اسعد الله اوقاتكم بكل خير ومحبه وصفاء
وادام الله عليكم الألفه والراحه والسعاده والهناء
اهل زوجي ااااااه من اهل الزوج
فأن عادوك فانتي في تعاسه وشقاء
وان صافوك فأنتي في سعادة وهناء
وان كسبتيهم بصفك
سووبك يادهينه لاتنكتين :42:
ظاهره اجتماعيه
بل سأقول حقيقه مره كنت اعاني منها طوال فتره ليست بقصيره
ليس غباء فيني ولكن جهل مني لصغر سني وعدم معرفتي بأمور كثيره
تخص الزوج واهل الزوج
اهل زوجي ونفورهم مني
انا بطبعي اجتماعيه واحب الناس
لكن
كنت عندما احضر لاجتماعاتهم
وعند دخولي عليهم المجلس ارى تعابيروجوههم وقد تغيرت
كلامهم قدتغير
فعند دخولي يتغير مجرى حديثهم
قد يقول البعض اني اتوهم
لا والله ليس بــــ وهم ولا خيال
كل هذا حقيقه لاحظتها عند حضوري لهم
بل وحتى الأكل اللذي احضره معي والله وبدون مبالغه لايأكلون منه
كنت اتضايق وابكي
ليش هم هكذا معي وكنت انقل لزوجي كل شي
اهلك متضايقين مني
اهلك مايحبون عيالك
اهلك مايحبوني
اهلك مايسولفون معي
واهلك واهلك واهلك ........الـــــــــخ
يعني كل مارجعت من عندهم اشكي له
ماكنت اعرف انه هو بدوره يروح ينقل كلامي لهم
واثاريهم شايلين علي بقلوبهم كبر الجبال
وشلون عرفت انه ينقل كلامي
مره رحت لخالتي
وكنت بلحالي محد جاء معي
وقبت فيني وطلعت اللي بخاطرها
كان كلامها زي النار في صدري
ليه تغيرين ولدي علي
ومن قال اننا مانحبك ومانحب عياله
وقامت تهاوشني وانا ساكته ومصدومه ووجهي كذا :o
وكتمت اللي بخاطري
ويوم رجعت لبيت رحت للغرفه وبكيت وطلعت اللي بخاطري
وماقلت لزوجي ولاكلمه
لاني عرفت ان زوجي نقال كلام وكل
كلمه اقولها يقولها لأمه
توبه عقب هالنوبه ان علمته بشي
وجلست بيني وبين نفسي جلسه طويله
انا لازم استغل هالعيب اللي في زوجي لصفي
لازم اخلي نظرته ونظرتهم تتغير تجاهي
بس وشلوووووون ؟؟؟؟
تابعوني يالغاليات
للحديث بقيه
ماذكر اعلاه ظاهره حقيقيه تحدث لاغلب نساء العالم
أسبابها
علاجها
قلنا وشلووووووون ؟؟
اخلي نظرتهم تتغير تجاهي
مفتاح الحل بيدي >>زوجي هو المفتاح
واللي عن طريقه راح اكسبهم في صفي واغير نظرتهم لي
في البدايه
كل مارجعت من اجتماعهم
ينتظرني اقول شي وانا ساكته
يقول وش فيك ساكته
شكلك ماانبسطتي مع اهلي
ارد عليه ....لابالعكس الحمدلله انبسطت مره
يقول عسى ماضايقوك بشي ولاقالولك شي ؟؟
اقوله ...بالعكس ماجاني منهم الاكل خير
هذي البدايه
جلست فتره على كذا
يعني صار لما يروح لاهله مايلقى شي يقوله لأمه عني
كنت دايم احرصه على امه
مع اني ياحوائيات عمري ماحرضته عليها
واعرف ان اللي مافيه خير لأهله مافيه خير للناس
بس ماكنت اقوله شي اذاراح من نفسه وسلم عليها ولامااقول شي
