السلام عليكم
بنات اذبحتني هالسوالف قال وقلت والناس ماعندهم شغل بقولكم البدايه انا تزوجت ومن البدايه معتبرة ام زوجي هي امي وخواته هم خواتي واخوانه خواتي وداخله عالناس وكلي طيبه وحابتهم ومقدرتهم وموجبتهم بكل شي والحمدلله ام زوجي وابوه طيبين صح عمتي عليها كلمات وخاصه اذا رحت مشغل كله تقول ماله داعي واتلمح اذا بناتها يروحون صالون تقط نغزات بس بصراحة ماقالت لي شي بشكل مباشر وانا ومره حماي في بيت ولي معاها سوء تفاهم لانه اهي بخيلة وزوجها بخيل الله يهديهم ويعافينا فيما ابتلاهم اول ماتزوجنا وصرنا في بيت اانا وزوجي واخوه ومرته الايجار النص فالنص والبيت دخلناه مافيه تأثيث بالكامل ملحقي زوجي مأثثه وزوجها مأثث ملحقها وزوجي المكيفات والتلفزيونات والثلاجة والبراد والفريزر والغسالة اهوا جايبهم طبعا المطبخ ماكان فيه مواعين تسوى قدر واحد وترامز اتبرد اي كلام يعني رحنا انا وزوجي شرينا ترامز ام نقطة وطقم ترامز كشخه مع فناجينه وكاساته كامل ومواعين حافظات حراراة ومرة حماي شريت ترمزين اصغار حقنا حق البيت اصغار وكم صحن مايسوون وانا زوجي تكلفنا فالاغراض تهمني الجودة اكثر من السعر طبعا المطبخ مشترك والتموين كل مانقص شي قلت لزوجي يجيب لين صار الموضوع سخافة كل شي احنا نجيبه ليش ياكلون ويمشون بالطوفه وزوجي فاتح اخوه بموضوع المصروف وقال لازم انظم السالفة فاتفقنا كل شهر الاثنين يدفعون مبلغ معين وواحد ايتكفل بالتموين لمدة شهر طبعا شهرنا بكل ذمة وضمير رحت اكتب لسته واطبعها ونسخة لي ونسخة لمره حماي قلت لها هذي كل االاغراض اللي كل شي نشتريها وكل وحده قبل تروح الجمعية تدخل المطبخ تشوف شنو الاشياء الموجوده عشان ماتجيبها قالت اوكي واول شهر علينا رحنا وشرينا كل شي وزاد للشهر اللي بعده صاروا مايجيبون الا الخضرة طماط خيار جبن واذا شي خلص قالت لهم الخدامة لما اجي بسوي عشاء او طبخة معينه مااحصل اغراضها لاني لازم اطلب اغراضها منهم قبلها بيوم وسكت وانطميت وصار لنا على هذا الحال فتره بعدين زوجي تضايق يقول الشهر اللي مش علي لا تطلبين مني اكتبي لي مسج وانا برسله لاخوي عشان يشتريه لان التموين عليه هالشهر مليت زهقت كاني اشحذ منهم طالت السالفه المهم صرت اذا ابي شي قبلها بيوم يومين مليت كرهت ادخل المطبخ صرت اسوي اي شي وخلاص لكن لاحظت شي لما يجي شهرنا تزيد الطلبات وكل شهر علينا نفس الاغراض وبالصدفة عرفت انهم يطلبون اشياء اتكفي الشهرين عشان شهرهم مايشترون شي وخاصة الاشياء اللي اتكلف مثل خيشه قهوه خيشه عيش اشياء كثير يطلبون اغراض حلويات واحنا نجيب ياغافلين لكم الله اتسوي واتودي المدرسه قلنا مافيه مشكله زوجها يدفع مثل ماندفع لما اروح ازور حد من الاهل انا وخدامتي انسوي كل شي واتصل لها يافلانه تروحين معنا وتروح ولا اخذ بخاطري اقول اقل شي الناس تشوفنا متفاهمين استحي لما اروح لحد يسالون عنها والناس مالها غير قال وقلت مااقول والله انا تعبت وانا اطبخ واجهز واركض اتسبح واهي عالجاهز تروح وبلعت السالفه وقلت اصير احسن منها صار زواج اخوي وممنوع اصطحاب الاطفالارسلت لي قبل العرس بيوم عادي تدخل خدامتي وبنتي ووبنت اخويارسلت لها مسج بشوف خواتي وارد عليك وانا كنت قايله لمره حماي الكبير اللي ساكنه مع اهل زوجي اني مااقدر ادخل اعيالها وقلت ياادخل اعيال حمواني واعيال خوات زوجي المتزوجات 4 يعني يوم حسبتهم يطلعون 5 خدامات و13 طفل صراحة استحيت اقول لاهلي والمشكله انهم مش هادين والخدامات ايسولفون ولا يمسكونهم المهم ارسلت لي مره حماي اللي معاي فالبيت مارديتي علي ولا رديت عليها اللي صار مره حماي الكبير اتركت اعيالها بالبيت وجات سلمت واقعدت وخوات زوجي جاو بدون اطفال ومره حماي اللي معاي