اهل الذوق يردون علي اشرايكم في الكوفيرة هيام

الكوافيرة هيام انا شفتها يوم زواج زميلتي انا اعرف ان ما عندها مشغل اهي بروحها تروح حق العروسة وهي ما تصلح شعر معها قريبتها بس ما يمدحون تساريحها انا زميلتي راحت مشغل شعاع وصلحت تسريحتها ويوم جت الفندق جتها هيام ومكيجتها وماكياجها رايق لبناني زميلاتي انقسمو قسمين بنات اعجبهم وقالو انه هادي وبنات ما اعجبهم يقولون انه خفيف حق عروسة انا ما عندي خيرة في الماكياج واجد بس اشوفه حليو ما هو بشين واتوقع صديقتي يناسبها الماكياج الهادي علشان الستايل حقهاعلى لبناني علشان امها سوريا فاشوفه كان مناسبها
وانتي عاد لو تحبين الماكياج الهادي اتوقع تناسبك وانشالله البنات يحطون رايهم ويفيدونك:26:

ملاحظة انا اتكلم عن هيام اللبنانية اللي في الخبر عاد مدري عنك انتي وينك فيه وان كانت اهي اللي تقصدينها او لا

وردة ذبلانه اهلين..
اختي انصحك ماتتعاملين معاهالان ماعندهااخلاق ولااحترام للمواعيد وسوت مع صديقتي مقلب في زواج اخوها
كانوا حاجزين هيام للبنات والعروسه جايبين لها كوفيره من البحرين ولما دخلت الصاله وشافت فيه كوفيره ثانيه
زعلت وتركت الصاله وقالت خلوها تنفعكم عشان كذا حرمنا نتعامل معاها....
بالنسبه لمكياجها حلوناعم .

هو شغلها صراحه حلووو ورايق وشغل لبناني صحيح

س عيبها انها مش راعيه مواعيد اعرف وحده عطتها اشكل يوم عرسها تصووورو ولا جات

ولا تتصل ولاتعتذر .... آخرتها كلمت شعاع وخلصتها في اللحظات الأخيره

هلاويييين وردة ذبلانة ترى البنات صادقات ومواعيد هيام خرطي انا ما تعاملت معها شخصيا بس العام قريبة زميلتي شافت شغلها على مرت حماها وهي عروسة وحجزتها للفندق ومرت حماها حجزتها في بيت هيام قامت العروسة يوم درت قالتلها كنسلي حجز مرت حماي وانا اعطيكي العوض ويوم راحتلها الثانية لبيتها ما حصلتها واتصلت عليها قالتلها ما عندي وقت وتأخرت على العروسة واهلها قامت تهاوشها وزعلت عليها وفهمت منها انها كنسلت حجزها بطلب من العروسة قامت واتصلت على العروسة تعاتبها ويوم كلمتها العروسة وتسالها ليش تعلمينها ردت عليها وقالت لها ماني مصلحتكي لا انتي ولا مرت حماكي وشوفي غيري وكان الوقت متأخر وما يمدي تحجز غيرها قامت العروسة تصيح وتبكي وتتهم مرت حماها انها تبي تخرب عليها عرسها قامت المسكينة الثانية اتصلت عليها واترجتها انها تروح حق العروسة وراحت اهي مشغل ثاني ويوم تنازلت وجت للعروسة كانت العروسة عيونها متورمة من الصياح وحلفت بعدها انها ما تتعامل معها

على ذمة الراوية

السلام عليكم



بصراحه ماتوقعت االاقي رد بس من كلامكم انها شايفه حالها وشغلها مو ذاك الزود

طيب اشرايكم بمشاغل الخبر غير شعاع ابي مشاغل شغلها بالمكياج والشعر حلووووو

ماابي اروح مكانين بليييييييز ردوا علي

هذي لكل الصبايا اللي عبروني
:26: :26: