اهل زوجي

السلام عليكم اخواتي انا متزوجه اسئل الله ان يرزقني ويرزقككم الذريه الصالحه
انا ساكنه مع اهل زوجي (ام زوجي وابوه) لي غرفتين وحمام فقط

الطبخ والمدخل وكل شي مشترك وتعرفون السكن مع اهل الزوج مافيه اي خصوصيه ابد ..الطلعه والدخله محسوبه علي مجبوره اجامل كل من جاء
خالتي ام زوجي شخصيه قياديه جدا تبغاني دائم اكون تحت واصلا انا دائم تحت تبغناني مثل ماهي تبي وبس
احاول اتعايش معها لو تضايقت اسكت ولا اقول ولا شي
واحاينا الله يهديها ترمي علي كلام بس ماارد عليها مهما كان حرمه كبيره مستحيل ارد .وخاصه عن موضوع تاخر حملي .. بس انجرح واسكت ..
الطلعه والدخله محسوبه علي حتى على زياراتي ل اهلي يحاسبوني تقولي احاينا رحتي ل اهلك كثير
وهي ماشاء الله ام زوجي تطلع اكثر مني احاينا شبه يومي تطلع وغير بيتها داخل وطالع مايفضى ابد
زوجي اخوانه كثار وأقاربهم ساكنين حولهم البيت دائم داخل وطالع ويجون ناس برى منطقتنا وينامون عندنا ..ونهايه الاسبوع كله خميس وجمعه وسبت كله تجمعات ..حتى في الأوقات هذه الممنوع فيها تجمعات يجتمعون ..
المهم مشكلتي الحاليه السفر معهم
زوجي قال لي نبغى نسافر معهم في انا جربت السفر معهم تعبت جدا احاينا ابكي مع اني عائشه معهم نفس البيت وناكل مع بعض ونجلس مع بعض بس صدق السفر غير ..
في السفر معناخالي وخالتي واخت زوجي وزوجها وكان اهم شي خالتي ترضي بنتها وزوجها اما انا و زوجي لا مالنا حق في اي شي حتى زوجي يعصب عليهم وانا الي اهديه
هم يحددون وين نروح وين نجلس وش ناكل ومتى نقوم وكل شي ويقوموني بدري .. مالي حق اختار في اي شي وغير عصيبه ورمي الكلام احاينا .
ومهما سويت مستحيل ارضيهم بس كنت اسكت وابكي لحالي ما يدري عشان زوجي وهو حبيب معي واقول هذه امه وابوه ..مهما صار
المهم
زوجي قال لي هاليومين يبغى نسافر مع اهله ..قلت له اهلك ولهم حق رح معهم بس انا مانيب رايحه معكم وبس حتى ماقلت له عن السبب الحقيقي تعذرت ب اشياء ثانيه قال لي اجل بروح معم واذا جت فرصه ثانيه سافرت معك..
المهم حاول معهم متى تبون حس ماعندهم نيه سفر كل مره يأجلون واجازه زوجي بتخلص ..
قال لي وش رايك نستغل الوقت اجل نروح مع بعض ناخذ عمره ونروح اي مكان نغير جو قلت موافقه
واصلا خالي وخالتي كبار سن مايقدرون ياخذون عمره
المهم يوم علمهم قالوا بنروح معكم ..انا ماقدر اسحب نفسي نفستي صدق تعبانه ودي بعمره الله يكتبها لي ولكم يارب
ودي ابعد اول شي عشان ماافكر في الحمل لكن ابي اخذ راحتي مابي اسافر بضغط اصعب من ضغط البيت.
كل اخوانه ساكنين برى البيت و يسافرون لحالهم مع عيالهم
وانا مو مو ماخذه راحتي لا في البيت ولا اقدر اسافر لحالي ومستحيل ابين لزوجي شي مهمها كان اهله ..
ولا ادري وش اسوي