اهل الدم والمبالغ اللي يطلبونها...؟؟؟؟؟؟؟؟

السلام عليكم ورحمة الله وبركاته
بنات موضوعي عن اهل الدم والمبالغ اللي يطلبونها :confused:
اليوم بعد المغرب يدق الباب ويطلعون رجال ماعرفهم زوجي لكن على كلامه رجال شايب ومعاه اثنين شباب
دخلوا المجلس وطلب زوجي القهوة واعطيته وانا عند باب الصاله اسمعهم يقولون انت ماتعرفنا احنا محتاجين ولدنا قتل واهل الدم طالبين مبلغ 5 مليون :confused: ودبرنا جزء من المبلغ وناقصنا 800 الف ياليت تساعدونا
قال زوجي ان شاء الله اساعدكم باللي اقدر عليه
المهم انا هنا قلت لزوجي من جد كلامهم يقول مستحيل يكدبون الرجال واللي معاه شكلهم محترمين وعيال ناس واضح عليهم انهم صادقين في كلامهم

انا دخلت المطبخ افكاري تروح وتجي ليه اهل الدم يطلبون فلوس مبالغ فيه
يعني هم بيسوون فيها صدقه جاريه لولدهم الله يرحمه او بترجعه لهم

مثال اهل خالد الحربي كم مليون طالبين ليش يذلون اهله بطريقه هذي
والله ثم والله فلوس الدنيا ماترجعه لي والله كنوز الارض ماترجع ولدي تعبت وسهرت عليه الليالي
لكن يذلون اهله القاتل بطريقه ذي حرام عليهم هم في مصيبه مصيبة ولدهم ومصيبة المبلغ اللي يهد جبال
ياانهم يتنازلوون لوجه لله او يطبق حكم الشرع فيهم لكن الملايين اللي يطلبونها ومستحيل تتوفر عيب عليهم