مثل ماقالوا لك طنششششششي واعملي بأصلك ولاتستنين المدح من احد

ياعمري عليك أصيله وبنت أصول
والهدية بمعناه ومو قيمته وأهم شئ إن الإنسان مانساك وقدرك بس وش نقول الناس غيروا المعنى وصار تفاخر وفشخره الهدية ....
وأنت لايهمونك قمتي بالواجب ولا قصرتي وهم بعد سلفتك قامت بالواجب ولا قصرت كثر الله خيركن ...
بس المشكلة بهم طماعين ناظروا للقيمة ونسوا المعنى من الهدية .... وراحو يقارون حالتك المادية بحالته..!!!
استهدي بالله وتصرفك سليم إنك قلت لا تقول لي شئ لأن الكلام بتعبك أكثر وبيفسد نيتك ويولد الكره ..
الله يسخر لك زوجك ويفتح عليكم ...

الله يعين .. قلت لزوجي

من حبك على لقمه ابغضك على فقدانهاا

بكره تولد وخاصة انها حملت من شهرهاا ولاتفضى لهم

قال والله انك على نيااتك ..من الحين يقارنون كيف بالعيال

وحتى اخووي تغير .. يقولي انتي وش تحكمين عليهاا قلت ماتهمني ولا انتبهت لهاا

احس زوجي اخذ موقف وكرهها .

والله كنت بقول الخطأ من اهلك طمعووا .. بس قلت السكوت ارحم

حبيبتي صدقيني مريت بالشيئ ذا الى درجة انهم يوم يدفعون لولدهم يقضون القدور حقت الطبخ الكبيرة ويقلون لزوجي حقت طبخ وابوها حق ذبايح ومتعلمة وابوها مشغله معه في الاسهم وما يقدر يستغني عنها اه اه اه وش احكي بس ويم تزوج اخو زوجي وسكن فوق بالشقة ما تعزمهم الا في السنه حسنة وخواته كل اربعاء متواجدات قسم تنزل مثل الضيفة وكلهم عرفو قدري بس انا ما سويت مثلك ابد صرت اخذ امي زوجي في كل مكان المدينة مكة ودايم اوصي زوجي على امه ويعلم الله ما في قلبي مستحيل ازعل من احد انا بالعكس دايم اصبر والقاء خير ومستحيل اعلق عللى اخوات زوجي لو شارينه بريالين دايم اساعد واقدم الخير وما ابي راضى الناس لا والله ابي رضى الله سبحانه خذي الكلام ياحبيبتي لا تقولين ما ابي سيرت اهلك المال مو كل شيئ كانت تجيب لأم زوجي جلابية ب500 ريال لكن وش الفايدة ملقوفة كل سيرت لبس الماركات بالسانها ما تقول ذايق نعمه حقين الماركات واضحين والله اني اشتري بعض الاحيان مركات لو تعرف سعرها غير يغماء عليها واذا جابو خوات زوجي اسم المحلات الرخيصة تجلس تتفلسف عليهم والله انها نقاصة وكلهم ساكتين احترام لاخوهم وش الفايدة اذا يحتراموها على شان اخوهم وما يحبونها اسمعي كلامي خليك جنبهم وجيبي قهوتك و حلى واجلسي قهوي ام زوجك وابو زوجك كل عصر وخلي الضحكة تشق الفم ايه مو على شان اعطتهم 500 غرتي منها انتبهي تنهارين حبيبتي؟؟؟؟ اسفة احب العامية اكثر مدري ليه هههههههههههه ونتظر جديدك ان شاء الله

غرتي منها

ههههههههههههه وش تقولين انتي من جاب طاري الغيره

انا اصلا هالحرمة ماجبتهاا بشر قلت حل لهل زوجي

وهي فلوسها لها ان شاء الله تحرقهم مالي دخل

مو انا اللي اقارن نفسي بالغير لاني عاارفه من اكون

قلت ابي حل لهل زوجي يقارنون ماانتي فاهمه السالفه او انك فهمتيها خطاا