السلام عليكم ورحمة الله وبركاته
اخواتي الغاليات كتبت لكم هالموضووووع من قبل وتعبت ولما حددته ابي اكبر الخط بح انمسح كل شي تخيلووووووووو القهر
بس يالله لعيونكم رجعت كتبته وعشااان ابي منكم نصيحه
انا عمري 21سنه متزوجه من سنتين ونص وعندي بنوووته وحامل لي سبع شهور
المهم تزوجت واحد من نفس الجماعه بس ماكنا مختلطين معهم كثير المهم اتزوجنا والحمدلله كان كل شي تماااام اول شهر سافرنا لشهر العسل ورجعنا سكني كان بملحق عند اهل زوجي لظرووووفه اللي قدرتها بغرفتين ومطبخ ودورة مياه تكرمون بدون حتى صاله
المهم بدايت مشكلتي هي بشهر الثالث او الرابع من زواجي طلعت انا وزوجي كشته للبر وحنا ندور مكان لانه زحمه خطر فى بال زوجي نكمل للمحافظه قريبه من مدينتنا بمااننا مشينا نص المسافه وهي بالاسااااس تبعد بس ساعه عننا قلت يالييييييت المهم وصلنا وقام زوجي اتصل على اهله يطمن عليهم ردت اخته وقالت وينكم من الصبح مافي احد قاله احنا فى البحر راااااحت تهااااوش وتتكلم ليش مااخذتنا وماتبينا خلاص بعتنا عشان ست الحسن تقصدني ومن هالكلام زوجي طلب امه رفضت وسكرت السماااااااعه وانا بذهووووووول ليش؟؟؟ايش اللي سوينااااه يساااتر كلها طلعه وبنفس اليوم راجعين؟؟
المهم رجعنا وتفاهم معهم وهم زعلانين منه ومني طبعا
المهم عدت هالسالفه وبينا فجوووه
ومره زوجي قالي يبي يطلع اهله للبحر وانا وافقت وقلت فكره تهدي النفوووس راح بلغهم وطلب منهم يتجهزو على الساعه3 نطلع لانه مداوم ثاني يوم وافقو وجهزنا الاغراض ولما جت الساعه3دخلهم قلهم يالله حط اغراضهم بسياره اشوي الاقالو لا اجلها لثاني يوم هو انصدم لييييش قالو بكرا احسن قالهم لامايمديني وخلاص الاغراص بسياره وانا خلاص لبست عباتي قالو خلاص مانبي نروح نزل الاغراض نزلها وجينا نبي نمشي طلبت منه جلاست بنتي بمستودعهم نزل ياخذها قالو تعال رجع الاغراض نبي نروح تركهم واخذ الجلاسه وركب السياره وقلت له وينهم قالو بطلو يرحووون
استغربت بس سكت لما وصلنا وصلت لي رساله منهم كاتبين فيها خافي ربك خليتي الولد يعق امه يقصدون زوجي احمدي ربك اننا خطبناك لولدنا وماتوقعناك تفرقي بينا وكلااام كثير وربي هذا اللي قالوه وانا جلست ابكي ليه انا ايش سوييييت؟؟
قاليزوجي ماعليك منهم يبون ينكدون علينا
ولما رجعنا ثاني يوم ماكلموني ابدا ولا زوجي لمدة شهر تخيلو وربي حتى امه زعلانه وزوجي دخل تفاهم معهم وهم ابدا زعلانين انا قلت والله ماصلحت شي بالعكس هم اللي غلطو علي ماراح اعتذرلهم ولا ادخل ويالله بالله بعد حدود شهر رضو وحتى مايكلموني زين
ومره وانا حامل بحملي الاول وصارلي سبع شهور طلبت من زوجي نسااااافر سوااا ان وياه قبل لانفس عند اهلي قالي اوك
بلغهم اننا مسافرين وحده من اخواته تدرس بالكليه ماتقدر طبعا تتركها طلبت من زوجي تاجيل هالسفره عشان تتطلع معنا قالها مايمدي اجازتي بس اسبوووع زعلت وقامت الثانيه نشبت تبي تروح معنا وطبعا هم بس ثنين باليت وحده عمرها28 والثانيه24 ووحده متزوجه بس قمه بذوووق ياليتهم مثلهاااا
وطبعا خالتي اللي هي امهم واخوهم اللي اصغر من زوجي بسنتين29المهم الظاهر غيرت رايها على اخر لحظه وسافرنا انا وزوجي بس
اربع ايام بس على المدينه ورجعنا الا البوووووووز هذااا كبره زعلنييين منننا ومسوين سالفه طبعا دخلت اسلم على خالتي بس هي اللي سلمت وااحسها بعد زعلانه والبنات مافي احد فيهم سلم الا المتزوجه
