اهل زوجك ...فما موقفكي..

شخصيا اتبع هذا المثل:
لا تكثر الدوس على خلانك يملونك

والحمدلله مرتاحة وايد مع خوات ريلي ومع زوجات اخوانه

ومش بالضرورة اختي اتصاحبين خوات ريلج...خليج انتِ القدوة لهن في كل شئ وبالتالي بتفرضين شخصيتج عليهن.

sweeting
شكرا اختي على الرد ...بس لو كنتي عايشه في بيتهم غصبن عنج بتصاحبينهم ...

أعاني من نفس المشكلة
والمصيبة ،، أنه كثير من حقوقي مهضومة
ولكن البعض نصحني بالصبر والدعاء وقيام الليل
وألتجىء الى عالم جواء كل يوم لتواصل مع عضواتها واللاتي بصراحة أحن وأرفق من أهل زوجي ، يمكن ذلك يعود الى عدم معرفتي الشخصية بهن .

أختي طالما انتِ عايشه في بيتهم فتصرفي كضيفة خفيفة الظل الى ان يفرجها الله عليج وتستقلين بمنزل خاص لج...وبالنسبة للمعاملة عامليهن بالمعروف كأنهن خواتج ولو اتجاهلوج مثلا انتِ طنشي عشان ترتاحين ولا تكتمين في نفسج تعالى هنيه وفضفضي باللي في خاطرج وكلنا هنيه خواتج..واتحملي تنقلين ضيقج من المواقف اللي تصير بينج وبين خوات ريلج حق اي حد من العايله وخصوصا ريلج.

الله يساعدش احنا بعدين مو سالمين منهم يوم معاج وعشره مع غيرش معني اعاملهم احسن ما يكون وهم ما يسون شي جدامي لين بيتكلمون وراي يالله الحياة تمشي طنشي وتمشي