فالبيت ماجات والناس تسالني عنها قلت بنتها تعبانه المهم مالها حق تزعل علي لاني مارديت ولما رحت لاهل زوجي اسلم عليهم الا وحده من المتزوجات ماده البوز وماتبي اتسلم واول ماشافتني راحت والبست العباة واطلعت وبعدين يوم سولفنا الا اخت زوجي تقول خذينا على خاطرنا منج ليش فلانه يوم اسالتج قبل الزواج قلتي ممنوع قلت لها ايه قالت ليش فيه اطفال داخلين واحنا نسايبكم المفروض من قبل العرس باسبوع تقولين لنا اعيالكم يدخلون قلت لها انا ياادخلكم كلكم ياماادخل حد الحين نسوا كل الطيب والتقدير وجاووا البنات يزعلون عشان اطفال الصراحة زعلت وعرفت اهم سخيفات الزبدة بعدها بيوم حماتي اللي معاي فالبيت راحت تزور وحده والده وخذت الترامز وراحت ولا كلمتني ولاقالت يافلانه تروحين معاي لو مجاملة قلت شايله بخاطرها عادي مو مشكله اليوم الثاني جهزت اغراضي بروح لوحده والده وطرشت لها مسج الظهر وين الترامز ماعليج امر ابيهن اليوم ارسلت لي اسفه مو جايبتهم وانا قلت للمره اللي بالنفاس اللي عندها الترامز اترجعمهم اوكي الترامز انتي خذتيهم انت مسؤله اترجعينهم لي اقول في قلبي قالت لي اذا مستعجله اخذي الترامز الثانيه والترامز الثانيه اتبرد المهم قلت معليه وخذت الثانيات اللي ايبردون وسكت ولما رجعت قلت لخدامتي الترامز اللي انا شاريتهم والاشياء اللي انا شاريتهم اتحطهم على جنب ومحد يستخدم حقات حد عشان ماتصير مشاكل المهم ارسلت لها مسج وقلت لها حنا خوات وماله داعي انتحسس عشان ترامز ومواعين وقلت لها كل وحده ترامزها ومواعينها عندها ردت برساله ههههههههههه انا مو متحسسه انتي اللي متحسسه كتبت لها انا مو متحسسه بس انا تحسست من ردك لان انتي ماتبين اترجعينهم لي ولا همك يرجعون الترامز والا مايرجعون وعالعموم كل وحده عندها اغراضها احسن ردت علي انا كنت مشغوله بالدوام وكتبت لك عالسريع وقعدت تحط اعذار انا مارديت عليها الصراحة الزبده اهي رايحة مشتكيه لخوات زوجي اني قلت لها كل وحده تاخذ اغراضها عندها تقول اصلا الاغراض كلها من فلوس التموين اللي زوجي وزوجها يدفعون فيها للعلم انا متأكده اني انا اللي شاريتهن والمواعين زوجها مو دافع بهن ريال واحد وانا شاريتهم اصلا قبل انسوي نظام التموين المهم الكل واقف معاها ومطلعني انا اللي غلطانه
انا الصراحة ودي اوقف كل واحد عن حده لاني حسيت كل ماالواحد يصير طيب الناس تزيده شر واصلا اخت زوجي قالت لي خواتي راحوا عشان يبون يستانسون مو عشان خاطرك قلت لها اصلا خواتك ايسافرون كل مكان ايخلون العيال بالبيت جات على زواج اخوي كم ساعه مايقدرون ايخلونهم بس احس وقاحة تقولي مو جايين عشان خاطرج
حماتي فالبيت شسوي معاها اقولها ترى المواعين انا شاريتهم بفلوسي واقولها وصلني الكلام انج متكلمة فيني للعلم ابي اوقفها عند حدها لاني غلطت غلطه حياتي يوم كنت طيبه معاها وحتى خدامتي كانت اتسوي لهم غداء اذا خدامتها مشغولة والطيب ماينفع معاها خاطري اسنعها المشكله ان اهي عليها اسلبوب اقناع تسحر الواحد بكلامها لدرجة يوم تشكت مني البنت اللي وصلت لي السالفه تقول انتي قلتي لي السالفه وعرفت انها غلطانه بس هي يوم قالت السالفه اقتنعت اني انا غلطانه
صايرة نفسيتي زفت وحتى علاقتي مع زوجي احس بدت اتاثر زوجه اخوك سوت افعلت خواتك تعبت تعبت وحتى انا قلت لها ترى انا من اليوم ورايح تعبت من السوالف فلانه سوات افلانه قالت قلت له ترى ماعلي الا من ربي اسوي اللي يرضي ربي والا اهللك مايعجبهم شي ولاابي منهم شي وترى انا عادي تسمع اني متهاوشه مع حد منهم انا كنت ساكته صح بس استغلوا طيبتي معهم ماينفع معاهم
الورد99 @alord99
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
ربي لاتذرني فردا وانت خير الوارثين