عندكم التحف في بن دايل..وابو ريالين ماقصر..صار يبيع تحف على عشرة وحولها..

بس تحسين انها فخمة..

الملابس الجاهزة من النخبة..انا حبيت هالسوق..مدري لية..

الأقمشة ماعمري حصلت اقمشة رخيصة..صراحة زوجي يرفض اروح للاماكن هذي..وانا بعد ماارتاح..

لأن العمال كنهم في موسم حج..يعني مااستفاد من رخصنا الاالهنود والآجانب..

تبون الآماكن الرخيصة..

دوروا على اماكن زحمة الاجانب..ترى هم الخبيرين هنا..:26:

هلا بك ونة خفوق نورتي الموضوع
فعلا بن دايل عنده تحف حلللوه
بالنسبه للأقمشه ..ترى المكان اللي قلته بالبطحاء
مافيه عمال وزحمه ....كله حريم سعوديات يشترون ...ولا عربيات
والعمال سعودين وحضارمه وفيه باكستانين...
يعني مافيه زحمة اجانب ولا عمال ...لا بالعكس
واقمشتهم حلوه

حبايب الرياض

لا تنسوا اخر فرصه

عنده كل شى من ملابس واكسسوارات للمنزل
واكثرها ماركات مخفضه

وكذلك عندكم سارع السويلم وسط البلد
فيه العاب للاطفال وكذلك اقمشه للمفروشات واخره عطور ومكياج

وتحياتي لكم

انا اعرف محلين في العويس يبيعون اقمشه رخيصه اسمهم المخطوبه والمحظوظه بس تحملين الحوسه والتفتيش عن الاقمشه الزينه
الالعاب والكريمات والعطورات فيه شارع السويلم ((بيني وبينكم ماتسوى البعد والمشوار والبنزين وبعد ماتلاقين موقف للسياره ((سوء التنظيم ))الادوات المدرسيه شارع العطايف ...وش بعد الجرار قولة الخوات شمس الشموس والهزازي ...المفارش فيه محلات في اوشيقر تبيع مفارش بنصف السعر اللي يبيعها باخشوين اعتقد في الدور الثاني حسب كلام اختي ...يا رب اكون افدت بشي

جزاكم الله الف خير
الله لايخلينا من هالنفوس الحلوه
جديد علي السويلم واشيقر
:)
زيدونا حبيباتي
وهالسؤال موللبخل ...لا بس احيانا فيه اشياء ينصب علينا فيها
تكون ارخص من التراب و تنباع علينا بنار
واحنا نعرف الزين الرخيص والشين الرخيص
ونعرف الغالي الزين ..والغالي الشين

واللي قيمته فيه مانتحسف لادفعنا فيه فلوس
لكن بعض المحلات اسعارها خياليه وملابسها ماتقعد غسله
مثل قطنيات مذركير شريت لولدي ثلاث قطع يجون مع بعض ب183ريال...
ومن اول غسله انبقو ونمشو ...صارو يفشلون ماينلبسون ابد