اهل الرجال لاحشيمه ولا جاملوك وانتي ضيفتهم....وولدهم حط نقره من نقر اهلك وتسلط الحل؟؟

صباح الخير

فيه سالفة تأزمة علي وماقدر اصبر وقمت من صباح الله عشان تدورون لي على حل:time:

اولا انا عايشه حاليا في مدينة جدة انا وزوجي
واهلنا بمدينة ثانية

حاليا انا موظفه وهو موظف واخر هالاسبوع قلنا نجي لمدينة اربعاء وخميس وجمعة عن طريق الطيارة لان مافيه وقت

وابي اقولكم وش اللي صار بالضبط

طلعت الثلاثاء من المدرسة مهدووووووووووده من التعب وكنت ناوية اتغداء انا وبنتي واجهز اغراض السفرة واحضر اوراق العمل ليوم السبت عشان الجمعة ابي اكون مشغولة
فجأة!!!!
قال لي زوجي ان اخته بالطريق لنا هي وزوجها وعيالها وقال لازم تنظفين الشقة لهم وترتبين وتجهزين لهم مفارش لنوم
والمشكله بيتي صغيييييييييييييير صاله 2في 3
وغرفة نومي
وغرفة ملابس ومخزن حتى مافيها مكيف
وحمام واحد
ومطبخ (ونظاف المطبخ امريكي يعني مفتوح على كل الشقة
بالعربي يعني شقتنا ماتصلح الا لشخصين ماتنفع تكون لضيافة وهو عرف الكلام هذا
ومن وصلت البيت نزلت عباتي وجلست انظف وارتب الشقة واحضر واسبح بنتي والبسها والله ثو والله ماخلصت الا 1ونص بالليل
دخلت وسويت لي شور وطلعت الا تفاجأة زوجي دخل ومعه اخته وزوجها الساعة 2 بالليل
قسم بالله تفشلت مدري وين احطهم واخر شي نومتهم بالصاله لدرجه يوم بغينا نطلع 5 الفجر للمطار امشي من بينهم وهم نايمين عشان اوصل لباب الشقة واطلع
بعد كذا طلعنا للمطار ووصلنا لمدينتنا الساعة 8 الصبح
وهنا المشكله الثانية
قلت له خلاص انا راح اجلس كل الاربعاء عند اهلك والخميس وباقي الجمعه عند اهلي لاني اصلا جاية لهم ابي اشوف امي وابوي
قام يصرف
وصلنا لبيت اهله....فيه اخته وامه جلسنا جلسنا قسم بالله حتى قهوة ماقدموا لي وحنا على لحم بطونا ما افطرنا......اخر شي استأذنت ونمت وقمنا 2 الظهر وتغدينا
المهم لبست ونزلت انا وبنتي
تخيلو وش صار!!
اخت زوجي الكبيرة دقت على الكوافيرة تسوي لها شعرها صبغة وقص ومكياج.....بالله هذا وقته؟لااحترمت الضيفة اللي عندهم ولا قالت اجامل الحرمه واجلس معاها اليوم والكوافيرة اقلها اجلتها لبكرا

واختها الصغيرة راحت لغرفتها ونامت وتركتني
ومرت اخوه برضوا صعدت فوق لقسمها ونامت ماكأني موجوده بالصالة تحت
تخيلو جلست طول الوقت بصالة لحالي وانا اللي جايه عشان اشوفهم واجلس معهم
وزوجي مادرا عن هواء داري جالس يطقطق بالايفون حتى ماخاف على زعلي من هالوضع

انا يوم شفت السالفة كذا وان انا ماهو مرحب بي طلب من زوجي يوصلني لاهلي وقلت له انا ماتعنيت من جدة الى هنا عشان اجلس لحالي......والمصيبة قال لا حاولت افهمه وقلت انا حاسه اني ثقيله يافلان ابي اخليهم على راحتهم قال لا
وجلست اترجاه الى الساعه 8 بالليل واخيرا وافق ووداني لأهلي

والحين يقول الجمعه راح اجي واخذك ونجلس عند اهلي
الأخ ماهو حاس بحجم المشكله:44:


تكفون قولوا لي لي حق لو رفضت اني اروح يوم الجمعة لاهل زوجي؟
تصرفات زوجي ماتقهر؟
الحق معي او معه؟:mad:

لو كنتي مكاني ترضين باللي صار او لا؟