صرت لاااااا كل يوم اقوله مر امك وسلم عليها وسلم لي عليها
ولما احضر اجتماعاتهم احاول اصير عاديه
ومااتضايق من وضعهم معي
ابتسم في وجه اللي يناظرني
ولما اخذ معي شي ادور بالصينيه عليهم اخليهم ياخذون غصب >>خخخخخ :hahaha:
اسولف مع اللي جنبي سواء كانت ام زوجي او حماتي
احاول اناقشهم بالسوالف واخش معهم
قبل كنت لااااا انطوائيه بسبب نفورهم مني
كنت خايفه اسولف معهم ويفشلوني
بس انا قلت لازم اغير من نفسي عشان اقدر اغيرهم
واذارجعت من جمعتهم
اقعد امدح في امه واخواته
اقول ماشاءالله على امك اليوم طالعه عروس
لابسه ذيك الجلابيه اللي الوانها تفتح النفس
واقعد اقول عاد هي مايحتاج لوتلبس خيشه طلعت حلوه عليها
وامدح في اخواته وطبخهن واطيرهم بالعجه>>خخخخخ
البعض بيقول هذا نفاق ولامجامله ومبالغه
لاوالله انا ماقلت شي مو في محله
خالتي احبها واعتبرها مثل امي
واخواته مثل خواتي وماعمري كرهت احد فيهم
والمدح اللي قلته كله عشان اكسبهم في صفي
المووووهم
زوجي صار ينقل كلامي لامه وكل مارجع من عندها يصير مبسوط
ويقول امي تسلم عليك سلام كثيييير
وانا اقعد اسأله ..وش اخبارها وكيف صحتها ؟؟
وش سوت في موعدها ووش قالولها الدكاتره ؟؟
ولما اجتمع معهم اقعد اسألها نفس الأسئله السابقه
ابين لها اهتمامي قد مااقدر
اساعدهم لوصار عندهم عزيمه كبيره
افزع معهم واقوم بالواجب
يابنااااات اهل زوجي الحين تغيرت نظرتهم لي 180 درجه
صارو يحرصون على جيتي وجيت عيالي
لو ماحضرت جمعه لهم اتصلو علي ..وينك ماجيتي عسى ماشر ؟؟
واول يالله ان تخلف مادرو عن هوى داري
اصلا يفرحون لوماجيتهم
صارت خالتي تقول لزوجي ..جب عيالك كل يوم اسلم عليهم
ولما ندخل عليهم تعالو اسمعو الترحيب
والله اني شوي واسيح من الخجل
الحين عرفت وش مفتاح اهل زوجي
وعرفت وش يحبون ووش يكرهون
وعرفت وشلون اخليهم معي وبصفي
والحمدلله على تغير الحال
وين كنا ووشلون صرنا
وفي الختام
اتمنى الموضوع ينال اعجابكم
وتلمسون منه فايده ولو بسيطه
وكل وحده الحين تحرص على اهل رجلها وتكسبهم بصفها
وان كسبتهم بصفها عزالله حطت الرجل بالمخبات >>خخخخخخ :hahaha:
واقولكم واوصيكم
الله الله بأهل الرجل
وخصوصا امه وابوه
عاملوهم مثل والديكم واكثر
واخوات الرجل عاملوهم مثل خواتكم
ترى والله قلوبهم طيبه بس يبون معامله زينه من مرة الولد
وترى كل الأمر بيدك انتي تقدرين تغيرين الأوضاع وكلا بطريقته
شوفي وش يحبون ووش يكرهون وسوي اللي يرضيهم
والحمدلله الذي هدانا لهذا وماكنا لنهتدي لولا ان هدانا الله
العذر والسموحه على التقصير
فـــ أن أصبت فبتوفيق من الله
وأن اخطأت فـــ من نفسي والشيطان
هذا وصلى الله على نبينا محمد وعلى اله وصحبه وسلم تسليما كثيرا