عآشقة.. :

السعودية اغلب اماكنها حلوة لكن كل مكان طابعه يختلف عن الاماكن الثانية يعني لكل مكان اسلوبه و طقوسه الخاصه فيه و غالباً مناطق السعودية حلاوتها ب الشتاء 🌧💘 مثلاً عندك مكة ❣️هنا شعور الراحة و السكينة سبحان الله تحسين هالشعور غصب عنك حتى او انك ما رحتي للحرم المكي "لكن عاد لو رحتي مكة خذي لك عمرة"♥️ عندك الشرقية "الدمام، الخبر" غالباً زيها زي البحرين و الكويت ♥️ عندك جدة "ذي نعتبرها نيويورك السعودية"😂 مافيها شيء معين زيها زي اي مدينة اللهم بحرية♥️ عندك ابها و السودة♥️ ابها ذي حبيبتي ♥️ ذي في مجتمعنا اسمها لندن ❣️ تجمع اك الصيف و الشتاء و مناظر اورووبية و اماكن سياحية رهيبة ♥️ لو تروحين لها با الشتاء راح تحسين انك ب اوروبا مستحيل تصدقين تن هالمدينة بالخليج " احبها🎀 عندك الرياض ، مشهور ب المطاعم و الكوفيهات و المولات اكثر من المناظر و المتنزهات و الاماكن السياحية "الرياض اعتبره صديق الجوع و الملابس فقط" 😹 غالباً الرياض نظامي جداً "يعني الساع ١١ الليل تلاقين الدنيا سااااكنة " (عدا جهتين منه "خريص و التحلية" مستحيل هالجهتين تنام) مشهور برضو ب كثرة الابراج في اغلب اماكنه تحسين انك ب بلد ثاني♥️ عندك تبوك "شمال السعودية" زيه زي اي منطقة سعودية لكن مشهور ب الورد فقط 🌺 و جغرافياً في مجتمعنا يسمونه تبوك الورد❣️ عندك الطايف "حلاته بالشتاء" يجمع ما بين "الطقوس الجمالية" لـ ابها و تبوك >>لكن الشعب هنا يسمونه مدينة القرود😂😂سكان القرود فيها اكثر من السكان البشريين الله وكيلك 😂 لكن جمييييل مشهور ب المناظر الخلابة و المتنزهات♥️ عندك القصيم "ذي تُعتبر صديقة المخيمات في الشتاء"♥️خاصة جهة روضة خريم♥️ عندك المدينة "سبحان الله ما اطيقها " لكن مجرد ما ادخل الحرم النبوي احس اني اعيش عهد الرسول و صحابته عليهم افضل الصلاة و التسليم "روحانية فضييييععععةة"🙏🏻 عموماً اغلب مناطق المملكة حلوة لكن خصّيها ب السناء♥️ في الصيف م تنطلق من حرارتها الله يرحمنا و يجيرنا من نار جهنم 😫💔 لا نهنا طلعة ولا تمشية ولا نشوف الخضرة ولا نعيش اجواء ماطرة 😫💔 مناطق المملكة كثيررررة من فوق ال١٠٠ منطقة لا تعد ولا تحصى لكن ذكرت لك الاماكن اللي قد زرتها "و عجبتني" ، يعني اللي ما عجبتني ما ذكرتها "سياحة موفقة حبي"💘

السعودية اغلب اماكنها حلوة لكن كل مكان طابعه يختلف عن الاماكن الثانية يعني لكل مكان اسلوبه و...