إذا أم زوجج وأبوه مب من أرحامج الواجبه صلتهم، أنا أنصحج تقطعينهم نهائيا نهائيا، لاتوجبين ولاهم يحزنون، لا فأفراحهم ولا أحزانهم،
خلج بحالج انتي و بنتج وزوجج، واتفقي معاه ما إييب سيرتهم لج ولا سيرتج لهم، وانتي لاتسألين شو قالوا شو ماقالوا
عيشي حياتج كنهم انمحوا من الوجود
هذا رايي، وسلامتج
إذا أم زوجج وأبوه مب من أرحامج الواجبه صلتهم، أنا أنصحج تقطعينهم نهائيا نهائيا، لاتوجبين ولاهم...
إقري ردي هذا بموضوع ثاني
كوني حكيمه وخلي عندك ذكاء إجتماعي وحكاية ما لك إلا زوجك وأهله إقطعيهم إنسيها إلي تبغى زوج من غير أهله تتزوج لقيط وحت هذا المسكين يحن للي ربوه وما يستغنى عنهم
حبيتي أو كرهتي إيظلوا أهله وقطعه منه ومثل ما إنت تدوري رضى أهلك هو كمان إيدور رضاهم ويخاف عليهم من نسمة الهواء
فالحل خلي شعرة معاويه بينكم
بالمناسبات و للضروره روحي تعالي على نفسك إعتبريه دواء مر و أشربيه عشان ترتاحي و مركبك إنت و زوجك تمشي إشتري إستقرار بيتك بساعه زمن ولما تطلعي من عندهم إنسيهم وإقنعي نفسك و عوديها حبه حبه ومع الوقت صدقيني راح توصلي لهذه المرحله
أنك مهما يصدر منهم ما يأثر فيك وتصير ردة فعلك بارده وعقلانيه و محسوبه مو إندفاعيه مثل ردة فعلنا على المجنون إلي ماعليه لوم و صدقيني تطلعي إنت الكسبانه وتعيشي من غير حرق أعصاب
ولما تشتكي لزوجك مو تحمليه ذنبهم وتتأري فيه لا علميه عشان يكون بالصوره سرد أخبار وأنك صابره عليهم إكراما له وخلاص راح إيشيلك الجميله طول عمره
وإنت كمان خافي الله فيهم عشان ينصرك و يكون بصفك
طولت بس لتعم الفائده