جريحة الكلمات
•
والله انا اتجنب من اول افتح قلبي مااضمنهم والحين فعلا رسميه تخيلي يقولون ليه ماتكلم معهم حتى بااسرار الفراش يبون اسولف عن اخوهم استغفرالله
كيف انتي ساكنه معاهم بنفس البيت لك غرفه؟؟؟ او ساكنه بالدور الثاني يعني لك غرف ودورة مياه ومطبخ خاص اذا لك مو لازم كل يوم تشوفينهم يعني خليك رسميه انا كنت علاقتي مره قويه مع اهل زوجي ودايم اروح لهم بس صاروا يمونون علي بقووووه خصوصا المزح الثقيل ورمي الكلام وانا مااحب بعدين غيرت وضعي وصرت رسميه اروح مره بالشهر واخذ معاي صينيه تغير الوضع مليون مره صرت ادخل عليهم كالاميره يحترمون مرره ويقدمون الحلا والعشاء وام زوجي تحلف علي اكل حسيت نفسي عروس ومافي اي رمي بالكلام صدق زد غربا تزد حبا وطبعا زوجي قالي تبين اهلي يحبونك خليك رسميه ولاتخالطينهم كثير بس اذا انتي معاهم بنفس البيت حاولي ماتجلسين معاهم كثير علشان هم ياخذون راحتهم خاصه اذاكانوا مجتمعين والله يصلح الحالكيف انتي ساكنه معاهم بنفس البيت لك غرفه؟؟؟ او ساكنه بالدور الثاني يعني لك غرف ودورة مياه ومطبخ...
ياليت لي دور لي غرفه ودورة مياه والمطبخ مشترك معاناه ونا حامل وعزايم تصير ولا يساعدوني اذا علي المطبخ يساعدون اختهم اللي متزوجت لسى نادر يجاملون بس قدام الناس عشان كذا اتمنى لي بيت لحالي
اسأل الله الحي القيوم ان يفرج كربتك والله محدبيحس فيك الاالي عاش ضروفك واناسكنت عنداهل زوجي وشفت النجوم بعز القايله بس اصبري وحاول تبتعدين منهم والله ان النسوان وسواليفهم غثاءروحي غرفتك واقري قران اوصلي اواقري كتاب مفيداحسن من الحريم ومشاكلهم ونصيحه لوجهه الله قولي لزوجك بكل حركاتهم عشان يكون مطلع ع الوضع عشان بعدين مايقول انت وانت والله اني ماكنت اقول لزوجي باي شي كان يحس اني ساكته اني مرتاحه وانااعاني الين اطلعته ع الوضع وحس فيني وفي معاناتي وعرف حرات الحريم الي مالهاسنع مع اني ماكان عندزوجي اخوات بس امه لكن عن عشرحريم بس قولي له مايرجع يقول لهم عشان الفتنه والله يعينك واهم شي اصلح مابينك وبين الله يصلح لك الناس اقسم بالله اني عانيت وربي فرجهاعلي من لاادري عقبالك يارب وخلي نيتك صافيه والله بينصرك
والله اني من كثر نقهم سحبت عليهم سحبه قويه اخذ اربع شهور واكثر عنهم وماني سالمه من لسانهم لكن بحاول ازورهم واجيب حلى معااااي والطيبات لله وبالنسبه لك يااختي حلك في بيت بروحك وليه ماعندك بيت يااختي عذرا ع اللقافه وربي يرزقك ببيت ملك واهم شي الرسميه ماهو لاهل الزوج مع الكل
الصفحة الأخيرة