اهل زوجي ما راح اتاقلم وﻻ اعتقد اني راح اتاقلم معاهم أبدا

السﻻم عليكم 

انا اليوم حابة افضفض عن اللي بقلبي واكتب لكم كل شي بخاطري انا طفشت من اهل زوجي وربي مو قادرة اتاقلم معاهم أبداً وضعهم وطبعم غير عنا وما يعجبني أبداً واحنا وضعنا غير يا بنات انا ابغى احاول اغيرهم للافضل وربي يشهد علي لكن ما اعرف كيف تعبت من التفكير مرررت سنة من حياتي معاهم ومع زوجي وتعتبر اسوء سنة مع العلم لي سنة متزوجة بس وربي طبعهم غريب غير البشر تخيلوا انا طبعاً من مدينة وزوجي من مدينة ثانية انا احب الفلة والتماشي والطلعات والسفر لكن هوا واهله ﻻ ما عمرهم زاروا اﻻماكن المقدسة وﻻعمرهم جو المدينة اللي انا عشت فيها وشافوا الناس وتعلموا رغم ان النت مابقى شي وكل شي يحبوا ينتقدوه زي مرة مثﻻ روحنا سابع وكانت الحفلة تجنن والناس اللي روحنا لهم ذوق واتكيت رجعوا ينتقدون وجلست انا أدافع رغم اني ما اعرف الناس ﻻ من قريب وﻻ بعيد بس استفزوني ليش ﻻنهم عندهم عقدة نقص فيحسبون كل الناس زيهم انا نفسي يتعلمون زي باقي البشر مرررة محكورين على نفسهم تخيلوا اخواته كلهم في اﻻجازة يتجمعون عند اخوهم الكبير اللي هوا زوجي يرموهم أزواجهم وعادي مع المفروض في اﻻجازة يسافرون ويغيرون جو زي باقي البشر هما ما يخرجون من البيت عندهم استعداد يجلسوا شهر في البيت بدون مايطلعون حفﻻت تخرج نجاح الخ مايعرفون يسوون نفسي يوم افتح الواتس اﻻقيهم حاطين صورة احتفال شي موﻻت اسواق مﻻهي أماكن ترفيه مايعرفون جننوني طفشوني سواء هما او اخوهم ابوهم انطوائي جدآ لي سنة معاهم وﻻ عمري شفته خرج من البيت او قابل احد من اصحابة هذا اذا كان عنده أصحاب من اﻻساس حتى اخواته يولدون عادي مايحتفلون بالمولود او يعملوا سابع او حفلة بسيطة وربي غريبين تعرفون الناس اللي عايشة بكهف هما زيهم ويمكن اللي عايشين بكهف شوي ارحم انا ابغى اغيرهم ابغاهم يصيروا زي اﻻوادم والبشر يعيشوا حياتهم صراحة لي سنة معاهم جابوا لي المرض وانواع اﻻكتئاب وخﻻص مرررة ما قدرت اتاقلم معاهم وﻻ اظني راح اتاقلم معاهم ابددددا بالله في ناس مروووا عليكم زي كذا وفي نقطة مهمة مررررة مرررة مررررة وﻻ عمري قلتها ﻻ احد أبداً أبداً العائلة كلها ماتصلي من كبيرهم لصغيرهم سواء زوجي او اخواته تخيلوا حريم كبار ومخلفين وربي يابنات اني ما اظلمهم الله يظلمني ان كنت ظلمتهم وربي مايصلون الوحدة ايش كبرها حتى زوجي ما يصلي حاولت فيه يصلي كم يوم ويبطل اﻻ ابوهم ما ابغى اضلمه وربي يصلي حتى المصحف دايماً جنبه المهم انا ابغى اغيرهم للافضل ابغاهم يعيشوا زيهم زي باقي البشر ايش تنصحوني أعمل تكفووون ﻻني خﻻص تعبت 
سألتكم بالله في ناس مروا عليكم زي كذا؟؟؟؟؟