وطبعا مرت هالسالفه والفجوه بينا تزيد وانا من طبعي مااسال على اللي زعل من راسه يعني اللي مايبيني مااحسب له حسااااب ومااجي اراضيه ادري عاده مو كويسه بس انا كذااا مااقدر اغير
المهم مرت الايااام وانا شبه مقاااطعتهم مااجيهم غير بالاسبوعين مره عشان المشاكل وهذا مو بس رايي راي زوجي بعد
المهم مره بعد ماجبت طفلتي جتني بالمستشفى انه واخته المتزوجه وحده ثانيه ولما رحت لاهلي بنفس المدينه مااحد جاني منهم ابدا غير المتزوجه مره وامه مره بس تخيلووو؟؟؟؟؟
جلست نافس شهر وامه ماجتني غير مره والمره الثانيه يوم امي دقت وقالن اني زعلانه ليش مايجوني جتني وهي تلمح لي اني طولت وزودنها وانا ماصار لي نافس غير 3اسابيع؟؟
قلت لها لماااكمل شهر اروح مع ان اخواتي ياخذو اربعين يوم وزيااااااده بس قلت يالله عشان زوجي
المهم يوم رجعت صار لي كذا موقف معاهم يعني مره برمضااان دقت علي اخته اللي عمرها28بقووه بغت تكسر الباب فتحته قالت ليش زبالتك مارميتيها انا انجنيت اي زباله؟ قالت اللي حاطتها برى قلت يؤؤه زوجي مارماها؟؟لاني اعطيته زوجي يرميها قالت لا حاطها عند الباب الخارجي وامي راحت ترميها قلت طيب انا مالي شغل قالت بالله وليش انتي مارميتيها انا استغربت كلامها اشلوووون ارمي الزباله قلت لها انا؟؟قالت ايه ليه انتم ماترمون الزباله عند اهلك قلت طبعا لا اخواني او الشغاله قااالت يؤؤؤه انتي واهلك؟؟وطلعت
تخيلووو انا عصبت ولما جاء زوجي قلت له الللي صار راح كلمها قلبت السالفه علي تخيلووو قالت له انها قالت لي شوفي امي تبي ترمي الزباله قلت لها عاااادي خليها ترميها وربي جاني زوجي معصب يقووول تبي امي ترمي زبالتك وانتي واقفه وربي جلست ابكي وادعي عليها لانها ظلمني قلت له مو كذا السالفه قالي الله يجازي الكذاب فيكم قلت اااااااامين
وموقف ثاني نفسها مره دق زوجي الباب برا والعاده هم يفتحو الباب الخارجي لانه بيتهم انا لي باب مستقل يطلع على حوشهم المهم مادريت انه زوجي الالما سمعته يكلمهم برى ويقولهم افتحو فتحت بابي اتاكد من صوت زوجي الا هذي اخته تمشي زعلانه رايحه للبااااب وطالع بحتقااار قلت لها هذا فلان(زوجي)قااالت ايييييييه ياختي هذا فلان بعصبيه
انا قلت لها بسم الله عشانها اشوي تكفخني وسكرت بابي وهي جلست تصارخ فتحت لزوجي وهي تقوله شوف زوجتك كنها شايفه جنيه تسمي وكلاااااااام
دخل زوجي وفهمته ايش صار راح لها وقالها انتي اللي غلطانه وربي يابنات بغت تذبحه صوتها وصل عندي وهي تقووول الله ياخذها مانبيها ولا نبي بنتها اللي هي بنت اخوها وطبعا كلاااام كثير وحتى عن اهلي تكلمت وغلطت
بالله ايش رايكم؟؟
وانا ابي امووووت زوجي لامعاهم ولا معي يقولي تصطفلووو مع بعض الحريم مايجي من وراهم الا المشاكل
وانا خلاااااص طلبت بيت مستقل وتهاوشت معه وتوترت علاقتي انا وياه بسبتهم
تخيلووو هالمواااقف ولا شي عند الي حصل قبل اسبوعين او ثلاث سافرنا انا وزوجي بطلوع الروح لحالنا لانهم كانو يبو يروو معنا قالهم اننا ماسافرنا انا وياه سفره بعيده الا وهم معنا من بعد زواجنا لهالحين لاننا اخذناهم مرتين عمره معنا وانا وياه مو مسموح لنا انسافر
طبعا زعلوو وقالو له انت ماتبي غير زوجتك ومن هالكلام لحد مااقنعهم وسافرنا وهناك زوجي اتصل عليهم مرتين ماردو جلس اول اربه ايام ماكلمهم الا بعدين دق عليه اخوه الكبير يقول انهم زعلانين عليه ليس مايتصل وخلاص زوجته اغنته عنهم دق عليهم وكلمته امه وجلست ساعه تعاتبه وطبعا اللي يحرضها اخواته من حسن الحظ انه حاط اسبكر وسمعتهم يقولون لها قوليله نسيتنا وماادري ايش طبعا زوجي قفل الاسبكر وكلمهم وتعذر بالانشغال وبانه دق عليهم وماردو
