اهل زوجي مصلحجيين مره

السلام عليكم ورحمه الله وبركاته
كيفكم بنات اجمل عالم بالدنيا اليوم في مشكله اخت معانا هنا وقالت لي انزلها وحبيت تساعدونها بارائكم السديده واكيد مابتقصروون معاها ولكم الاجر والثواب


يابنات ابي منكم المشورة وماخاب من استشار وش نسوي انا متزوجه صار لي 9 شهور وحامل بالسادس ربي يقومني بالسلامه انا وزوجي عايشين بجحيم مستمر بسبب اهله مع اننا مو ساكنين معاهم بس قريب منهم امه الله يرحمها وابوة عايش ومتزوج تخيلو زوجه ابوة دايم تطلبه فلوس وهو مايقدر يردها عشان مايزعل ابوة
وابوة الله يهديه مريض وعنده أسبوعيا مواعيد بالمستشفي وعنده 4 عيال غير زوجي وزوجته ماتبي تتعب عيالها مع انهم فاضيين ومو متزوجين و2 منهم عاطلين عن العمل دايم تتصل لزوجي تعال ودي ابوك مشوار المستشفى من كثر مايستاذن زوجي من شغله صارو يخصمون عليه وشي ثاني لارحت ازورهم مايعطوني وجه يعني يبونا لمصلحتهم فقط حتي انا ماسلمت منهم بنتهم متزوجه صرت اهتم ببنتها لمده 3 أسابيع لانه عندها اختبارات ومره كنت تعبانه وقلت لها خليها عند امك ومن يومها حقدت علي وماتكلمني ابد وفوق هذا تهذر فيني عند الناس انتي نحيسه ومخربه اخوهم عليهم وهم أساسا مايعرفونه الا لمصلحتهم ودايم عمي الله يهديه ورا زوجته وعيالها لدرجه مره نصح واحد من اخونه يبتعد عن شله فاسده وقعد يصارخ ويقول له موبشغلك ماتدخل فينا وراح كلم عمي وعمي غسل شراع زوجي وقال له مااشوف وجهك بعد اليوم بس 5 أيام عشنا بنعيم وبعدها رجع يبي مشاويره وزوجته تبي فلوس فاطرو يرجعون لزوجي الي خلاني اكتب لكم اليوم انه زوجي فاض فيه مره واليوم ابوة كلمه يبي يبيع ارض قديمه وقال له ببني لاخوانك بيت وشقق عشان يعرسون فيها زوجي فرح مره وقال بنتخلص من الايجار وانه الطيب نفع فيهم بس للأسف ابوة بكل وقاحه قال له ببني علي عددهم 4 شقق ومايكفي شقه خامسه واذا تبي ابني بفلوسك والبيت بيكون باسم مره ابوة يعني بعد عمر طويل يقدرون يطردون زوجي حتي لو هو بني له بالطابق الثالث زوجي مره حزن بس سكت قال ابوي عيني عينك لاغيني من حياته وقال خلاص بعد اليوم ماابيهم ولا ابي شي منهم ولا بخدمهم بشي انا احترت وش اسوي هل نقاطعهم ونستخدم معاهم أسلوب ثاني او يضل زوجي خادم لهم وحتي ابوة مو مهتم فيه بس للمصلحه انصحوني والله ماغير افكر بوضع زوجي مسكين وربي يحزني