وبعدين تقولين مااقدر ازورهم باايش مشغولة هذا وانتي بدون وظيفه الله يستر لاتوظفتي بتدعسين الخلق

وش فييكم اكلتوو البنت ..هي صادقه من حقها يكوون لها خصوصيه بحياتها يعني كل مامشت مكان مشو معاها ويا اما يجونها اوتجيهم ماختلفنا حلوو انهم يتبادلون الزيارات بس من وقت لوقت ماهو دايم والميانه الزايده تولد الكرهه لان كل شي يزيد عن حده ينقلب ضده ..الله يعينك ياصاحبة الموضوع بس حاولي تفهمينهم ب اسلوب حلو انك بيتوتيه وهذا طبعك وماجاك منهم الا كل خير

الله يعينكم على بعض 😂😂

اول شي شكرا على الردود سوا زينه او شينه لان اصلا ماهمني الشين والزين اللي براسي بسويه
بس انتم يابنات حوا نوعين
ياما انكم مذلولات لاهل رجالكم وضعاف شخصياتكم قدامهم ويمشونكم ع مزاجكم وتبون الكل نفس وضعكم وهذا طبعا بالحلم اسويه
ياما النوع الثاني ماتعرف اهل زوجها الا من عيد لعيد وتجلس تحط رجل ع رجل تكتب ياويلك من الله هذا وهم يحبونك وهي ماتعرف اسماء خوات زوجها
انا انسانه لي شخصيه غير عن شخصياتهم
هم ناس يحبون الدوجه ووجيههم وسيعه يرمون انفسهم بين حرمه ورجل بالسفر ليه وش قلت الحياء هاذي
اخوي متزوج له 10 سنوات عمرنا ماتجرانا قلنا له بنروح معك انت وزوجتك حتى لو مطعم
خوات زوجي من الناس اللي لو يطلعو 10 مشاوير بيوم واحد عادي جدا جدا يجون كم مره صرفتهم اقولهم ماقدر عندي شغل يقولون نجي نساعدك
بس عشان يطلعون عن بيتهم المشكله ان وحده فوق 30 والباقيات من 25 وتحت
انتم تقولون عادي جاملي جاملت مرتين واخذتهم اول زواجي لاكن استحلوها ويبون كل ماشافوني انا وزوجي بنسافر او نطلع
لبسو عبايتهم وقالو مرونا طفشانين ولا العجوز تدق وتقوله خذ خواتك بيسافرون معكم سلامات رايحين طلعه عائليه على غفله
وليتها وحده ولا ثنتين فريق كوره جايبه 7 بنات تحت بعض وجع وكل وحده نشبه اقوى من الثانيه
انا من لما تزوجت وانا حاطه براسي ابي خصوصيه ابي حياة خاصه فيني وبزوجي بعيد عن اهله واهلي
اهل زوجي من الاساس ماكان ودي اعطيهم وجهه لان عارفه اللي يفتح لهم الباب مره بياخذونها عاده
واللي تقول انتي بنعمه بفهم وين النعمه بناس ناشبين لك اربع وعشرين تبن بوجهك
سوا كنتبي بالبيت بالسوق بالمطعم بالسفر ماكاني متزوجه اذا صارو معاي كاني طالعه مع اخوي اجل ليه اتزوج من البدايه

الوحده تبي تاخذ راحتها مع زوجها هم للاسف ناس قرويين بقوه ومثل البدو امه وخواته مايعترفو برومانسيه بين الزوج وزوجته مايعترفو بحب

مفهوم الزواج عندهم نوم اخر الليل وحمل وولاده بس اما انتي طول النهار وبالاسواق والمطاعم والاسواق والسفرات كانه اخوك مو زوجك

واللي تقول ليه ترمين عيالك ياماما انا لو بكيفي ماشافوهم بس من اول مانولدو وامه تغث زوجي تبي تشوفهم وياخذهم زوجي
وصارت تقول كلام بوجهي وهو ان عيال الولد لاهل ابوه موب لاهل امه
<خخ لما شفتها قالت كذا قلت الحمدلله طلعت منها صرت والله اروح لاهلي وصديقاتي وخوالي وارميها عليها مو تقول الولد لاهل ابوه خليها تبحل فيهم وتتوهق بالمبزره عشان تعرف حركاتها واستعراضها قدام زوجي اني احب عيالك>

لو ماهمتك الردود مانزلتي الموضوع اللي خالي تماما من اصول الادب والاخلاق والاحترام والذوق
الفاظك تعكس تربيتك واضح التربيه ببيت اهلك ماش ولا ماقلتي تزوجت عشان ابعد عن اهلي في بنت بالدنيا تتزوج عشان تخلص من اهلها ؟ ومن امها وابوها ؟
تاكدي زوجك هذا لو شم ريحة كرهك لاهلك بيتوطاك وبيخليك مذلوله لاهله زيما تعايرين الحوائيات لان لاتتوقعين اللي تبيع اهلها زوجها بيحضنها وبيقولها انا اعوضك عن اهلك الا بيدوسك وواضح ان هذه نهايتك
الشي الثاني ياليت تستحين على وجهك وتثمني كلامك البدو والقرووين تاج راسك اقل شي يد وحده مع اهاليهم مو الوحده منهم تشم ريحة رجال باعت هلها
اخصصص على التربيه