اهل امي.

السلام عليكم وعيدكم مبارك جميعاً
اول شيء انا وحده صرت اتحاشى اسلم على خاليوخالتي وبناتهم بسببهم هم .
احب امي كثير وما اتحمل احد يهينها ابد وخصوصاً اذا كانت شاده حيلها عشان رضاهم .
هم من عايشين بمدينه ثانيه ومن اول ما يجون وامي متحمسه حماس كأنهم اول مره تشوفهم
تجيب لهم كل شيء وتسولف عليهم والحماس باين عليها وباين انها فرحانه فيهم كثير اللي يصير
كل جلسه كل ما نشوفهم يوقفون حماسهم بنص حلقها مابقى شيء ما ينتقدونها فيه خالي يشرب من الشاهي لين انتفخ كرشه ا
خر شيء يقول شاهيك مو زين والضعيفه تروح تسوي ثاني ونفس الحاله تتكرر تحاول رغم اننا كلنا شاربين من نفس الشاهي والله مافيه احلى منه
ومره غيرت اثاث البيت وجالنا خالي يقول لها اثاثكم رخيص ومو زين وامي فرحانه فيه الا انه نشبه بحلقها .وخالتي ساكنه بعيد عننا واحنا الماء ينقطع عننا
ف امي تحط احتياط بالحمامات عشان اذا انقطع يكون فيه مخزون االمهم استلمت امي تقول احد ب 2015 يحط ماء بالحمامات امي حاولت تبرر لها وتقول ان الماء
ينقطع ف احتياط اخليه وجلست تضحك بطريقه تبكي ورحت المطبخ لقيت امي تمسح دمعتها . كل شيء ينتقدونه حتى اللي مالهم دخل فيهصرت اتحاشا اجلس معاهم
لاني ما راح اتحمل وابرر لهم زي امي واعرف لو جلست وفتحوا فمهم ما راح اسكت امي حساسه جداً كم مره اكلمها تقول هم يحبوننا عشان كذا ينتقدون خالي وخالتي مندمجين
مع بعض كثير وهم الوحيدين من خوالي اللي يتكلم كذا لدرجه شكيت انهم متفقين على كذا شلون اتعامل معاهم هالناس .