حبيبتي أنا من أهل جدة
بالنسبة لجدة طبعا اول شئ البحر تقدري تستأجري شاليهات او حتى على الكورنيش في جلسات وملاهي للاطفال حلوة مرة بس طبعا الرطوبة شئ فوق الوصف
وبالنسبة للموالات اشوف ريد سي احلى شئ متعة ولا تفوتيه في النهار في الليل تلاقيه زحمة لكن روحت له في الظهر يجنن وتحسي الجو مختلف وطبعا فيه مطاعم حلوة فيه وجلسات وكمان مجمع العرب رغم اني ما حبيته بس اغلب عائلتي تحبه عشان بيلاقو فيه الي يعجبهم
وبالنسبة لقرية مرسال رحتها من سنين طويلة وعجبتني بس ما اعرف حالها كيف لكن انصحك بالشلال وطبعا الشلال عندهم يوم بس للحريم لا تفوتيه
وكمان عندك وسط البلد الخاسكية وباب مكة مرة حلوة ووناسة واغلب اسواق جدة بيأخذو بضاعتهم من هناك راح تلاقي كل شئ تبغيه وباسعار مرة حلوة
احب اقضي يوم هناك واختمه بشاورما من الجزيرة قبالة مقبرة حواء ترى ما يتفوت شورمتهم شئ جنان
والمطاعم كثيرة وعلى حسب ميزانية يعني في شئ الرخيص وفي الشئ الغالي بس ما اعرف اسعارها زوجي الي يدفع انا مهمتي الاكل بس
لكن عندك مطعم مرحبا في شارع الامير سلطان عندهم تبولة راح تدعي لي لو دقتيها
وكمان استيك هاوس يجنن لا تفوتيه
وكمان بالنسبة للاسواق لا تفوتي سوق البوادي يعتبر معلم في جدة
والهرم في شارع فلسطين كمان شامل كل شئ وعنده جينزات حلوة ومقاسات تناسب كل الاحجام ولا تفوتيه في الشتاء يجيب شتويات ما تلاقيها في جدة لها
ما اعرف حاليا طلع شبرة بيمدحو فيه بس ما عجبني كثير
هذا الي حاضر في بالي

سوق البدو والخاسقية هذا في البلد في جنوب جدة بس ما انصحك فية مافي شي حلو
وبتتعبي وانتي منتي عارفة الاماكن
روحي الهرم في التحلية وشيرا قريب منة في الصفا
البلد فيها اقمشة سهرات رخيصة
الصواريخ يمدحونة بس كبير ومتعب
والكندرة برضو حلو
الترفية بكتب لك الاشياء الي ما كتبوها
حديقة التحلية في التحلية
المطاعم عمو حمزة في الصفا اسماك يجنن
واذا تحبو الهندي عندك رحبا قريب من مستشفى سليمان فقيه في الشارع الثاني خلف شيزان
وملح وفلفل شارع المكرونة
حراء حلو

مشكورين حبايبي وماتقصرون الله يوفقكم جميع

الله يعينكم على قرف البحر وريحته ..

وي وي جده حر هاليـآم>>مابي احطمك خخخخخ

تبين مولات فيه الاندلس مول و عزيز مول وبعد مجمع العرب هذآ مررره كبييره

وعندك ملاهي الشلآل روعه <<بس مسـآخه وقلت ادب ..حتى اللي يبيعون التذآكر حريم ..

وفيه ملآهي عطيه بجده .. والكورنيش مررررره حلووووو .. وفيه فنادق عند البحر بس مررره غاااليه ..

وبرضو سوق ردسي مول ..

اتمنى افدتك ..