اختى ام نوره
اولا امه وابوه هم اهم ناس عامليهم كانهم امك وابوك كيف تتعاملى مع امك وابوكى تعاملى معاهم
يعنى لو امك زعلتك وش بتسوى بتبتعدى عن زيارتها وودها ولا بتتمنى رضاها وابوكى لو زعلك بشى وش بتسوى
اكيد انتى اللى راح تدورى رضاه
وكذلك ام واب الزوج ولاتنسى اختى ان الناس الكبار لازم يعلقو على كل شى
يعنى مو تسمعى وتزعلى منهم لابينى لهم انهم الخير والبركه وانا مانستغنى عن مشورتهم
حتى لو ماكنتى مقتنعه بكلامهم خلى الامور عندك عادى واحترمى رايهم وانتى بعدين فى بيتك سوى اللى تبغيه
(يعنى انا ام زوجى كل شى عندها علاجه بالصبر (المره )لو احد كح من عيالى اعطيه صبر لو احد سخن اعطيه
صبر لو احد سنن اعطيه صبر وش اسوى اكسحها لا والله بالعكس امدح رايها واقول صح واقول والله هالصبر هدا
خطير وعلب المضادومسكن الحراره فى الثلاجه ) هههههههههههه علشان ابين لها انا مالنا غنا عن شورهم
بالنسبه اذا كان عنده اخوات بعضهم يكون حليل وطيب وبعضهم الله يعين بس انتى ابدى بالطيب معاهم والله يجيب اللى فيه الخير
اياك ثم اياك من مقاطعتهم لانهم اهل اولادك وقطيعة الرحم حررررررررررررام
ونصيحه من اختك اذا كانت علاقتك مع اهل زوجك جيده هدا يعطى زوجك راحه نفسيه كبيره وبيزيد حبه لك
والله يوفقك انشاءالله

اضم صوتي لصوت اخواتي ام التوأم و ام رغود

لان انا لي حريم اخوان ولا فيهم السنعه الا وحده والباقي الله يخلف وحده ساكنه مع اهلي له 15 سنه لكن تنشر اسرارهم وتتلقف ولا تحترم اخوات زوجها ولا توجبهم اذا جو تقعد تتفنجل وهم يصلحون العشاء لها ولهم وللبيت كله وتسهر اللين يسرون وتحبس حريتهم ما تخليهم ياخذون راحتهم في السوالف وغير هذا كله ما تخدم ام زوجها ولا ترحمها بالرغم ان ام زوجها تعبانه ويالله تشيل نفسها وعسل وطيبه لكن ما للطيب نصيب وتذب عيالها عندهم طول الوقت يزعجون ويخربون وتعرفون ان ام واب زوجها كبار في السن يبون يرتاحون لكن ما عندها دم المهم الله يتوب علي الحكي واجد بس بصراحه ما قد شفت زيها في وقاحتها

يعني اذا كنتي مع حموله فافزعي واكرمي امه وابوه واخواته اذا جو ولا تطولين القعده معهم خليك خفيفة طينه نص ساعه كفايه وبعدها ضفي وجهك خصوصا اللي ما من وراها نفع

وبزرانك لهم بيتهم لا تسهرينهم عندهم وانتي بعد لا تسهرين معهم لك بيتك اسهري اللين تسمحين
وانتبهي تجيبين سيرة زوجك عندهم ولا تشتكين منه
حاولي يكون كلامك قليل وعام ولا تتكلمين عن بيتك احذري
وفي العزايم بيضي وجه حمولتك عند معارفهم افزعي وصبي ورحبي وهلي


والله الله بالحشمه ومخافة الله



آسفه على الإطاله

اختي ام نوره
تذكري دائما ان ماتفعلينه سوف تلاقينه من نساء اولادك في المستقبل كما تدين تدان
وكلام الاخوات طيب ان شاءالله يفيدك

