السيده القطرية :

عزيزتي مثل ماقالو لج البنات بحطها لج في نقاط وطبقيها وصدقيني النتيجه بتلاحظينها على طول وهي ؛؛؛؛؛ 1- ادعي بهذا الدعاء لزوجج على طول (( اللهم سخر لي زوجي واجعلني احب الناس له )) وخاصه فصلاه الفجر وبتشوفين النتيجه مثل عين الشمس 2- وعشان اهل زوجج ادعي بهذا (( اللهم اكفنيهم بما شئت )) والله يكفيج شرهم . 3-عشان زوجج ما تتعب نفسيته ويكون مشتت بينج وبين هله لازم تطيعينه بس بذكاااااااااااااء يعني قالج نزورهم قولي له من عنوني بس عندي شرط صغيرون نروح مع بعض ونرجع مع بعض عشان ماتطولين عندهم وتزهقين. 4- خل سوالفج رسميه بس واذا مايسولفون لا تسولفين مو لازم الزمي الاستغفار في سرج . 5-اكشخي واستانسي وماعليج منهم في ناس عندهم خير ولبس لكن ماااايبين عليهم هذي مشكلتهم مو مشكلتج بس لاتتكلمين عن اللبس ولا السوق ولا انا رحت وشريت ولا شي ولا تنسين انهم بنات يعني ودهم يلبسون ويكشخون بس مو حاصل لهم لظروفهم اللي انتي ادرى بها . 6-مايحتاج كل مارحتي تاخذين معاج صحون وقدور مايحتاج لانه في ناس تفكر وتقول اش دعوه جايبه لنا اكل شايفتنا جوعانين فهمتي لا تودين معاج الا اذا طلبوا وحتى اذا طلبوا مره سوي ومره لا الثقل ززززززين 7-اذا صار ورحتي وطولتي اشغلي نفسج مثل ماقالو البنات كلمي امج او اتفقي مع احد خواتج تتصل لج وسولفي معاها او انشغلي بالمسجات او اخذي معاج مجله وتسلي فيها او اخذي كتاب ودرسي عيالج او اخذي معاج الوان وكراسه تلوين لعيالج خلهم يبتدون فيها وكملي انتي فهمتي شغل نصب واحتيال. 8- ابدا لاااااااااااااااااااااا تتكلمين عنهم ابدااااااااااااااااااا وخاصة عند زوجج مفهوم عشان يقول هاااااا المره هذي ماتشتكي منهم ولا تقول شي بيدخل في عقله انهم غلطانين بس لاااااااااا تحلمين انه يعترف لج . 9-كل بيت فيه مفتاح يعني شخصيه مؤثره فى البيت ممكن الام او وحده من البنات شوفي انتي منهي وغازليها بالاهتمام بها زياده شوي وهدايا منا ومناك بس هااااااااااااا لايكثر . 10-ام زوجج لاااااااتنتظرين منها تحبج اكثر من بناتها لو كنتي القمر بذاته انتي عامليها زين لله وعشان زوجج وعيالج لانها جدتهم فاهمتني. 11- نصيحه لج لااااااااتتكلمين اني وين رحتي وش شريتي واش سويتي لزوجج وانه يحبج وانه يصرف وان وان وان مع الناس خاصه اللي يعرفونهم ............ بينقلون الكلام طال الزمان ولا قصر انتبهي . 12- سولفي عند امج وخواتج بس وطلعي كل اللي عندج هم يحبونج ويخافون عليج . 13- بحركة ذكاء قولي لزوجج وانصحيه ياحبيبي هذي امك جنتك ونار روح لها وعطها المقسوم انت ماتعرف وش ظروفهم .......... ها عساك مريت على العجوز وش اخبارها طيبه .......... حبيبي كانك طولت ماشفت العجوز روح لها وسلم عليها ......... ومن هالسوالف اقطعي على زوجج حتى مجرد التفكير انج مااتتقبلين هله ......... شغل اتغدا فيهم قبل يتعشون فيني ....... وصدقيني ومع الوقت هو بنفسه بيمل فهمتي . 14- لااااااااااااااااااتنسين انج حلوووووه وكشخه وهذا مدخل لكل الناس يغارون ويحسدون فما بالج باهل زوجج ( الغيره تحمل النسوان ) 15- حصني نفسج وعيالج دايم الدوم واشربي غسالهم اذا قدرتي عقب كل زياره من باب الوقايه خير من العلاج. 16- اهتمي بزوجج من كلام حلو وهدايا وحركات وخلي البيت هادي عشان يرتاح ولا تكلفينه فوق طاقته وخليه على راحته وعلى طول ابتسمي واضحكي له وارقصي بعد دلللللللللللللللللللليه نفس البزر الصغير . اسفه طولت عليج بس والله ودي لج بالخير والله يوفقج

عزيزتي مثل ماقالو لج البنات بحطها لج في نقاط وطبقيها وصدقيني النتيجه بتلاحظينها على طول وهي...