اهل زوجي كيف اؤثر فيهم ..

اختي الي اشوفة عادي احمدي ربك على النعمة
اهم شي زوجك خلية يحطلك يوم بالاسبوع او بالاسبوعين تكونون سواء
اهل زوجك خليك معهم رسمية لانة هذا الي ينفع مع الحمولة وبالنسبة للصدودهم عن ربهم حاولي تجيبلهم كتيبات ومطويات واشرطة لعلى وعسى يتاثرون
وانت اخيتي نصيحة من تقربي ربك ولاتخلين اي شي اياثر فيك خلي ايمانك بربك قوي واحمدي ربك انك تروحين كل يوم الجمعية تغيرين جو وتعرفين على زميلات
حاولي تسجلين بدار لتحفيظ القران والله متعة ياختي
اتمنى لك التوفيق

عزيزتى واختى ريمية ....
اذا تبين نصيحتى اسمعينى يا حبيبتى ........ الناس وخصوصا اهل زوجك تكسبينهم بالكلام الطيب ... وبنفس الوقت تخلين بينك وبينهم حدود .. اقصد حدود غير مباشره .. بمعنى انك تكلمينهم وتفاجأينهم بطبق حلو او تعزمينهم على يوم بأطباق حلو انتى مسويتها طبعا مو كل مره .. يعنى كل اسبوع اسبوعين هذى وحده .. شى ثانى اعتبريهم اهلك اسألى عنهم واتصلى اذا فيهم حد تعبان وامدحيهم اذا شفتى شى حلو عندهم طبعا بطريقه محببه مو اقصد بشكل مبالغ لكن ممكن تمدحين تسريحة وحده بمجرد انك تقولين ماشالله اليوم انتى محلوه .. او ماشالله حلوه دراعتك .. او تعرفين تختارين الالوان يافلانه ... هالشى اللى تشوفينه بسيط لكن أثره جدا كبير ويرجع لك بالفايده وخصوصا خالتك .. دايما دارى خاطرها انا اعرف انك مو مقصره لكن العجايز يحبون المدح وعلى يوم اشترى لخالتك ( ام زوجك ) دراعه او شيله او شى بسيط لكن انك تذكرينها .. هذى وحده .. وشى ثانى حاولى تتصلين بأهلك بالتلفون مو شرط يكونون عندك دايما .. لأن مو كل البنات ساكنين بجنب اهاليهم فى بنات بدوله واهلهم بدوله ثانيه .. انتى خليك متواصله مع اهلك بالتلفون .. وشى ثانى انتبهت له بالاول وكنت بسألك لكنك ذكرتيه .. ان انتى اتوقع مستواك اعلى من اهل زوجك .. ويمكن اهل زوجك حاسيين انك ارقى منهم او اعلى منهم .. علشان جذى يحاولون يخلونك نفسهم او يتعمدون يسألون ليه انتى تعالجين بمستشفى بخاص وليه وليه ..؟ وأسأله كثيره نتيجة الغيره وهذا شى طبيعى ومعروف عن الحموات وعن اهل الزوج .. ما اقول ارفعى نفسك عنهم لانهم اهلك واهل زوجك لكن حاولى ما تتفاخرين جدامهم لو كان هالشىء عامليهم ببساطه .. واذا سألوك قولى والله ارتاح لهذا الشىء او هالشىء يريحنى وانا مقتنعه فيه بكل بساطه ... ولا تتدققين على امور بسيطه حاولى تطنشين وخلى الحياه تمشى .. واذا يضايقك موضوع انهم يحشون بفلانه وفلانه اسكتى مو شرط تشاركينهم الحديث لكن خليك معهم حتى تبينين انك اجتماعيه وحتى تبعدين الملل عنك لانك عايشه بوحده على قولتك .. خصوصا ان زوجك مايقعد الا وقت قليل بالبيت ... المهم اقترحى عليهم يقولون كفارة المجلس بدل ان يحفظوا سوره ... يعنى ابدأى بالشى البسيط .. وبعدها اذا حسيتى انهم تقبلوا فكرة الادعية ممكن تقترحين عليهم حفظ الايات .. شى ثانى
انتى شاغله نفسك بأمور تغثك وناسيه نفسك .. شاغله نفسك بأمور ماتقدم ولا تأخر وتاركه هالشىء يأثر على صحتك
ترا كثر التفكير يطفش الرجال اولا .. وثانيا يتعب نفسيتك .. ويمرضك ... وانتى الخسرانه بالأخير ... ممكن بدل ماتقعدين معهم يعنى مره معهم ومره استغلى الوقت بالاهتمام بشعرك وزيتيه واهتمى ببشرتك .. واسترخى خذى لك وقت ترتاحين فيه .. لاتهملين صحتك ..
شىء أخير اتمنى انى افدتك ياعزيزتى .. واذا محتاجه اى نصايح ترا خواتك معك موجودين
وحاولى تجذبين زوجك وتشركين اولادك انهم يطلبون ابوهم يوديهم ويفسحهم ..
او اقترحى انك تطلعين معه وتتعشون بمطعم برا البيت وبعد مايرجع تكونين مجهزة له اجواء رومانسيه ... وخذى من افكار البنات الرومانسيه تراها تفيدك جدا ..
امدحيه دايما وخلى الكلمه والابتسامه الحلوه على وجهك ..
اتمنى اكون افدتك يا اختى واتمنى لك التوفيق ولا تسمعين كلام اى وحده تقول لك اتركيه او طنشيه او اى وحده تقسى قلبك على زوجك واهله .. الرجال يحب اهله ويحب زوجته تمدحهم دايما .. وحطى بالك من زميلاتك حتى صديقاتك لا تفتحين قلبك لأحد غير خواتك واهلك .. لان الناس الحين مايعطون خير والله وحاذى من عيونهم الحاره .. لاتدحين زوجك قدام صديقاتك او تقولين انك مرتاحه قولى عادى كل شى عادى .. والله هذى اغلى نصيحه اعطيها لك
اتمنى لك كل التوفيق ..

ماشاء الله تبارك الله، عين العقل اختي (محتاجه قلب) الله يزيدك من فضله.
اختي (ريمية) فعلا حاولي تطبقين كلامها، منطق سليم ونصائح صادقة.
الله يفرج لك وييسر املاك.

أكثري من الدعاء لزوجك واهل زوجك

وادعي بصلاة الليل أن الله يسخر لك زوجك

فيه دعاء حلوه قريته في موضوع احد الاخوات بس والله نسيته
تدعين فيه ان الله يسخر لك زوجك
كمان ادعي ان الله يسخر لك أهل زوجك

انا ان شالله ببحث عنه واذا حصلته برسله لك

لاتنسيني من دعواتك

جزاكم الله الف خير اخواتي..

ماني عارفه كيف اشكركم


نور الليل تسلمين ياعمري..

محتاجه قلب كلامك غايه في الروعه ...الله يوفقك يارب

ذ بيوتي يسلملي حضورك

طيف ولحظات الأشراق الله يوفقك يارب ويفرجلك كل هم