسترجع معااااكم ذكريات زمااان أيام ماكان مافي الا القناة السعوديه الاولى والثانيه
كانت أيام ولاأحلى أتذكر في رمضان لمن كانوا يجيبون حديث للشيخ اللحيدان الله يطول بعمره ويحفظه بعد القران الكريم ونستمع له بشغف
طبعا نحن في رمضان مسويين طريقه بعد الظهر نطفي اللمبات الي في الصاله علشان يصير الجو جو فرجه من جد وننسدح على ظهورنا ونمد رجولنا تحت التلفزيون أنا وأخواتي وأخويه خخخخخخخ عشان تحلى الفرجه:27::27::27::arb: ونقعد نتفرج على مغامرة (بندق ولوزه)وفوازير الصغار وبعد المغرب ونحن نفطر يطل علينا (علي الطنطاوي) رحمه الله كم أسعدنا هذا الرجل بحديثه وبعدين مسابقة الكبار وياااااازينها من أيام وبرامج علميه مفيده
أما أيام الفله:) فيا ساتر متخفيين زي الحراميه في الليل كل واحد معاه بطانيه منا ومطفيين اللمبات في الصاله وكانت الصاله وسيعه بحر ماشاء الله ونتفرج على فلم رعب أخر الليل:time: على القناة الثانيه واذا جات لقطة رعب :09:نقعد نطالع في بعض بترقب وعيونا مفنجنه على الاخر خايفين لحد ينقز فوق الثاني ويتوحش عليه هههههههههههه واذا سمعنا أبويه خارج من الغرفه ماتشوفين الا غبارنا ندسدس لانو مممنوع الفرجه في الليل ومره شردنا كلنا وخوي تكعبل في البطانيه وطاح وش قام سوا تلبس بالبطانيه يعننه نايم في الصاله مامداه يلحق على الغرفه الا باغته النوم وسط الصاله ككككككككككككك فلمن شافه أبويه حزن عليه وقله قوم قوم حبيبي قوم أرقد في الغرفه &ونطلت عليه الحيله لأن أبويه على نياته مررررره& وكمان كانوا يجيبون الرجل الاخضر بعد الظهر كمان في القناة الثانيه رجل يتحول لعملاق اخضر متوحش وتتقطع ملابسه الله يكفينا يخرررررررع موالرجل الاخضر الي يجيبونه الحين كنه لعبه،وكانوا يجيبون مغامرات هاديه ومفيده زي (سنان- وساندي بل -ريمي الولد - سانشيرو-فلونه) وكثير ماتحضرني ذلحين مو مغامرات MBC3 وسبيستون كلها وحوش ومسخ واذا ناس عاديين شعورهم ناااافره وناااقزه خخخخخخخخخ وخيال × خيال واصوات الله لايوريك تحسين انوا افيوزات مخك المتحكمه في توازنك اتفصلت كل أبوها ياااااااااااوردي عليهم:mad:وأشكركم حبيباتي للاستماع ولكي المايك:)

ههههههههههه تجنن ذيك الايام

احس ودي اصيح على ذيك الايام