انا اؤيد كلام اخواتي والله اني اعاملها مثل امي بالضبط واكثر والله بس ابد ما في فايدة وكنت ساكنه معهم يوميا عندهم ويوم تفرغت من الدراسة صرت انا اللي اطبخ غداهم عشان خالتي موظفة يعني حتى وانا حامل وتعبانه كنت اضغط على نفسي واطبخ واليوم اللي ما اطبخ فيه وهذا نادر القى بعيونهم انه مو عاجبهم لدرجة وشوفو قواية العين اني دخلت العاشر واختهم خلصت الاربعين وانا ما قدرت اطبخ تخبرون بكرية وتعبانه تدرون شقالت غريبة ما طبخت توقعت انك بتدخلين تطبخين ووووووو سالفة ما ابي اتذكرها انا سكت ما قلت شي غير ان زوجي قام يتكلم معاها وصارت سالفة وهوشه وطلع شي ما كان على بالي ابد بين شلون انهم يظنون ظن سيء في العالم كنت اسالهم عن احد قرابينهم اللي كانوا دائما يجون اذا جابوا طاريهم واقول يا ليت يا خالتي تقولين لهم يجون والله مشتاقين لهم ومن هالكلام ومن قلب كنت اسال لاني احب قرايبينهم لكن في ذيك اللحظة اللي تهاوش فيها زوجي مع اخته تدرون قامت تكرهه فيني وتقول له اني دائما اسالهم احرجهم واضايقهم اتاريهم زعلانين منهم وانا ما ادري عن شي زوجي كتووووووم وكل شئ يظنون اني متعمده اسالهم عشان اضايقهم يعني شدخل هالسالفة بالغدا ما ادري غير انه حقد
اصلا انا اخلاقي ما تسمح لي اني اصير بهالشكل وممكن اصير زيهم وزيادة لكن والله يعلم اني ما ابي الا على ما يقول عرفات السلاااااااااااااااام وبس
والحين يوم طلعت من بيتهم وللان امه ما طبت عندي مرتاحة صحيح يوم اروح ويوم لا واذا كثرت 3 ايام بس ما نلت منهم خير لكن كوني استقليت ارتحت وللعلم زوجي اللي طفش من المشاكل بينه وبين امه مع اني دائما احاول اصلح بس خالتي حساااسةوتظن غلط يعني يمزح تزعل وتصيح ويوم درت انه بيطلع سوت سالفة وحلفت ما تطب البيت وتقول لي الشرهة مو عليج الشرهة على هالثور يعني شمعنى كلامها صار ثور عشانه بيطلع وكاني انا اللي مسيرته
مع العلم ان مصلحتي في اني ابقى عندهم عشان اكمل الدراسة لكن شقول الله يعين وتقول لي انت شرايج في الطلعة
وانا ما احب اكذب كنت اقول لها انا عادي عندي انا الحمد لله مرتاحة والى يومج هي حاقدة علينا الله المستعان لا وتقول الناس يقعدون وعندهم 6 اطفال في غرفة وحدة حشا زريبة ذي الله يكفيني شرها والله اني ادعي ان ربي يصلح ما بينهم على طول بس كيف وهي كذا شخصيتها ناوية اتغير اكثر وودي انها تجيني قبل ما اولد الكلام كثيير وما ودي اغثكم بهالسالفة بس اقول لكم يالمتزوجات لا تحطون بخاطركم من امهات الزوج اولا عشان الاجر وكل ما تقرب زوجك لامه لك اجر ان شاء الله وثانيا ما راح تتهنين وهذا الللي انا شايفته في حياتهم لانهم مش متسامحين مو متهنين وخلي كل شي تسوينه لوجه الله
فاصل :صحيح حز بخاطري حييييل يومها تقوللي الشرهة موعليج الشرهة على هالثور لكن بحاول انسى مع انها نزلت دموعي بقووووووووووة :44: قلت قصة حياتي ولا

بسم الله الرحمن الرحيم

شوفي اختي انا اهل زوجي اعملهم مثل اهلي بالضبط جيف كنتي في بيت اهلج نفس الشي

انا عمتي حنونه واناديها امي وتحبني مثل بناتها واكثر وانا اموت فيها وبناتها يحبوني واحبهم بعد

اما عمي هوه الي صعب شوي بس مع الوقت انشالله اكسبه بس جد احبهم من قلبيوامه والها معزه خاصه

يكفي انها ام ريلي وعشان انا احبه احب الي يحبه وما ضني في حد يحب شخص اكثر من امه وعلى فكره

اتقبل النقد لانها حرمه حكيمه مشالله عليها وقال المثل اتبع الي يبكيك ولا تتبع الي يسليك ( يضحك يعني)

لان لو هيه قلبها مش عليه ما نصحتني ووجهتني واذا لا سمح انتقدتني عادي

شو فيها ما قد انتقدج امج يا ما علقت وانتقدت واتقبلتي عادي اشمعنى الحين ما تتقبلين خليج عادي لا تتكلفين

ولا تتصنعين ونصيحه كل يوم خذي طبخه من عالم حواء واكتبي عليها اذا تعرف تقرى حق ماما فلانه عمج

واذا ما تعرف انتي اول مره هاتيه وقولي بمزح ما حد ياكل منها حق ماماتي وكلي معاها عشان ماتتحراج حطيتي

شي الها ههههههههههههههه المهم وخليج طيوبه معاها ومع خواته اهم شي والباجي البسيهم :)

وانا البنات اعتني فيهم واوديهم العياده وادهن شعرهم اعلمهم فاهمه عليه خليج حبوبه معاهم يوم بتشترين شي

اشتري لمه وكل مره لوحده من خواته عشان الميزانيه :27: وحبيهم من قلبج يحبونج من قلبهم والطيب غلب الطبيب

صحيح في حد صعب بس انشالله مع الايام يلينون :) اختج دموع