المهم لما جيت دخلت اسلم مااحد طلع لي غير امه اخواته زعلانين مني
اااااااااف وربي طفشت طيب ليش ؟
تركتهم ولاني حامل وطلعت المشيمه نازله واكتشفت ان عندي جرثومة القطط اعتزلت الكل وربي حتى اهلي ماروح لهم الا بالاسبوع والاسبوعين
بعدها صار عندهم عشاء هالكلام امس وماقالو لي قالي زوجي البسي وادخليلهم قلت مااحد عزمني قالي ماانتي غريبه قلت طيب عشانك وعشان خالني بس ياليت مارحت اول مادخلت دقيت الباب الاقبالب المطبخ تسكر بااقوى شي طبعا اخته وهي تناظرلي بااحتقاااااار
دخلت وتعوذت من ابليس وقلت ماراح اساعدهم دايم يدي بيدهم وماشفت شي هالمره مدامها قفلت باب المطبخ ماتبيني اساعدها بكيفها
تقهويت وتعشيت وطلبني زوجي شلت معهم الصحووون حقت العشاء بس وطلعت
ولما دخلهم زوجي بعد العشااء تعالو اسمعو صوت اخته وهي تهاوش مااحد عزمها جايه وليش تاركه خالتها تكرف وهي جالسه وربي يابنات خالتي ماتحركت من مكانها ومو هي اللي قهوتني سلفتي بس الصحون اللي بعد العشاء بغت تشيلهم وشلتها عنها بس عشاااانها
واااااخر شي اسمعهم يتكلمون فيني عند زوجي ويسبوني ويقولو مااهي بنت اصووول ولا حتى متربيه وربي كلااااااااااام كثير بغيت البس عباتي وادخلهم اتفاهم معهم بس تعوذت من ابليس لاني عارفه راح تخرب بيني وبينهم وحتى بين زوجي
ايش راييييييكم وربي وسوسو فينا انا وزوجي كل ماجينا نبي نطلع نحسب حسابهم
على فكره مااحد متكلف فيهم الا زوجي اخوهم الكبير ساكن لحاله هو صدق مو مفتك منهم بس اهم شي انه مفتك من طلباتهم اما اخوه الللي اصغر من زوجي ولا يبلش فيهم اللي يوصلهم ويجيبهم ويوصل حتى جيرانهم هو زوجي لانها بغت توصل بيني وبين زوجي لطلاق بسبة صديقااات خالتي زوجي هو اللي يوديها ويجيبها لحالهم وطبعا هي اصغر من امي وخالتي يعني بالاربعين وسوريه بس وش اصلح امه تتطلبه يوصلها وهو مايرفض لامه طلب
وربي فى مواااااقف كثييييييره مثل اخته لما كانت زعلانه قابلتها بعشاء بااستراحه قمت اسلم لانها جايه لاخواتي تسلم علهم كسحتني وربي يابناااااات قداااااام الكل وانا ماده يدي وواقفه لها
بالله ايش رايكم وش تنصحووووووني اصلح معهم؟؟
ادري طولتها وصارت قصة حياتي بس لازم تعذروني من الهم اللي فيني
حنان ورقه @hnan_orkh
عضوة فعالة
يلزم عليك تسجيل الدخول أولًا لكتابة تعليق.
اول شي من حقك انتي وزوجك تطلعوا لحالكو.... بس خليه مره ياخدهم مشوار برضو هم خواتو ....بكره بيتجوزو وبترتاحي..... حاولي تصيري احسن منهم ......اجلسي معهم جلسه صريحه ..... احكيلهم بهدوء عن مشاعرك....لا تكوني عصبيه.. عامليهم بالحسنى يمكن يتحسنو....الله يهديهم ويصلحهم يا رب احسن شي السكن المستقل عن اهل الزوج
ادعي ربنا يبعت الهم اولاد الحلال ويتزوجو وعلى قد ما تقدري طنشيهم وطلك استغفري ربنا وادعي ربنا وحافظي على بيتك هذا بيتك وزوجك وبنتك ولا تمشي وراهم همه اذا صار في بيتك حاجه لا سمح الله مش خسرانين حاجه ردي بالك على بيتك وزوجك وطنشيهم
وسعي صدرك يااختي اغلب اهل الزوج كذا
ومصير البنات يتزوجون وتفتكين الزم ماعليك خالتك ورضاها
والباقين احقريهم
ومصير البنات يتزوجون وتفتكين الزم ماعليك خالتك ورضاها
والباقين احقريهم
الصفحة الأخيرة
ترا المشاكل بكل مكان وبما انك معهم بنفس البيت اكيد بتصير مشاكل بس انتي لاتهتمين بكل كلمه تنقال لانك بتتعبين كذا سوي اللي يرضي زوجك وضمميرك وبس