amal gh @amal_gh
عضوة جديدة
اهل الزوج
كيف حالكم بنات ان شاء الله بخير كنت ابى افضفض عندكم شويه مااعرف هذا الي عندي مشكله ولا هم ولا حساسيه المهم انا متزوجه من 10 سنوات واتزوجت انسان فقير ماعنده شي ولا جواز المهم قلت في نفسي الفقير بحترمني احسن المهم من اتزوجت زوجي انا ماطالبته باي شي في العرس اتحريت اني بكبر في عين اهله بهالطريقه بس للاسف يوم اتزوجت اهل زوجي قاموا يعايروني انتي ماسويتي حفله عوده وانت حفلتك ماكانت فخمه المهم عشت مع امه واخته واخوه في بيت واحد ماتتصورين هاللاخت كيف علي طول مدح في نفسها اذا شلت كاس ماي قالت تري انا سويت موهي المهم عقب فتره جبت خدامه وانا اشتغلت عشان اساعد زوجي عشان راتبه ضعيف وانا وزوجي نصرف علي البيت وادفع للخدامه ماعدا انا ماعندي غير غرفه في هالبيت واتسوي شغل اهل زوجي وفوق هذا كل يوم هواش مع الخدامه تعبت المهم اخت زوجي اتزوجت عقب ثلاث سنوات ومن زواجي يمكن كانت رحمه لي انها ابتعدت وطبعا انا تميت علي نفس الحال وكل جمعه اهل زوجي يجيون يتغدون ويتعشون وياريت يجي في عينهم هواس علي الاكل ماعاجبهم ويتشرطون ومره من الايام اتكلمت قلت انتوا مالكم حق تتشرطون انا اصرف علي ابيت وانا مب مجبوره اصرف عليكم قاموا فيني انت مب زينه ووايد كلام وسكت المهم الله فرج همي عقب 8 سنوات الله رزق زوجي بالجواز الدوله عن طريقي والحمدالله زاد راتبه وانا بعد المهم قمت ارجع الاسكان والحمدالله حصلت علي القرض وان شاء الله بابني بيت بس المشكله الي فقدتها في هاي السنين ثقتي في نفسي قمت اشك في الناس كلها لان ام زوجي وخواته ماقصروا فيني علي طول حش وقرض فامت سوت وشربت ماي وراحت يعني اخباري بالتفصيل المملل في عند بناتها كل مااشوف اثنين يتكلمون اتخيلهم يتكلمون يعني صدقوني خلال هاي السنوات ماقصرت في عمتي من ثياب واغرض واغير في بيتها من اثاث صبغ انا احب ترتيب البيت والديكورات يعني خليت بيتها جديد من اول من راتبى الخاص ورغم هذا علي طول مايجي في عينها شو اسوي انا من حصلت القرض وقمت احاسب عشان اجمع فلوس للبناء بس مامخلتني في حالي علي طول تتكلم عني اني استويت بخيله يعني انا مالي حق بالاستقلاليه بنتها سكنت مع اهل زوجها 3 سنوات وطلعت شقه وكانت تمدح فيها انه مافي مثلها لانها جلست 3 سنوات وبعدين انا قلت لها انا شو اقول عيل 10 سنوات وعايشه بيت مشترك اتكولي لا مرت ولده البكر عاشت في في شقه 4 سنوات شو اتقول يعني مادام انتي ماتدفعين ايجار البيت انتي مرتاحه بس انا اصرف علي البيت كله يعني مثل ماادفع الايجار وغيرها عيالها ايجون يكالون علي حسابي قولوالي شو اسوي تعبانه نفسيه
2
2K
يلزم عليك تسجيل الدخول أولًا لكتابة تعليق.
هوى الدار
•
اختي حبيبتي ما عليج منهم ووفري فلوسج وخليهم اخر شي تفكرين فيهم اهم شي زوجج يكون بصفج وانتي ما قصرتي معاهم وما اعتقد احد بهالزمن يسوي الى انتي سويتية ومو مبين بعينهم بعد يعنى لو مهما سويتي هذا انتي بعينهم ما عليج منهم جمعي فلوسج وطلعي ببيت بروحج ارتاحي وربي عيالج واخذيها منى اذا طلعتي ببيت بروحج بتصيرين الغالية الحبيبة وكل يوم والثاني زايرينج وقاطيين وييهم عندج . الزم ما عيج زوجج وعيالج وخلي ثقتج بنفسج قوية وخلي الي يتكلم يتكلم مادام انتي مو مسوية شي حرام او عيب والناس ترى لها عيون تشوف وعقول تفكر يعنى يعرفون الشين من الزين مو بكلمة او كلمتين ينقص عليهم واهم شي حبيبتي لا تفقدين الثقة بنفسج ابدا ابدا
م1398
•
الله يعينك يااختي على مشكلتك واغلبنا عنده مشاكل لكن اذا تبين رايي عزي نفسك وطلعي من بيتهم باسرع وقت اوانك تعزلين انت وزوجك اذا كان مسانعك وبعدين لاتجلسين معهم كثير عشان ما يمونون عيك اكثر انا ما اقولك هالكلام عشان اعصيك عليهم لا بس هذا من واقع تجربة شخصية
الصفحة الأخيرة